أطعام الأسماك ديدان

[TheSoulsHunter]

السلام عليكم أخواني
بدي أطرح على الخبراء سؤال ضروري
نحنا عنا بالفيلا مسبح ومن السنة الماضية المي يلي فيه يعني مدودة ولونها خضرة تماماً كالمستنقعات
فاللي صار اني جبت قارورة ووضعت فيها ديدان المياه تبع المسبح علشان أطعميها للسمك عندي
لما وصلت عالبيت أفرغت القارورة في الحوض وخلال دقيقتين كانت الوجبة منتهية :D
انا عندي 2 غورامي
1 باكو
يعني الديدان بحجم حبة الرز تقريباً ولكن أنحف وأطول بشوي
فهل هذه الديدان تضر ام تنفع السمك ؟ وهل من الممكن أن أطعمها للأسماك دائما؟

[Dr Khaled]

و عليكم السلام و رحمة الله و بركاته
طالما أنت متأكد من أن الديدان غير مضرة للأسماك فتطعم منها عادي ؛ بمعدل وجبة واحدة إلى إثنتين يومياً .

[TheSoulsHunter]

والله أنا يادكتور مابعرف اذا مضرة ولا لا بس يعني حبيت أجرب
وإذا ماكانت مضرة بصير بحسب حساب لعلوش وبجبلو شي قنينة :D

[Egyptian Eagle]

لا اخي الكريم
هل انت خبير في الديدان لكي تعرف ان كانت ضاره ام لا
خليك في الامان و بلاش هذه الديدان افضل

[Dr Khaled]

ممكن تصور و ترفع صور واضحة للديدان لأجل التقييم فراس و مو مشكلة هيك هيك علوش بعاني من الأكل مع سمكاته بركي دعمته بشي قنينتين تلاتة خطي بتكسب فيو آجر

[TheSoulsHunter]

ههههههههههه
هلق المشكلة انو وجبة الديدان بعد دقيقتين خلصت والديدان صغار يعني مابيتصورو بالكاميرا
وانشالله الجمعة الجاية اذا رحنا عالمزرعة بجبلو لعلوش
هلق في لقيت هدول الصور بالأنترنت بعد هناء طويل من البحث يعني بيشبوهنن يعني هدول أقرب شي للي عندي
هي شكلهن لما بكونو بالمي
http://arabic.irib.ir/Gifs/Science/Large/2008-7/109.jpg
وهي صورة موضحة جسم الدودة ولكن رسم
http://www.elearning.jo/Datapool/books/1000625/itg01-biol11-146a.jpg

والله يمكن تزكرة انو شكلهن متل شكل النحلة
يمكن اليرقات تبع النحلة ياأما حشرة أخرى لانو مافي ولا دودة بهالشكل يلي عنا بالمسبح

وأخيرا لقيتها طلعت يرقة الناموس :12: :88:
هلق السؤال يرقة الناموس ضارة ؟ للسمك
ومعلومات عن طريقة اطعامها للسمك :)

[Dr Khaled]

http://i3.makcdn.com/userFiles/n/n/nnamous/images/1221538630.jpg

هذه دورة حياة يرقة الناموس

http://www.aljazeera.net/mritems/images/2007/4/27/1_689150_1_34.jpg

و هذه اليرقة


و الصورة التي أسلفت و وضعتها يا فراس هي صورة البليناريا و هي ديدان ضارة ولا تعتبر غذاء للأسماك...

و عند وضع الديدان لا تضع ماء البركة أو المستنقع مباشرة في الماء بل تصفى الديدان و تقدم بدون ماء

فراس جاي ع بالي تاكل عقوبة إذا بتعرف الجاموقة .... بس هاي المرة مو بالجاموقة بنص البركة إللي عندك :D

[TheSoulsHunter]

هههههههههههههههههههه أكيد بعرف الجاموقة :D
اي هاد صح بس انا حطيت الصورة مشان قلك انو بتشبهها وبعدين حطيت صورة تانية ليرقات الناموس بس الأخ محمد علي علي حذف الصورة ودمج المشاركات
هلق دمج المشاركات الحق معو لانو صارت سبام بس مابعرف ليش حذف الصورة :| هي هي الصورة مرة تانية وياريت انو تقلي اذا ضارة يرقة الناموس ويعني معلومات عن طريقة اطعامها للسمك وهيك شي :)

[Egyptian Eagle]

اه تمام كده دكتور خالد سبقتني بالاجابه
و تستهال عقوبه كما قال لك ابو وسام حد يضع البليناريا بيده في الحوض
فراس الله يرضى عليك اخي
اشتري دود من محل بيع اسماك الزينه اسهل و افضل

[TheSoulsHunter]

لك مو بليناريا :| حطيت الصورة بالغلط يعني بس تشبيه للأصلية :) وأقرأ المشاركة السابقة تبعي

[Dr Khaled]

يرقات الناموس متل ما حطتلك الصورة ليست ضارة بس الموديل إللي حطيتو و إللي أنا شايفه ضار و ما بنحط ....

[TheSoulsHunter]

طيب شكرا دكتور وللجميع ع كل حال :) بس طلع للأسف الموديل الضار يلي عندي
راحت القنينة على علوش

[Dr Khaled]

إيه معليش بتروح بتصور القنينية و موديل هل الدود فيها ...
يا بنعتمد شغل الجاموقة يا إنو بطالعك براءة

بعدين صحي كيف ما بتبين بالكاميرا و هيه قد الرزة؟؟؟؟
فراس حبيبي ركز يرضالي عليك ربي ؛

[TheSoulsHunter]

خلص انشالله الجمعة الجاية لما منروح عالمزرعة بعبي قنينة وبصورها ;)
بس خلص شغلتي خالصة بالجاموقة يمكن لانو يلي عندي هنن اليرقات الضارة 70% ولكن بخلي 30% للجمعة الجاية مشان صورهن :D

[الإمـبـراطـور]

اخي TheSoulsHunter

مثل ماقال لك الدكتور تماما .... البركة التي لديكم صارت مستنقع لتكاثر البعوض (الناموس) الرجاء الانتباه على صحكتم اولا لانها تنقل امراض فتاكة وكثيره منها مرض الكوليرا ....

ومن ناحية اطعام الاسماك من هذه اليرقانات ....فعلا تعد افضل وجبة للاسماك القورامي والانجل والفايتر فيش ... غنية بالبروتين وكذلك ترا السمكة وهي على طبيعتها وهي تلاحق اليرقانة وتنقض عليها ...

تحياتي لك