اسئله عن تلقين وتدريب بلوفرنتد

[همس الحروف]

السلام عليكم

اكرم الله علي وشرية طير امزوني بلوفرنتد

الطير حمامه بس فيه خوف امس شريته مايطلع على اليد او يجي وشلون اخليه مايخف مني ويطلع على اليد على طول مع انه تمسح عليه مايعض بس خوف من اليد

وابغى افضل طريقه اعلمه الكلام هل احطه قدام مرئه واشغل له مقطع بالجوال او لا ابغى افضل طريقه التلقين

وابغى اعلمه على حركات يعنى ينام على ظهره ويجيني طيران

وشكرآ

[همس الحروف]

وينكم ياهل الخبره

[عشقي البلوفرنتد]

اولا مبرووووك عليك الطير

كم عمر الطير ؟؟؟؟؟؟؟؟؟؟؟

اذا صغير من السهل تدريبه

اذا كبير بيتعبك

التدريب على المجئ طيرااان ؟؟؟

انا بالنسبه لي دربت كاسكو وكانت الطريه مره سهله بس اهم شي يكون الطير ريشه كامل(غير مقصوص) ويكون الطير اليف جدا جدا جدا ويكون بينك وبينه علاقه

اذا كان غر سهل جدا تمسك الابره من مسافه قريبه وتناديه

اذا قاطع غر تجوعه 6ساعات بعدين تطلعه وتمسك المعلف وتناديه

اتمنى اني افدتك ولو بجزء من استفساراتك

[همس الحروف]

مشكور وبنسبه العمره على كلام لي شريته منه انه اخر 2011 يعنى حول 7 شهور

ومشاء الله الطير حمامه ولا يعض بس فيه خوف بسيط

[كويتي777]

ماشاء الله مبروك

بس ياخوي دام الطير ولله الحمد حمامه مثل ماتفضلت شي زين
وبالنسبه للخوف شي طبيعي جدا

خله بالبداية اسبوع او اكثر وكل يوم العب وياه وعطه الاكل وحاول توكله من ايدك وامسح علي راسه الطيور تحس بالراحه من هالحركة الي ان يرتاح لك وللمكان و بعدها علمه ودربه علي راحتك

طبعا اذا ارتاح لك الطير وتبي تعلمة الصعود علي اليد تجيب عصايتين وتخليه يوقف علي وحده وتمد له الثانيه جدامه وتحاول تخليه يصعد ورجع الاولي وارجع بالثانيه وحاول تخليه يتعود يصعد علي كل شي يمد امامه كرر هالعمليه عليه بين فتره وثانية وبشكل مستمر وبعدها ايدك والعصايه وبإذن الله بتعلم الطير


بالتوفيق

[همس الحروف]

مشكور هو يطلع على اليد وكل شي تمام
انا الحين ابي افضل طريقه التعليمه الكلام وخليه يجيني طيران