استفسارين عاجلاً لاهنتم

[ابو رنـ محمد ـا]

السلام عليكم مساء الخير



حبيت اسال اخواني عن طيري فيه اسهال و صرف لي البيطري علاج قطرات واسمه spectin لون العلبه برتقالي واتمنى لو تفيدوني اذا كان حلو او فيه افضل منه علشان اوقف السهال عزكم الله و نقطة ثانيه بستفسر بخصوص الاكل انا اعطيه حب الشمسي و سبال او فول سوداني واتمنى افادتكم عاجلاً يروح الطير مني خايف عليه


والف شكر لكم

[ٌابوعمر]

اخوي اول شي اقطع عنه الفول السوداني نهائيا ثاني شي روح اقرب بيطري واشتري علاج الباتيرل واعطيه من 5 سم لمدة 5 ايام وان شاء الله يطيب وكل شي يرجع زي ماكان ولا تعطي الطير غير الحبوب فقط لا فواكه ولا خضروات ولا مكسرات

[ابو رنـ محمد ـا]

واذا ما حصلته اخوي لان عندقلة بيطريين لتواجدي بمحافظة لاتخدم هذه الطيور للاسف

[أبو رآكان]

هلا اخووي ..

الاسهإل شي طبيعي للطير ..

اول شي امنع عنه الفواكه والخضآر + الفول السوداني ..
فقط اعطية حب شمسي ..

2- عندك علاج للأسهال مفييد جدا وانا مجربه اسمه ( أمبستين ) ..
عطية لمدة خمس ايام ..
اذا ما نفع عندك نوع ثأني اسمـه ( فور ان ون ) ، ايضآ مجرب

برضو فيية علاج طبيعي ممكن تجرب اللي هو الثوم + الليمون + الموية
وطريقتة

خذ علبة ابو نص ريألأ ( حقت المويـة ) ..

وقطع فص ثووم " فص وآحد " ..

وحط قطرتين ليمون عليـة ..
واخلطها معا الموييـة ..

وخليها فترة سأعه الى سأعتين .. مقفله ..

وبعدين عطيها الطير بالمشربيـة ..
الصبأح ، خليها الى الظهر وشيلهاا ..

أيضآ حاول لا تعرضه لتيآرأت هوأئية ..

خلية يرتاح ..


اتمنى اكون افدتك ..

تحيأتي لك

[ٌابوعمر]

ان ماحصلته ابحث عن علاج اسمه افيتربل وان ماحصلته اعطي الطير شاهي مر من غير سكر ماجربته بس اسمع كثير يمدجونه وانتضر الي افضل مني واخبر مني يدخلون ويخدمونك يمكن فيه علاجات منتشره اكثر من الي ذكرتها لك

[ابو رنـ محمد ـا]

الله يعطيكم العافيه وبانتظار المزيد من الخبراء لافادتنا ولكم جزيل الشكر

[j7roob]

اخوي الف سلامه لطيرك

انصحك بماء الرز مفيد جداً لحالات السهال
المقادير
نص كوب رز
ماء صحي

اطبخ الرز بالماء فقط لمدة ربع او ثلث ساعه وبعدين طلع الماء المتبقي في المشربيه وخليه حتى يصير فاتر واعطه الطير لمدة ست ساعات وغير الماء مع اضافة اي مضاد للاسهال

وللمعلوميه فيه علاج بشري اسمه كابكت هذا تحط خمسه مل على ربع لتر ماء صحي وتعطيه للطير وهذا مفيد جداً لحالات الاسهال

اتمنى اكون افدتك والله يشفي طيرك

[بلاك بيري]

اخوي العلاج الي معاك نفس علاج السبكتومايسين او السبكتولين وهو ممتاز جدا جدا جدا

استمر عليه مع ماء الرز والتدفئه والعنايه الجيده لطيرك

موفق

[ابو رنـ محمد ـا]

يعطيكم العافيه بس ممكن تفيدوني كيف طريقة ماء الرز ابي شرح لها واضح علشان اسويها له

[نوني..]

مويه الرز مرآ كويسهـ لان الرز يحتوي على النشاء اللي يحول السوائل الى كتل

تحط شويهـ رز مع مويهـ على النار لين يغلي ويكون لون المويهـ ابيض على اصفر

وبعدين سكر عليهـ وخذ المويهـ فقط وخلهآ دافيه مو ساخنهـ وقدمهآ للطير

وماشاءالله نتائجه كويسه للاسهال ..

[بن مرهون]

الشباب ماقصروا اهم شي اقطع عنه الفواكه والخضروات والفول السوداني

[ابو رنـ محمد ـا]

يعطيكم الف عافيه وان شاء الله بجرب الطريقه ذي