استفسار بشأن اكل الطائر ( الحبوب )

[j7roob]

اسعد الله اوقاتكم بكل خير
اخواني الاعزاء قرأت الكثير عن الببغاوات وتربيتها لتولعي بهذا الطائر الرائع ومن خلال قرائاتي عنه لاحظت ان بعض الكتاب او المربين ينصح بغسل الحبوب قبل تقديمها للطير والبعض الآخر يتجاهل هذه النقطه

سؤالي وارجو التفاعل من الجميع لتعم الفائده
هل غسيل الحبوب ضروري قبل تقديمها للطير ؟
واذا كانت كذلك ماهي الطريقه المناسبه لغسيل الحبوب ؟

اتمنى التفاعل من الجميع وكل شخص يذكر تجربته

بالنسبة لي لم يسبق وان قمت بغسيل الحبوب


ودي وتقديري

[ٌابوعمر]

اخي مو لازم تغسلها اشتري خلطات نضيفه مو الي تجيك بل كيلو هاذا تكون مكشوفه لايام واسابيع وشهور وغالبا تكون ماهي نضيفه ولا تنفع

[j7roob]

اشكر مرورك ابو عمر
ولكن استاذي ليس كل شخص قادر على شراء الحبوب الجاهزه

انا عن نفسي اشتري بالكيلو واسوي الخلطات في البيت والحمد لله الوضع ممتاز جداً
اوقات الصيف احط الحبوب اول ما اشريها في الفريز لمدة ثلاث ايام عشان ادا فيها سوس او شي يموت

ودي وتقديري

[mome]

لا مو لازم انا كان عندي ولا اغسلهم وافضل اذا تبي مغسول ممكن تشتري اللي يجي بالكيلو مغسول ونظيف وزين

[ٌابوعمر]

اخوي ترا ماهي غاليه الي تكون مكيسه ونضيفه واذا المنطقه الي انت فيها مافيها محلات تبيع تقدر تعامل محل وتخليه يرسلك كل مابغيت عن طريقة شركات الشحن مثل زاجل وغيرها ومايكلف النقل شي بل كثير 15 او 20 ريال بس

[momen]

والله عن نفسي ما اقدم للطائر الا الحب الشمسي لانه رافض اي اكل تاني ؟؟ ومن المكيسه طول على طبق الاكل من غير غسل ؟؟

[ٌابوعمر]

اخي يجب ان تحرص على نضافت الاكل لا يكون فيه سوس او دود او تراب او شي وسخ قد يمرض الطير بكل سهوله من هاذا الاكل الوسخ

[نوني..]

لاتوسوسون

انا عن نفسي كنت اغسلهـ بعدين بطلت افضل يأكلهـ كذا بدون غسل علشان يكتسب مناعهـ

مو كل شئ جاهز لهـ اهم شئ يكون مظهرهـ نظيف ومافيهـ حشرات

والحبوب المخلطهـ اللي عندنآ بالسوبرماركات ارخص من اللي بالمحلات =)

بس اللي في المحلات فيهآ زيادهـ ذرهـ مجففه ويمكن فواكهـ اهم شئ تعامل مع محل نظيف

[ٌابوعمر]

^^
بعض الايام الوسوسه زينه اختي لو تعطين الطير اكل فيه دود او بيض دود طبعا ماراح تعرفين انه فيه بيض يفقس ببطنه ويذبحه بذااات بل اكل والمويه لازم الوسوسه

[j7roob]

اشكركم على التفاعل

الشغله مو شغلة وسوسه اكثر منها حرص على الطيور من الامراض

بالنسبه لي انا اخذ الحبوب من محلات المكسرات الخاصه يعني مو محل طيور واختارها بعنايه مو كل شي اخذه وبعد اخذ الذره الجافه من المحلات الخاصه بطحن الحبوب واسري الخلطه في البيت
- حب شمسي ٢ كيلو
- فول سوداني مقشر ٢ كيلو
- فول سوداني غير مقشر ١ كيلو
- عين الجمل مقشر ١ كيلو
- حبوب ذره جافه ١ كيلو

اخلطهم مع بعض وبعدين اوزعهم على اكياس صغيره اخذ كيس واحد والباقي احطهم بالفريز عشان السوس والدود

والطير الحمد لله مكيف على الخلطه

ودي وتقديري

[ٌابوعمر]

^^
اخوي خلطتك ممتازه بس الفول السوداني كثيييييير مخليه اكثر من الحب الشمسي مايصر المفروض تخليه كيلو بس مو 3 كيلو

[j7roob]

اشكرك استاذي على التنويه
ولكن طيري يموووووت في شي اسمه فول سوداني
اوقات اخلي عنده حب شمسي ويجلس يوم كامل ماياكل غير حبتين
والا ادري ان اكثرة الفول السوداني مو زينه بس اش اسوي ؟

[ٌابوعمر]

لا تعطي الطير هواه مو على كيفه يبي ياكل قدامه الاكل مايبي خله لييييييين يطقه الجوع وغصب عنه بياكل ترا كثرته بتهلك طيرك حط بس 3 حبات بل يوم والباقي اعطيه ححبوب من غير مكسرات يعني ياكل حب شمسي وذره ومن الخلطه الي انت مسويها مو كلش فول سوداني

[j7roob]

طيب عين الجمل كيف ؟

[ٌابوعمر]

وشي عين الجمل ؟ معليش بس تراني ماعرف اسامي الحبوب !

[j7roob]

ماعرف اسم ثاني له
يمكن يفيدوك الاخوان

[ٌابوعمر]

اممممممممم مادري وشي هي نوع من المكسرات ولا من الحبوب مثل الذره والحمص وكذا ؟

[j7roob]

لا استاذي هي نوع من انواع المكسرات

[ٌابوعمر]

المكسرات خليها كلها كيلو واحد بس يعني نص عين الجمل ونص فول سوداني لا تكثر هي بس مجرد تغير لطير ماهي وجبه رئيسيه

[بلاك بيري]

مكسرات عين الجمل ممتازة للطير وتحتوي على كميه رائعه من البروتينات الازمه لنمو الجسم اعطي طيرك منها لكن بكميات قليله

موفق

[j7roob]

هلا اخوي بلاك بيري
وين الغيبات ؟

طيب استفسار لاهنت البلو فرونتد اللي عندي يمووووت في عين الجمل والفول السوداني بس الحب الشمسي ماياكله ومايقرب منه مع اني اخليه عنده من الليل الى الظهر ومع هذا ماياكله وانا اخاف عليه من الجوع لانك مثل ماتعرف الطير توه صغير