سؤال عن افضل نوع من الأمزونيات

[حلم عاشق]

الحقيقه اليوم مات طيري لولو والاخوان نصحوني ابعد تماما عن الكاسكو الهولندي وذكرو ان الامزونيات افضل فى المناعه وتتحمل ووضوح الصوت يا ليت الاخوان اهل الخبره يفيدوني عن افضل نوع فى الامزونيات بالاسم وكم سعره تقريبا واذا في احد من الأخوان عنده خبره وين ممكن القاه فى جده يذكر لى اسم المكان

[هذا حظي]

منكثر ماقريت عن الامزونيات احسها طيووور فلة

كلها تتكلم جمل بس اللي اشوووفه البلو فرنتد كثير يمدحووونه للهواه

وسعرة حلو بالنسبة لقدراته وسعرة فرخ تقرياً من 3500 الى 4000 ويمكن يزوود شوي حسب الولافة ودرجته في البلوفرنتد

بس اهم شي عدم الاستعجال
واستشارة خبراء المنتدى لانهم اكيد مجربين يفيدووونك اكثر مني

لك ودي وردي

[همس الحروف]

اخوي كم حدك انت فيه بلوفرنتد هو ثالث درجه بالامزونيات ومنتشر عندنا بشكل كبير من3500 الى 5000 على حسب الطير وكلمه وفيه الفروخ من 3500 الى 4000 ريال

وفيه الدرجه الثانيه الدبل يولهيد من 6000 الى 9000 الف على حسب كلمه وكل ماكان اصغر زاد سعره

وفيه الدرجه الاولى اليولوناب اقيمها من 10الف الى 13الف وكل ماصغر زاد سعره

وهذي الانواع الافضل من ناحية الكلام

وانا امس شرية بلوفرنتد حمامه اليف مايعض يطلع على اليد وفيه خوف بسيط

وبنسبه الجده ترها غاليه فيها الامزونيات والهولندي تاخذها ب4000 هولندي امس واحد شريه

لكن بالرياض والشرقيه ارخص

[حلم عاشق]

مناعتها كيف خصوصا ال يلو ناب اقصد هل تتحمل ومناعتها زينه افضل من الكاسكو الأفريقي

[عزوز2012]

معروف اليلوناب ما شاء الله مناعه قويه جدا

[حلم عاشق]

فى محل في جده اسمه الامازون بس احس غالي مره مره

[عزوز2012]

ايه ترا اليلوناب غالي انصحك بالجاكو ممتاز جدا وسعره مناسب

[حلم عاشق]

الى راسه اصفر بلو فرنتد صحيح

[عشقي البلوفرنتد]

صحيح

انصحك بالبلوفرنتد

لانه سعره معقول

خذلك فرخ بـــــــــــ3800 يعجبك شكله ومظهره

وريشته قبل ما تشتري اسئلنا وحنا جاهزين

الاماكن هي الموقع
توزوو

فيه ناس تبيع وهي بجده

[ٌابوعمر]

اخوي انصحك بل بلو فرنتد رهيب وسعره حلو ولا يهمك درجته ولا غيره كله شكل
واذا تبي طير يسوا قيمته الصراحه الدبل يلو هيد سعره منطقي اكثر من اليلو ناب وقدراته شبيهه جدااااا لليلو ناب

[حلم عاشق]

الله يعطيكم العافيه يا اخوان الحقيقه نصايحكم فادتني حقيقه وانا عقدت النيه على الدبل يلو هيد باذن الله تعالى
مع انى اشوف مبالغه فى اسعارها فى قسم الشراء صارو الاخوان فى المنتديات يبيعون اغلا من المحلات لقيتها فى قسم الشراء اغلا من محلات الطيور

[ٌابوعمر]

اخوي لا تعتمد على مصدر واحد مر الحراج والسوق ملياااااانه طيور وحاليا كللللش تلاقيه برياض بس صدق صدق ينخاف من هطيور الي جايه بدفعات كبيره يعني لا تستعجل وافضضضضضضضل شي انك اخترت الدبل لانه فعععععععععلا طير مميز وذكي وحبوب

[ماجد علي]

البلو فرنتد شكل جذاب بارع في الكلام وبالأخص الغناء وسعره يعتبر أقل من اليلو ناب و الدبل يلو هد.

