السلام عليكم

[Heba Kadry]

لو سمحتوا كنت عايزه اعرف هوا دواء كونجستال شراب لقطى مضر ؟
هوا عندو شهرين و بيعطس
وينفع احميه ولا لسه صغير ؟
وياريت لو فيه علاج للبراغيث بس مش من العياده البيطريه عشان مفيش واحده قريبه
وشكرا

[قطوووتي]

ايه ينفع تحميه وماعندي علم بشراب كونجستال

[شاهستا]

وعليكم السلام ورحمه الله

الافضل تديله ايموكس مضاد حيوى من الصيدليه البشريه

1 سم كفايه لانه صغير
اما الحمى الافضل متحمهوش دلوقتى لانه لسه صغير

ولو حميته لازم تدفى المكان كويس وميبقاش فى اى تيار هوا

وبالنسبه لعلاج البراغيث افضل علاج الريفوليشن وهو من الصيدليه البيطريه بيبعد البراغيت نهائى عنه

ولو مش هتقدر تجيبه من الصيدليه البيطريه هتلاقى فى الصيدليه البشريه علاج اسمه

اكتوميثرين لاطفال هتحمى القط عادى جدا بشامبو جونسون لاطفال

وبعدين هتجيب اى حاجه تحط فيها لتر مايه وتحط عليها نص غطا دوا

وتنزل المايه عليه وبعدين تنشفه وان شاء الله متلاقيش فيه براغيت

[Heba Kadry]

متشكره جدا وجزاكم الله كل خير

[امال شاعر]

ماينفع تحميه بعمر الشهرين وطالما مريض فاالافضل تصبري عليه اسبوع لغاية مايخف العطاس

استخدمي البودر بدل الاستحمام افضل ومشطي شعره يوميا