بليز ساعدوني

[dudi]

السلام عليكم

انا اشتريت بسه جديده و دحين البسه عملت في اللتر بوكس و الوسخ حقها لصق في رجلها
وشعرها ..

كنت ابغا اروشها بس هيا صغيره مره عمرها شهر و نص و غير كدا هيا بس تنام في التراب حقها !!

كيف انضفها بليز ساعدوني لانو ماما قالتلي حطيها في البيت حقها الين ما تنضفيها ما تبغاها تمشي في البيت كدا

[Octopus]

حاليا مسحيها بفوطة مبللة

و بالنسبة ل الترويش ما تعمليها الا لين تبلغ سن الفطام عن القطط

و هو في الشهرين او ثلاث شهور

[jassim99]

تم نقل الموضوع الى القسم المناسب

[اخت امل]

امسحي رجولها بفوطة وفيها موية وراح تنظف وشوفي في محل بيع مستلزمات
القطط تلاقي مناديل مبللة مخصصة لهم روعة وامنة لهم.

[MAMAMy]

امسكي فوطة او منديل ناعم او ليفه
و بليها بماء دافي و ممكن يكون فيه نقطه شامبو بس نقطه واحده علشان لا تضطري الى شطفها
و بعدها جففيها كويس بالسشوار

[الدلع]

وعليكم السلام ورحمة الله وبركاته
حياكِ الله
ماشاء الله .. مبروك البسة وتتربى في عزك وتشوفي بزورتها ان شاء الله :88:
هذي المشكلة تقابل كثير من الناس وخصوصاً لما يكون عند البسة الله يكرمكم جميع إسهال أو يكون شعرها طويل أو تكون صغيرة في العمر :o
شوفي يا عزيزتي :
البسة لسا صغيرة فلا تعرضيها لموية كثيرة وبما انك راح تتعاملين مع فضلات فلازم الي تستعملينه في التنظيف تتخلصين منه مباشرة فأقترح تستعملين المناديل المبللة والمخصصة لهم مثل ما ذكرت اختنا اخت أمل ولو ما تيسّر استعملي مناديل الأطفال المبللة بيبي جوي أو جونسون وفيه غيرهم كثير خذي الي يناسبك وخليه قريب عند صندوق الرمل حتى إذا طلعت منه المرة الجاية وفيها شي تنظفينه مباشرة .. وعشان تخففين من ذا المشكلة بقدر الإمكان وتبتعدين عن الحرج مع الأهل ولا تضطرين لحبس البسة كل شوي قصي الشعر المحيط بمنطقة الإخراج والشعر الي على الأرجل من خلف والقريب من المنطقة ولكن بحرص حتى ما تأذينها وحتى لو كبرت احرصي على نفس الشي حتى ما يلقى أحد عليك حجة وبعدين يطلبون منك تتخلصين منها وللأسف هذي المشكلة تتسبب دايم في فقد البسس لأن الأهل ممكن يتنازلون عن كل شي إلا في مسألة النظافة :cool:
وحبيت أنبهك على شي مهم وهو انك ما تسمحين أبداً لبستك انها تنام على الرمل لأنه ملوث بالفضلات وراح يسبب لها أمراض وقد تكبر وهذي العادة السيئة معها :( خصصي لها مكان تنام فيه وإذا ما رضيت خليها على هواها أهم شي تكون بعيدة عن أماكن الخطر أو الي الناس تمشي فيها باستمرار لأنهم يمكن يدوسونها من غير ما ينتبهون وأيضاً لا تتركينها تنام على السيراميك البارد .
خذي ذا الرابط وهو موضوع للأخت ناديا والأخ باقيرا يوضح خطورة نوم البسس على الرمل المخصص للفضلات :

http://www.2zoo.com/vb/showthread.php?t=256949 (http://www.2zoo.com/vb/showthread.php?t=256949)

حسسيها بحبك وحنانك ولاعبيها كثير ولا تنسين انها تركت امها الي تعودت عليها فجأة فإنتِ الآن صرتِ بمثابة الحضن الدافي والبديل عن الأم فعيشيها جوك والمليء بالاهتمام فيها كضيف جديد ومرحب به وفرد من أفراد العائلة :freind:
بالتوفيق اختي وأتمنى اني أفدتك وتحياتي لك