ساعدوني ياخبراء الافريقي

[classic]

السلام عليكم جميعا......يااهل الخبرة وخاصة كاسيكو البحرين ياليت تساعدوني
انا لي اسبوع اطلع الببغاء على الاستاند واحك على بطنه ورقبته من تحت مايقول شي بس من يومين صار يبعد يدي برجله مااقدر المسه ويفتر بجسمه حتى ظهره وراسه مستحيل اوصله لانه يخاف ويطير بسرعه وش الحل معه ساعدوني ابغاه اليف ويطلع على يدي مع اني ادلعه وصاير عنده العبد المطيع ماخليت له شي وانا اخاف يتعود على الاستاند وبعدين لاهو اللي يتولف ويتعقد من القفص .......وبعدين له يومين ماصفر ولا سمعت صوته مع انه اول كان اول مايطلع النهار مايسكت ابد

[classic]

على فكرة نسيت لا اقول لكم انا اطلعه على الاستاند باليوم مرتين او ثلاث

[كاسكو البحرين]

classic يا مرحبا بك

جوف اخوي هذه أمور تحصل مع كل الطيور ومشكلتك انت مو أول ولا آخر مشكلة وانا ما اسميها مشكلة بحد ذاتها ، اللي الحين تسويه إنك >>>> تخلي الطير الى لستاند ماله ويكون موضع لستاند بزاوية ابحيث تجي إنت وتوقف جهة وجهه ومايقدر يجوف أي شي غير جسمك يعني تمنع عنه الطير او محاولة الهروب منك وابهذه الحاله تستطيع حل مشكلة الهروب او الطيران ، نجي إلى المشكلة الثاانية وهي المسح ! ;) المسح يا أخ classic محبب عند الطيور وإنت أكيد شاهدت بعض الطيور هي بنفسها تنزل راسها عشان نجي ونمسح ونحك على راسه :rolleyes:
يعني نقدر نقول هو محبب ولطيف للطيور بس اشلون نحاول ندرج ونوصل هذه المعلومة الى الطير بطريقة سهله وبسيطة

أولاً : وقت اللي تريد تمسح على الطير لاتكون انت اعلى مستوى من الطير يعني حاول تجيب (كرسي) ويكون مستواك ما يتعدى مستوى رأس الطير

ثانياً : المسح يكون بالتدريج وهذه نقطة مهمه جداً ، أبدأ من أرجل الطير والى الفخذين ومن ثم الصدر حتى منطقة الرأس + منقار الطير

ثالثاً : إنت ذكرت لي الطير كان ماشي معاك ويخليك تمسح عليه بس هاليومين متغير عليك اشوي :cool: هل إنت تقطع جلساتك الحلوة مع الطير ؟ وفي هذه الحاله يجب عليك بستمرارية الجلوس واللعب مع لأنه انت حالياً في مرحلة الترويض والترويض البطيئ تكون نتيجتة أفضل من الترويض السريع واللي بعض المربين يستخدمون الخشونة ، عموماً >>> إنت الآن تمرن الطير ويجب عليك مواصلة التمرين وإخبار الطير إنك ودود وتريد تكوين علاقة بينك وبينه بهذه الأساليب المذكورة ولا تنسى تطعم الطير من يدك وهذه من أقوى الأساليب عشان تختصر المشوار الطويل
ولاتنسى انك تكون صبور وعدم اليأس ترى صدقني يا classic السر في الترويض الممتاز هو أول صفة لازم تكون مع المربي هو الصبر غير هذا يكون يراقب الطير بشكل مستمر ويعرف سلوكياته ومراقبة الغذاء والإهتمام بالقفص وبالطير نفسه ، وحاول تحجز الطير بيد ومحاولة المسح بيد وان شاء الله كلامي سهل وقدرت اوصل لك المعلومة البسيطة .


تحيتي لك

[classic]

اخوي كاسكو البحرين الف شكر لك والمعلومة وصلت ولاتلومنا انا جديد على تربية الببغاء صار له اقل من ثلاثة اسابيع عندي وانا اعتبر اني ماشي في الطريق الصحيح لان الجعرة خفت كثير عن اول بس احيانا اقول ابغاه يتولف بسرعة ماعندي صبر وانشالله مع الوقت يصير كل شي تمام

[كاسكو البحرين]

ما ألومك ولا تلومني

هذا الواجب

والصبر مفتاح الفرج

و3 اسابيع جداً قليلة

خل الطير يستوعب ماهو الجديد من حوله

بالتوفيق