إسهال الليل عند الببغاء (كاسكو)

[abadi22]

السلام عليكم

عندي ببغاء كاسكو (باولو) طول النهار عادي ومافي اي مشاكل

بس بالليل الاقي مكان نومه في القفص اسهال ... او بالاصح فضلات طرية خضراء فاتح على ابيض سائلة

لكن باقي اليوم عادي فما أدري هل هذا عادي ولا لا


مع العلم اني اعطيه بذور تباع الشمس مع الحبوب المنوعة واحيان اعطيه بس البذور واحيان اعطيه خضار عالخفيف وفصفص مملح وفلفل حار بالتنويع طبعا مو يوميا

[كويتي777]

هذا والعلم عند الله مصاب بالسلامونيا

لحق عليه عند اقرب بيطري قبل لا يتمكن منه المرض

وعلي فكره بعد فتره قريبه راح يصيبه خمول وراح يمتنع عن الاكل واذا هملته لا سمح الله راح يموت

طبعا انا خبرتي علي قدي بس لان هالشي حصل معاي

وان شاء الله الاعضاء يفيدونك

[كويتي777]

هذا والعلم عند الله مصاب بالسلامونيا

لحق عليه عند اقرب بيطري قبل لا يتمكن منه المرض

وعلي فكره بعد فتره قريبه راح يصيبه خمول وراح يمتنع عن الاكل واذا هملته لا سمح الله راح يموت

طبعا انا خبرتي علي قدي بس لان هالشي حصل معاي

وان شاء الله الاعضاء يفيدونك

[abadi22]

لاتقولها ياخوي

الطير نشيط ماشاءالله وشهيته مفتوحة لا إله الا الله
بس اللهم هذي مشكلته هل هي من الاكل ولا ايش الموضوع ياريت تلحقون علي باسرع وقت يا اخوان

[ٌابوعمر]

اخوي اول شي لا تعطيه الحين غير الحب الشمسي واشتري الباي تيرل واعطيه منه حتى لو الطير سليم على قولتهم الوقايه خير من العلاج

[كويتي777]

لاتقولها ياخوي

الطير نشيط ماشاءالله وشهيته مفتوحة لا إله الا الله
بس اللهم هذي مشكلته هل هي من الاكل ولا ايش الموضوع ياريت تلحقون علي باسرع وقت يا اخوان

ماشاء الله عليه

انا قلت لك اذا هملته مو الحين

والله طيري بيون وليله كان نشيط بعدها بيوم صار خامل

عموما طيرك حاليا يعاني من الاسهال وهو اللون الابيض السائل الي ذكرته انه يطلع مع الفضلات وبالنسبه للون الاخضر هو السالمونيا

علي فكره انا سبق وحطيت صورة وانت بكرامة لفضلات الكاسكو مالي في المنتدي والاخوان قالولي مافيه شي وفضلاته فعلا كانت متماسكه بس لونها اخضر. وبعدها وديته لليطري قال هذا سلمونيا ويجب معالجته قبل لا تطور حالته ويموت

نصيحه اخذ طيرك لبيطري شاطر وامين اقل مافيها بعطيك علاج ومضادات وتوا اسعار الادوية البيطريع رخيصه جدا لكن عالجه من الامراض قبل لايتمكن منه المرض

انا مابي اخوفك بس مابيك تطيح في مثل الي صار معاي بس لله الحمد والمنه الله سلم طيري وحاليا قاعد يتفاعل مع العلاج
بالتوفيق

[abadi22]

اخوي ابو عمر
ماعرفت ايش هو الباي تريل
بس عندي هالمضاد الحيوي

http://www.2zoo.org/uploads/13319353281.jpg

ينفع ؟ مع العلم اني فتحته من فترة شهرين واستخدمته يضره ولا مايضره لو اخذت منه كمان



وبالنسبة للاكل خلاص مابعطيه غير بذور تباع الشمس وبشوف النتايج


اخوي كويتي :

ان شاءالله باخذه لبيطري وبشوف النتايج والله يستر

[ٌابوعمر]

للاسف ماعرف وشو هاذا المضاد الي حطيت صوته بس روح اي بيطري قوله ابي الباي تيرل واكيد يعرفه ولو ماكان عنده قوله ابي علاج نفس تركيبة الباي تيرل

[abadi22]

اخوي ابو عمر خليك معاي الله يسعدك


بالنسبة للمضاد لقيته بهالموضوع
http://www.2zoo.com/vb/showthread.php?t=261969

وهو عندي اشتريته من فترة

[ٌابوعمر]

يب شفته بل موضوع والموضوع يقول ان العلاج ممتاز بس مادري هل يفسد وله فتره مفتوح طيب وين حاطه بثلاجه ولا برا ؟ مادري بس انصحك تشتري جديد ماحب استعمل شي مو مضمون

[abadi22]

طيب اخوي
عالعموم انا حتصل عالبيطري بكرة ان شاءالله لانو مايمديني اشيله معاي وانا رايح للعمل

بس هذي صورة الاسهال وانتم بكرامة


آسف على الصور (اكرمكم الله لكن للحاجة )

http://www.2zoo.org/uploads/13337525273.jpg (http://www.2zoo.org/)

http://www.2zoo.org/uploads/13337525271.jpg (http://www.2zoo.org/)

http://www.2zoo.org/uploads/13337525272.jpg (http://www.2zoo.org/)