عارضين عليه بلوفرونتد وحاب أخذ رأيكم في الطير

[عاشق الامازونات]

مرحباً شباب

عارضين عليه طير بلوفرونتد وحاب اعرف كم يسوى الطير وكم عمره واقدر اعلمه الكلام
مواصفات الطير :
يطلع على اليد وياكل من اليد يصافر ويرقص داخل القفص بس لمه بطلع من القفص يخاف ويهرب

عيوب الطير :

الحجل كبس عمره غير معروف ما يتكلم فقط يصفر يخاف داخل القفص بعض الاحيان بخط من فوق يدي وأحاول الهرب

http://db.tt/YA9cr2IV
http://db.tt/KbX3usf6
http://db.tt/oEMsLDJN
http://db.tt/jr6wGsVF

[الهاشم]

اهلين اخوي
بس ما قلت لي بكم عاضينه عليك عشان الخبراء يعرفوا اذا السعر مناسب او واجد عليه
انا مو خبير في الامازون بس لان عندي واحد صغير ( بلوفرونتد ) بس احس اللي عندك كبير .. انتظر الخبراء يفيدوك
وثانيا شكله مرة حلو خصوصا كمية اللون الازرق عاطنه جمال مو طبيعي ^_^

[عاشق الامازونات]

مشكور اخوي الهاشم بخصوص سعر الطير ٢٠٠٠ ريال
نتظر راي الخبراء

[هذا حظي]

ماشاء الله

اتوقع عمرة كبير فوق الثلاث والله اعلم

من وجهة نظري اشوف سعرة حلو

واكيد تلاقي الجواب عند عشاق هذا النوع

[عاشق الامازونات]

مشكور اخوي هاوي بنسبه حق تلقين الطائر على الكلام هل راح يكون سهل ولا راح ياخذ وقت

[الهاشم]

اخوي كل ما كبر الطير صار تعليمه وتقبله للتعليم اصعب
بس انا اشوف ان السعر حلو خصوصا ان عنده تصفير واليف
بس انتظر راي الخبراء يفيدوك اكثر

[بلاك بيري]

هلا اخوي العمر 4 سنوات والطير سعره زين لكنه كبير وبيكون صعب تلقينه

موفق

[@$عاشق الدرة$@]

اخوي السعر حلو
وبالنسبة للعمر ماني افهم من الاخوان يعني 4سنوات تقريباً
لكن راح يكون تلقينه للكلام شوي صعب
ولوتزيد فلوس وتشتريلك فلاخ كبير شوي افضل

اتمنى اني افدتكـ

[old-alkasiko]

اخوي سعر الطير حلو لكن إذا كان ودك يتكلم كويس أنصحك بعدم أخذه ولك حرية الإختيار..

[ٌابوعمر]

اخوي شكل الطير رهيب وهو من الدرجه الثانيه استيفيا بلو رائع بس ماهو كويس لتربيه كويس للانتاج انصحك تزود فلوسك من 200 دينار الي 300 وتشتري احلى فرخ تستانس فيه

[عاشق الامازونات]

مشكورين شباب بنسبه حق الفروخ حصلت بلوفرونتد إعمارها على ٦-٧ شهور والطيور في هالسن تخوف وحظي معاها ماهو كويس من اربعة طيور كاسيكو ما عاش منها الا واحد ولقيت كذا نوع فروخ من الامازون يلوكروان ودبل يلوهد وبلوفرونتد وفيه نوعيه ماعرف اسمها حجمها حجم اليلوكراون وفوق راسها ابيض الليفة اعمارهم على ٦-٧ اشهر في سوق واقف

[الهاشم]

اخوي البلوفرونتد مناعته اقوى من الكاسيكو بكثير

[ٌابوعمر]

فعلا البلو فرنتد والامزونيات بشكل عام مناعتها كويسه ماهي مثل الكاسكو

[rcoood]

نصيحتي بعد عنه اذا تبيه يتكلم لانو حيكون معك في البيت ابكم
مره مثلك خذيت نفس البلوفرنتد وكبير ومايتكلم ويوم بعتو وربي بسعر تافه مره محد يشتريه
الافضل تزود الفين وتاخذ لك شي افضل

[عاشق الامازونات]

مشكورين شباب
الطير شريته والحمدالله طلع ذكي خلال اسبوع ولفته وصرنا ربع و حطيته يم الكاسيكو عشان يلقنه الكلام وبفضل الله سمعته اليوم ينطق السلام عليكم لاكن ماهي بصوت قوي

[ٌابوعمر]

^^
الحمدالله طلع ذكي وتقبل منك الترويض غيره مستحييييل يتروض الحمدالله الف مبروك الطير ترا طيرك فعلا تحفه ما شاء الله

[kha6ab]

اذا سعرهـ 2000 ريال سعودي... والله يابلاااااااااااش !!!ا


هذا انا اعطيه 4000 ريال .. اللون الازرق مررره محليـــه ماشاء الله


الله يعطيك خيرهـ

[عاشق الامازونات]

مشكورين اخواني ماقصرتو

[بلاك بيري]

انا من وجه نظري وخبرتي اشوف ان الأستفيا بلوفرونتد امازون من الطيور الممتازه في التلقين ولها باع طويل جدا بالكلام والذكاء