[حلم عاشق]

اخ ماجد اذا على المواصفات فعلا الدبل يلو هيد لا يعلا عليه حقيقه وتقريبا نفس مواصفات يلو ناب وفيه ميزه حلوه بعد كل ما كبر يزداد جمال شوف هالصور


عمر 6 اشهر

http://www.feathert.com/images/marc.jpg


3 سنوات

http://www.feathert.com/images/dyhduo2.jpg

[الاثلة]

اولا الله يخلف عليك ويعوضك بخير من طيرك الي مات

ثانيا من وجهة نظري اذا لم تجرب الامزونيات من قبل لا تبدأ ب الدبل هد و اليلوناب

لكن الافضل ان تبدأ من البلوفرنتد فسعره مناسب ومواصفاته جيدة

دمتم سالمين

[ٌابوعمر]

اخوي صحيح كلامك بس الرجال كان عنده كاسكو ومات ويبي يغير وانا صراحه اشوف البلو فرنتد قدراته متشابهه مع الكاسكو ان ماكان الكاسكو افضل طبعا فتغير مطلوب وصدقني لو تاخذ دبل صغير وتربيه بتعرففففففففف انك كنت محروم من تربية الطيور لان الكاسكو جدا ممللل بس يتكلم ماعنده شي غير البربره وحتى شكله مو ذاك الزود

[بكاتشو]

انا مع ابو عمر قلب وقالب هههههههههههه مباراة كوررررره
فعلا كان عندي هولندي وحقيقه ممل فيه ذكاء خارق لكن ممل بعته واخذت بلوفرونتد قسم بالله حسيت اني محروم فرق شاسع بينهم الامازوني تحس انه طفل مو طير
وطبعا اذا لك قدره اخوي على الدبل هيد طبعا افضل لكن أغلى
والله يختار لك الخير

[فيوزي]

اخوي ما عندي كلام فوق كلام اخواني واخواتي الي فادوك
بس لو انك من جده اشبر بي الاماكن والاسماء المحلات

[حلم عاشق]

الله يجزاكم خير جميع وما قصرتو والحقيقه استفدت من خبرتكم فى هالنوع الى لأول مره راح اجرب آخذه انا لى ما يقارب 20 سنه اربي طيور وكنت احضر مزادات كثيره فى المنطقه الوسطى بس الأمزونيات للأمانه ما جربت تربيتها هالنوع الوحيد الى ما فكرت اقتنيه قبل كذا بس شفت اغلب الاخوان يمدحون هالنوع من الطيور وانا اكثر من مره اشري كاسكو هولندي ويموت حسيت ان هالنوع بالذات مناعته مو طيبه ابدا لدرجة ان طيري الاخير يومين وودع الحياه مع العلم انى مهتم فيه لدرجه غير طبيعيه بس هالنوع مو راضي يمشي معاي سبحان الله وحلفت يمين هالنوع ما آخذه مره ثانيه وقررت آخذ ( دبل يلو هيد )مريت اغلب محلات جده وما حصلته الى متوفر عندهم ( البلو فرنتد ) ولكن اسعار الله لا يبلانا ولكن راح اتابع النوع الى ابيه فى المنتدى وباذن الله القى الى ابيه بسعر مناسب تحياتي للجميع

[بلاك بيري]

البلوفرونتد طير ولا اروع انصحك به وبشده

موفق

[حلم عاشق]

شوركم وهداية الله سبحانه الف شكر اخوي بلاك بيري

[عاشق بغبغاء كاسكو]

صحيح

انصحك بالبلوفرنتد

لانه سعره معقول

خذلك فرخ بـــــــــــ3800 يعجبك شكله ومظهره

وريشته قبل ما تشتري اسئلنا وحنا جاهزين

الاماكن هي الموقع
توزوو

فيه ناس تبيع وهي بجده



البلوفرنتد مناعته قويه وكيف كلامه

لااني ناوي اششتري واحد
ي

[ٌابوعمر]

^^
مناعته اقوى من الكاسكو بكثير وكلامه ممتااااز بس يحتاج واحد يلقنه صح

[rcoood]

تبي نصيحتي انا كان عندي كاسكو مليت مليت مليت منه وكرهت التربيه وكدا ونصحوني اخد بلوفرنتد ويوم شريته اخذتو ب6الاف متكلم ومايعض ابدا بس مايطلع ع اليد عمرو سنتين بس والله اني زعلت من نفسي لاني ماخذيتو من زمان طير بمعنى الكلمه شي مو طبيعي حبوب لابعد درجه والحين العائله كلها وربي بدات تبيع الكاسكو وتاخذ مثلي بلوفرنتد لانهم شافوه وشافو مميزاته الي مالها حل طير ماتزعل لو خسرت عليه يستاهل كل الاهتمام انصحك بالبلوفرنتد