فقدان الريش حول العين

[rhabash]

مرحبا!!!

عندي كناري، كان شوي مريض شكلو عندو مرض تنفسي، اعطيت توم وليمون ل 5 ايام ونفع، بس العصفور صار شوي خامل ويرتاح كتير (مش مشحم بالمرة).. بس صوت الصفير راح...

المهم واحد من الأصدقاء نصحني بنقطة زيت او تنتين عشان للأمعاء ... واعطيتو بس من النقطة جزء بسيط اجا عالريش حول المنقار، والعصفور كره حالو، المهم ضل يحك منقارو وعيونو وانا نضفتلو اياه..

المهم هلأ صار خامل شوي، ويحك كتير وجهو،، بس يوكل ويشرب ويتنطنط عادي بس لما بدو...

المهم فأخدتو عند بيطري وشرحتلو، قال ما بدي اشوفو لأنو ما في اشي بس شوي تعب...
والتاني قال نفس الشي بلا ما يشوفوه قالوا السبب انو يوكل ويشرب ... ما قلتلهم عالحكة لأني عارف السبب... ونصحوني بي تيرامايسين الي هو نيو مايسين ومادة فعالة تانية وخاص بالطيور...اعطيتو الي اسمو تيرامايسين، فيه فيتامينات ونوعين مضاد حيوي للامعاء والتنفس،،،
المهم سويت وزي ما قال، اتحسن الطير، طبعا الحكة ضلت ، وما حبيت احط حمام مي عشان ما ينتكس...

أمس شفتو اوكي، قلت خليه يتحمم شوي، ولما طلع لاقيت الريش حول عينو وجنب منقارو رايح، مش عارف من الزيت والحكة أو اشي تاني...

حد بعرف كيف افيدو؟؟ وخايف يكون التهاب بالعين من الزيت او بكتيربا...

ممكن حد يفيد؟؟؟

وشكرا

[rhabash]

طيب... الريش رجع ينمو حول العين، انا اطمنت ولكن اليوم الريش تحت المنقار نازل... المهم الجلد ما فيه اشي، قصدي مش احمر زيادة ولا اشي....

رحت فصلت الأنثى عنو، لانو متزاوج وقلت شكلو أكيد داخل غيار، بس مش عارف ايش قصتو صراحة، لما فصلتو صار يغرد وبيسحب بالتغريد ، كمان مرة احترت هون،،،
بس حطيت الأنثى بقفص تاني مفصول مع ذكر تاني عشان هي اصلا عم تقعد عالعش ورح تبيض قريب انشأ الله، وما بدي اخسر موسمها، وبعد كم يوم بس بخليهم يشوفوا بعض وبدخلو عليها، بس خائف الأنثى تدخل غيار.... كمان

عويصة القصة شوي...
ويا ريت حد يفيدني*

[rhabash]

السؤال؟
الي سويتا صح؟ ولا اخلي الأنثي مع الذكر الاول لحد ما تبيض اول بيضة؟؟؟ وبعدين افصلهم واستمر؟؟؟

[Dr Khaled]

تستخدم مرهم عيني من الصيدليات البشرية إسمه fucithalmic eye drop
بواسطة نكاشة الآذان تمسح المنطقة المصابة بلطف صباحاً و مساءً.
طبعاً تحاول أن يكون بجانب زوجته في قفص منفصل ضماناً ليس إلا لأنه يلزم علاجه و الإمساك به لذا يفضل الفصل...
أما أن تضع الأنثى مع ذكر آخر فهذا يعني أن الأنثى ستهجر البيض أو أن الذكر الجديد سبجبرها على ترك البيض لأنه لا يقبل الرعاية ببيض غيره .

[rhabash]

مشكور دكتور عالرد، سويت حسب ما قلت.