هامستارتى الام ماتت والاطفال عندهم 16 يوم [الأرشيف]

Mad Mood

25-03-2012, 02:08 AM

نحفت ع الاخر وتقول بدون سبب!

النحف دليل على الجفاف.. يعني الاكل المتوفر لها كان أقل من اللي تحتاجه.. خصوصا الأكل اللي يحتوي على نسبة من الماء.. وكمان دليل على ان حليبها خلص من بدري.. يمكن قبل ماتموت بيومين ثلاث.. وفي هالمدة عيالها مصوا كل السوائل في جسمها لين صابها جفاف وماتت

المرضعة تحتاج رعاية خاصة ونظام غذائي خاص غير عن الهامستر العادي وضعف الكمية عن الهامستر العادي لأن جسمها مسؤول عن تغذية مجموعة كبيرة

الأعمار بيد الله لكن انت تتحمل ذنبها في ذمتك لو كان اهتمامك فيها أقل من اللي تحتاجه

الصغار ممكن يعيشوا بس لازم تهتم فيهم

أعطهم أكل.. خلاص هم في المرحلة الأخيرة من الفطام ومش لازم يرضعوا حليب.. بس ما زالوا يحتاجون لفوائد الحليب مثل الكالسيوم والفيتامينات والبروتين لأن أجسامهم مازالت في طور النمو.. عشان كذا لازم تعطيهم خبز/توست/شابورة (بُر) مغموسة في حليب قليل الدسم مخفف بالماء

لا تعطيهم خضار كثير اجسامهم ما تتحمل.. ورقة خس كل ثلاثة ايام.. وكل يومين ربع تفاحة وبس

شرايح الجبن قليلة الدسم كل يوم

خلطة الحبوب الخاصة بالهامستر توفرها لهم 24 ساعة وبكمية كبيرة

قرب السقاية لهم وتأكد انهم يشربوا منها.. إذا هم ما سبق وشربوا منها علمهم بنفسك.. حرك الكورة الحديدية عشان تقطر مويه.. وامسك الصغير وحط فمه أمام الكورة حتى يستطعم المويه ويشرب ورح يتعلم بسرعة

والله يعوضك بأحسن من اللي ماتت بس الله الله في الاهتمام فيهم هذي أرواح أمانة عندك