بغبغائي الجالا مريض ينتف ريشه

[akram2124]

بغبغائي كوكاتو ( جالا ) عنده حكه غريبه في كل جسمة من بعد ماروشته خاصتا في صدره يحكحك حتي جرح نفسه

ولاحظت وانت بكرامه برازه صار ابيض

الي عنده حل يفيدني جزاه الله خير

[نوني..]

الحكه طبيعيه بس انو يجرح عمرهـ مو طبيعي =(

وحسافه جالا

الصراحهـ ماعندي خبرهـ بس يمكن البراز من اكلهـ

[akram2124]

مع انه اكله مشكل البلجيكي حبوب وفول سوداني وفواكه مجففه

والغريب انه ينتف الريش الي في صدره من جزوره وبتجريح جلده صدره

[نوني..]

هو جديد عندك يعني متغير صاحبه ؟! لان القالا من النوع اللي يتعلق
ياليت توديه لبيطري لانك تقول يحك + نتف = يمكن حساسيه

[akram2124]

ابدا له عندي فوق 3 شهور والحمدالله كان طبيعي جدا

التغيير هذا حصل في حوالي قبل 10 ساعات مع انه مهتم بنظافه القفص والطير اخرجه من القفص تقريبا يوميا او يوم بعد يوم

[نوني..]

اجل احتمال كبير حساسيه

[ٌابوعمر]

الطير الي فيه حساسيه مو نفسيه ابد طيب سوالي لك يوم روشته روشته بمويه بس ولا حطيت على الطير شي ثاني ؟

[akram2124]

ميه بس

[ٌابوعمر]

اخوي كم عمر الطير ؟ وصل للجلد ؟ من كثر مايحك؟ ولو ماوصل صوره لنا

[akram2124]

عمر الطير سنتين تقريبا والحكه وصلت للجلد ومنتف الريش الي باصدر شويه منه مع تجريح بسيط من كثر الحكه

[آنآستــآزيآ]

.. اللــي تــوويهـ بـ الترتيــب ..

.. 1_ تركــب لــهـ طــووق الحسااسيــة مثــل اللــي بـ الصــووور ..



.. 2_ تــرووش الطيــر مــرتين بـ الأسبــووع أو مــرة لــوو شفــت الأجــوااء مــوو زينــة ..

.. 3_ تــرش ع الطيــر كــم رشــة خفيفــة مــن زيــت الصبــاار أو زيــت الزيتــوون ..

.. 3_ تنظــف القفــص مرتيــن بـ الأسبــووع بـ عــداووة .. يعنــي بـ مطهــراات ومــاا إلا ذلكـ .. مــع تنظيــف جميــع أدواات القفـتص مــن مجثــم ومآكــل ..

.. 4_ ضــروووري تشمســهـ فــي جــوو لطيــف يووميــااً ..

.. ولــوو صــوووورة يكــوون أفضــل .. ^_^ ..

.. آنآستــآزيآ ..

[akram2124]

يعطيك العافيه علي اهتمامك

انا بجرب مع الطير الترويش بماء البحر

[بلاك بيري]

ماء البحر يحتوي على املاح كثيرة راح يجفف جلد الطير ويسبب له حساسيه اكثر واكثر

نصيحتي بزيت الصبار فهو يهدئ الحساسيه بشكل رهيب
ونصيحتي اعطي طيرك جرعه وقائيه من الباي تريل او السبكتولين لمده يومين علشان نتأكد ان البراز طبيعي

وياليت صوره لطيرك

[المقبل]

السلام عليكم ورحمة الله وبركاته
الحل الي بقولك اياه حل خاص فيني ومن ابتكاري بعد معانات مع طيوري ولله الحمد كل طير جربته عليه تشافى بأذن الله وهو
تروح للصيدليه العاديه الحياة او الدواء وتقوله عطني غسول مطهر مهبلي حق الحريم لونه احمر غامق
وتجيب رشاش ماء وتوضع فيه ملعقتين من الغسول مع نص كاس ماء حلو حار وتسكر عليه وترجه بقوه
الى ان يصبح الناتج جاهز وتبدأ برش الطير كله الا الراس ولا تنشفه خله
الطريفه هذي استخدمها يوميا ولمدة اسبوع وبأذن الله تشكرني
انصحك لا تروشه بماء البحر تراه بيحرقه ولا يعالجه
والله الموفق ...

[akram2124]

شكرا للجميع وجزاكم الله الف خير