ابي شوركم لاني وايد محتار

[كويتي777]

السلام عليكم

اخواني انا عندي كاسكو افريقي حاليا وبصراحه احبه ومعتني فيه وكل شي تمام

وقبل كم يوم شريتلي بغباء علي اساس انه امزون بلو فرنتد وطلع اورنج وبصراحه جدا متوحش وضيق خلقي جدا وقبلها كنت جدا متحمس للبلو فرنتد امن الحين حسيت باحباط بعد عملية النصب وقلت ببيعه وبس

لكن تراودني افكار وترددات ان اشتري مرا ثانيه بلو فرنتد واعرف واحد ثقه يبيع فروخ بلو محجلين حجول اصليه وبلو فروخ واليفين جدا

بس والله متردد خصوصا حماسي جدا قل


فهل تشورون علي اني احتفظ بالكاسكو والبلو يعني هل البلو فيه ميزات ويسوي اني اشتريه ول حاله حال الكاسكو

لان اسمع كلام وايد بالمنتدي عن الامازون البلو وغيره وبصراحه هالشي يخليني اتشجع اني اخذلي واحد

ابي رايكم

وشكرا لكم

[عشقي البلوفرنتد]

خذلك بلوفرنتد فرخ اليف من شخص ثقه

[كويتي777]

خذلك بلوفرنتد فرخ اليف من شخص ثقه

موجود طال عمرك شخص ثقه وعنده فروخ اليفه جدا ومحجله حجول اصليه

بس السؤال هل هو طائر يستاهل ؟

[ٌابوعمر]

طائر يستاهل وبقوه اسال مجرب البلو فرنتد رهيييييييب بس اذا عندك افريقي ترا قدراتهم تقريبا متقاربه الفرق ان الامزوني شيطاني اكثر طول الوقت يلعب ويحوس ويصفر ولا يعبرك اذا كان مثلا يصفر وانت مو فيه بيكمل ماعليه منك رحت جيت اما الافريقي خجول لو تدخل عليه وهو ياكل يوقف لو تدخل عليه وهو يصفر يوقف اي سوال عن البلو فرنتد اسالني انا مربي اكثر من واحد وحاليا عندي واحد

[مبتدئ كاسكو]

بعد اذن صاحب الموضوع
والله موضوع جاء بوقته افكر اشتري بلوفرنتد بعد ماشفت اسعار الدبل يلوهيد نااااار.
و عندي كاسكو زي ماقال ابو عمر خجول و وليف معااي بس ماتعود ع الاهل
و نبي نصايحكم بالبلوفرنتد

[ٌابوعمر]

اخوي مبتدى البلو فرنتد افضل من الافريقي بدة نقاط منها واهمها هي المناعه البلو فرنتد اقوى
الدبل يلو هيد تبي تشتري سعره فرخ اليف محجل ب8500 ريال تقريبا بتحصل لو تدور زين

[تشآرلي]

السلام عليكم

اخوي العزيز

مثل مايقولون لو حبيت تشتري امزوني طب بالجامد احسن لك ههههههههههه يعني الدبل هيد

البلو قد يكون مبدع ولكن الدبل يتميز بالذكاء الاكثر

والله يكون بعونك بالخساره ،، لاني والله اشتريت مره طير ع اساس انه بلوو وطلع ارونج وينج متوحش وكبير بالعمر

لكن ماعليه هذي الغلطه الكل يقع فيها من المبتدئين لانهم متشابهين جدا

،،،

خليك مع الافريقي تراه جدا ممتاز وعيوبه فقط المناعه يحتاج للاهتمام

اما من نحاية الخجل وغيرها مو كلها خجوله بس مع الوقت بيصير عادي جدا

الامزوني له ميزات وله سلبيات

انا جربت الامزوني

ماناسبني جدااااا

لكن الناس اذواق

وافضل الافريقي عن الكل ،، مجرد رائي

[ٌابوعمر]

اخوي تشارلي ممكن تذكر لي عيوب الامزوني ؟ انكان دبل يلو هيد او يلو ناب او بلو فرنتد

[عشقي البلوفرنتد]

انا افضل البلوفرنتد امزون

السبب انه مبدع بالكلام و اجتماعي بشكل كبير

اما الكاسكو انا جربته كان حنون جدا جدا وكان يحبني بشكل كبير وكان يخرج لي الاكل وانصحك تاخذ البلوفرنتد

راجــعــ الخاص

[مبتدئ كاسكو]

والله الكاسكو هو طير كويس بس يقهرك و يكرهك اليوم الي شريته فيه
من عيوب الكاسكو مو اجتماعي يخاف من الاهل وله معاااي يمكن فوق شهرين
يصفر باليوم مره تصانيف و واحد كان عندي و مات وكرهني بالكاسكو لاكن ان شاء الله
اذا تحسنت الظروف راح ابداء انتج الدبل لاني من هاوي الانتاج> كان هاوي أنتاج حماام:D

بالتوفيق

[بلاك بيري]

والله لايوجد مثيل للبلوفرونتد بكل المعاير هو الأفضل