زوجة للهامستر [الأرشيف] - منتديات تو زوو

s7ora

24-03-2012, 08:01 PM

~~السلآم عليكم ورحمة الله وبركاتــه~~

أنا عندي هامستر إسموا >>كوكي<< {ذكر}
و دايماً يكون طفشان و يقعد يلف و يدور و يرجع نفس المكان
و فكرت اشتريلو هامستر تاني و تكون انثى:freind:

فأبا اسال انو تفرق معاه
+يعني لو جبتها بيقعد معاها و يلعب وكدا
// لانو قريبتي كان عندها هامستر و اشترتلوا و تقول انو يبا يخرج من القفص
يعني نفس الحاله حتا لمن اشترتلوا:confused:

*مع انو القفص كبير ;)

Mad Mood

24-03-2012, 08:52 PM

عليكم السلام

بتفرق انو بيصير متوتر وبيقعدوا يتضاربوا!

نوع هامسترك سوري.. والسوري يعيش في الطبيعة منفرد.. ما يرضى بهامستر ثاني يشاركه منطقته وأكله وشربه

ولو حطيتي معاه هامستر ثاني الاثنين بيشعروا بالتهديد من بعض خصوصا الأنثى.. واحتمال يستمر القتال لين يموت واحد منهم أو تفقأ عينه أو يجرح جرح خطير

تأكدي ان أكله متوفر.. وان السقاية تصب مويه ماهي مسدودة.. وان القفص والنشارة نظيفين.. وانه سليم ماهو مجروح أو مريض.. اذا هالاشياء كلها متوفرة والهامستر يلف ويدور كثير معناه مبسوط ونشيط مو طفشان!

اهم شي يكون في القفص عجلة يتمرن ويلف فيها على كيفه

طبعا اذا تحبين يكون عندك هامسترات صغار ممكن تاخذين له انثى بس تخلينها بقفص ثاني خاص فيها.. واذا حبيتي تعرفي كيف تزوجيهم اسألي هنا في المنتدى عن الطريقة

اما اذا ماتبين عيال فخليه لحاله.. وعشان ما يطفش طلعيه من القفص كل يوم ساعة او ساعتين.. والمكان ضروري يكون مغلق.. سواء حوش أو غرفة.. المهم ما يقدر يهرب او يتخبى في فتحات صعب يخرج منها

ممكن كمان تشتري له عضاضة من محلات الحيوانات.. أو قطعة خشب ناعمة.. عشان يتسلى بقرضها

وانصحك تقرأي كثير عن الهامستر عشان يكون عندك قدرة على فهم تصرفات حيوانك وما تاخذي فيه ذنب بسبب فهم خاطئ عن حسن نية

وأي استفسار انا تحت أمرك