الحقوني عين الافريقي !!!

[سمكاويه]

السلام عليكم ...
ياخواني الكاسكو الافريقي حقي جفن عينه مورم وملتهب ويقفلها مايقدر يفتحها وهو صراحه حالته تخوف انا سويتله علاج طبيعي اخذت مويه حاره وحطيت القطنه في المويه لمن دفيت المويه وكمدت عينه بس بصراحه ماشفت اي نتائج ياليت تقولو لي وش اسوي معاه وهو من الصبح ماصفر وشبه خامل مدري يمكن بسبب عينه ؟؟؟ وكمان ياليت تقولولي وش سبب التهاب العين وش افضل علاج ومنوين اجيبه ؟؟؟ وهل يعدي الطيور الي عندي والى لا ؟؟؟؟ واكون شاكره لكم

[سمكاويه]

وين الناااس ماتدر ؟؟؟؟

[سمكاويه]

ياخوااان معقوله المشاهدات 25 ومافيه ولا رد

[ٌابوعمر]

اختي والله ماعرف لو اعرف افدتك محد يبي يفتي من راسه لازم يجي ويرد عليك المجرب لا تتضايقين وقت قصير ويرد عليك الي عنده خبره كافيه ان شاء الله ويقدر يفيدك صح

[الامل]

انا قبل فتره كذا التهبت وحده من عين الكاسكو وصار خامل وماياكل
لما رحت البيطري قال ان سبب التهاب وحده من العين مو كلهم يكون سببه التهاب بالتنفس
وعطاني دواء لكن انا ماقدر اقولك الدواء لان ماعرف اشخص حالته
لكن نصيحه لاتتاخرين راح يضر بطيرك
وانتي ممن الرياض ؟ عشان ادلك ع بيطري كويس

[سمكاويه]

الله يعطيك العافيه نفس طيري ملتهبه عينه لدرجه انه اليوم مقفله مرره ومنتفخه والله يكرمك فيها ماده زي الشمع بس ماني ملاحضه شي في نفسه ومشاء الله شهيته مفتوحه بس عينه الي ماثره عليه والله اني خايفه عليه بالحيل وانا من جده ياليت تعلموني افضل بيطري الله يحفضكم ولا يوريكم مكروه في طيوركم ... مشكور اخوي ابو عمر + اختي الامل .. ونشاء الله بوديه اليوم البيطري وبقولكم وش صار معاااايه .. مشكورين

[سمكاويه]

اه وصح نسيت اقولكم هوه من يوم بدا التهااب معاااه ماصفر ولا تصفيره هل هذا يدل على انو عنده شي في نحره الله يستر

[ٌابوعمر]

اختي روحي بيطري وجربي ترا ممكن يفقد عينه لو اهملتيه روحي وشوف وش يقولوك واذكر انه فيه مرض بتنفس ياثر على العين وعلاجه هو التلاين بس مابي اوشوش عليك واقولك شي انا ماني متاكد منه عشان تضمنين ان شاء الله تشخيص صحيح روحي اكثر من بيطري ولا تخليهم يطقونهم ابره مهما حصل

[سمكاويه]

الله يعطيك العافيه اخوي ابو عمر ونشاء الله بنزل انا واخوي اليوم العصر وبروح اشوف لي بيطري وبقولك وش صار معي ومايكون الى كل خير والله كاسر خاطري الضعيف مره مقفله عينه ... الله يشفيه

[محمد بن فهد]

هذي لازم جراحة يطلع اللي فيه اختي شوفي لك بيطري ممتاز

[سمكاويه]

اوووف جراحه ليش هوه توه ماله يومين من يوم تعبت عينه وكيف اعرف انه البيطري كويس هوه انا اعرف واحد بس مدري هوه كويس والى لا بس بصراحه هوه افضل من الي جنبه محله مرتب وشوفت الشهاده حقته البيطريه وعنده عياده داخليه للجراحه هل تتوقعون انه كويس لنه افضل من الي حوله .. واذا تعرفولي واحد كويس في جده الله يعطيكم العافيه ...

[سمكاويه]

ابشركم رحت عند البيطري ممتاز وكشف عليه وقال عينه كذا عشان عنده التهاب رئوي وكمان وجد انو حرارت الطير مره مرتفعه وكشف على عينه وطلع منه زي القطن عشان انا كمدت عينه امس بقطن وماء دافي واظاهر خشت في عينه قطعه من القطن المهم حط على عينه برهم وقال تستخدمه 3 ايام وهذي صورته وقولولي هل هوه كويس ؟؟؟

http://www13.0zz0.com/2012/04/08/16/429061834.jpg (http://www.0zz0.com)

http://www13.0zz0.com/2012/04/08/16/955154221.jpg (http://www.0zz0.com)

وكمان اعطاني مهداء للحراره والاتهاب الرئوي وهذي صورته وقولولي هل هو كويس ؟؟؟ اخاف اعطيه وتنقلب صحته ؟؟؟

http://www13.0zz0.com/2012/04/08/16/385106076.jpg (http://www.0zz0.com)

http://www13.0zz0.com/2012/04/08/16/792403941.jpg (http://www.0zz0.com)

وبرضو اداني فيتامينات وقالي لا تستخدمها الى بعد ما يرجع الطير تمااام وهذي صور للفيتامين وقولولي كيف هوه ؟؟؟

http://www13.0zz0.com/2012/04/08/16/862908603.jpg (http://www.0zz0.com)

http://www13.0zz0.com/2012/04/08/16/540871011.jpg (http://www.0zz0.com)

http://www13.0zz0.com/2012/04/08/17/243898056.jpg (http://www.0zz0.com)

والي انا مستغربه منه يقول لا تعطيه فصفص مرررره اقطعيه عنه وحتى عن الطيور الثانيه يقول انها مره مو مفيده لها وبصراحه اني مستغربه من كلامه ؟؟؟؟

وهذا كل الي صار معاااايه ياليت تعلموني هل الي صار صحيح ومفيد ام لا عشااااان ارتااااح الله يريح لكم قلوبكم ولا يوريكم مكروه في طيوركم وانفسكم ...:shy:

[بلاك بيري]

سلام الله عليكم ورحمته وبركاته

تحيه طيبه اما بعد

واضح اختي الفاضله ان طيرك عنده مشاكل بالجهاز التنفسي استنادا لألتهاب جهه واحده من العين مما يدل على وجود التهاب في الجيب الأنفي الموجود اسفل العين
اضافه الى هدوء الطير الذي يدل على التهاب في حلقه
وعليه من خلال مشاهداتي لكلام الأخوة ما قصروا وبخصوص العلاجات ممتازه جدا خصوصا مرهم العين لأحتوائه على ماده الكلورام فينيكول الرائعه لعلاجات البكتريا واسعه الطيف

استمري على العلاج مده لا تقل عن اسبوع حتى لو تشافى الطير لا تقطعي العلاج عنه لمده اسبوع حتى لا نكسب البكتريا المسببه للمرض مناعه ضد هذا العلاج

موفقه بكل خير وربي يشافي طيرك في القريب العاجل

[سمكاويه]

الله يعطيك العافيه اخوي بلاك بيري والله يريح قلبك ...
ومن ناحيه البرهم انشاء الله استمر عليه سبوع ...
مشكووووور..