بديت اكره هواية تربية الببغاء

[ســامر]

السلام عليكم

اخواني ابغى اعرف ليش يصير معي كذا

الان افكر اني ماشتري شي واخسر نفسي

اول شي اشتريت فرخ افريقي وطلع مريض وجلس عندي اسبوعين ومات مع اني والله كنت مهتم فيه اهتمام وانوع له بالاكل وماخليت بيطري ماوديته له

بعدين اشتريت فرخ ثاني وجلس عندي 10 ايام وسافرت وحطيته عند واحد من زملائي والله يهديه روشه والقوت كان بارد ومرض ومات

بعدين اشتريت بلوفرنتد وصاحب المحل قالي انه فرخ ونزلت صورته لكم على هذا الرابط

http://www.2zoo.com/vb/showthread.php?t=265368

والله يجزاكم خير علمتوني انه كبير بالسن وبدلته بفرخ بلوفرنتد وطلع مريض والحمد لله لحقت ورجعته له وبعدها بثلاث ايام مات عند راعي المحل

وامس اشتريت فرخ هولندي ومن امس ماكل وبس خامل وواقف على ارضية القفص ورجعته له قبل شوي

بصراحه انا صارت عندي عقده من الببغانات

ولما القى بالمحل ببغاء اليف يقولي 3500 او 4000


شرايكم يا جماعه بالي يصير معي

[عاشق بغبغاء كاسكو]

ههههههههههههههههههههههههه الله يعينك بسس

[Octopus]

الله يجزيك خيرا ما قمت
و بنسبة ل الاسعار انت تعلم الاسعار تختلف من محل الى الاخر
و اتمنا ان لا تكره هواية تربية هذا النوع من الطيور الجميله

[H.B.H]

لا يجيك إحباط من كلامي بس يمكن مالك حظ مع هالطيور الفترة ذي
جرب تغير أخذ لك نوعيه ثانيه من الطيور يعني طيور زينه ولا دواجن غير المود
بعدين أشتر لك ببغاء كبير كاسكو أو أي نوعيه ثانية بس أنصحك بالكاسكو الأفريقي لا تاخذ هولندي بتقول الترويض بطئ بس العمر طويل وأبصم لك بالعشرة أنك راح تتعلق فيه وكمان هو راح يحبك
بس لا تيأس من تربيه الطيور ترى لها تأثير مفيد على المربي وأصحاب البيت<<<<هذا اللي شفته فيني

[عشقي البلوفرنتد]

انا ما اسمح لك انك تترك هذي الهوايه الجميله

لانها هوايه رائععه ولكن تتحتاج لرعايه

خذ لك افريقي عمره 2سنتين جاهزواليف ومتكلم راح يحبك وتحبه

[Xnx]

اصبر الصبر مفتاح الفرج وأشتري واحد كبير يعني عمره سنة

[ديسكفري]

لا تيأس يمكن ما حالفك الحظ بسبب المكان الي تضع

فيه الببغاء ترى الببغاء يحتاج يخرج من القفص ياخذ لفه

ثم يرجع له وبعيد عن اي تيارات هوائيه في مكان لا يصله

هواء المكيف وغذاءة سهل ولا تكثر له تفاح او خضروات

اخطر فصل على الببغاء هو الشتاء اشتر بالصيف

وستتغير الامور بإذن الله

[الامل]

شوف ياخوي لايجيك احباط مافي مربي طيور مايموت عنده طير
واولا واخيرا هذا شي بارادة رب العالمين انا جات فتره مات عندي تقريبا 4 طيور وكلهم بمرض السالمونيا مع ان كل واحد منهم بقفص وبمكان بعيد عن الثاني فقعدت حول شهرين ماشتريت طير وارتاحت نفسيتي عقب رجعت اشتريت طيور ولله الحمد ماشيين معي اوك يعني يبيلك فتره تستجمع قوتك
ونصيحه اذا بغيت تشتري ترى اغلب اصحاب المحلات يكون طيورهم مريض يعني يبيلك تدقق بارضية القفص وبنشاط الطير واهم شي لايجيك احباط

[مروض كوكتيل]

نصيحة من مجرب الببغاوات الكبيرة لا يجب شرائها من المحلات جربت حظي انا معا المحلات طيورهم تعبانه ماقد شريت طيرمن محل الى ومات معروف النتيجه مضمونه لاكن اضمنلك محل عنده بيطري اول ما تشتري الطير ضمان صحي معاه والعمر اكيد وكل الي عنده فروخ عيون وسود وراقيه جدا احجامه ونظافتها اسمه واحة الحيوان نصيحه روح وما بتندم واسعارهم حلوه والناس ما تشتري حيواناتها الى من هناك وعندهم سوداني بيطري يمدحوه مرررره محترف مهنته لو طيرك ما اعتبرها دعاية لاكن نصيحه لكي لا تترك الهوايه والافضل تشتري من مربي محترف

[ســامر]

والله يا اخوان محلات الطيور هم الي يكرهوا الواحد الهوايه

لان فيه محلات وتجار ما تخافون الله تخدع الناس

والله يا اخوان اني اتبعت كل الامور والنصائح الي قلتوا عليها بالمنتدى عند شراء طير جديد


بس تدروا ايش المصيبه

المصيبه ان راعي المحل يغير ارضية القفص باستمرار عشان مافي احد يلاحظ ان فيه معه اسهال


وتلقاه ياخذ قشر الحب الشمسي من قفص ثاني ويحطه للطير المريض عشان يبين للناس ان اكله تمام وشهيته مفتوحه وهو اصلا ما يأكل

طيب وين راحت الامانه والمصداقيه في البيع

ليش احنا ما نتبع رسولنا الكريم عليه الصلاة والسلام في امورنا

يعني معقوله يكونوا الغرب اصدق من المسلمين

انا رحت لامريكا وشفت التعامل والمصداقيه والثقه بين البائع والمشتري

ما اقول الا الله يهدي جميع المسلمين

[بلاك بيري]

نصيحتي اخي الفاضل استشير اهل الخبره ولا تروح من نفسك واذا انت بالرياض انا مستعد اجي معاك واختارلك بنفسي
والحياه والموت بيد الله اولا وما احد يضمن نفسه والطير روح وان كان مات عليك 3 طيور انا مات علي 30 طير لكن ما اقدر اتركها لأني ادمت شيء اسمه ببغاء

موفق بكل خير

[عشقي البلوفرنتد]

والله يا اخوان محلات الطيور هم الي يكرهوا الواحد الهوايه

لان فيه محلات وتجار ما تخافون الله تخدع الناس

والله يا اخوان اني اتبعت كل الامور والنصائح الي قلتوا عليها بالمنتدى عند شراء طير جديد


بس تدروا ايش المصيبه

المصيبه ان راعي المحل يغير ارضية القفص باستمرار عشان مافي احد يلاحظ ان فيه معه اسهال


وتلقاه ياخذ قشر الحب الشمسي من قفص ثاني ويحطه للطير المريض عشان يبين للناس ان اكله تمام وشهيته مفتوحه وهو اصلا ما يأكل

طيب وين راحت الامانه والمصداقيه في البيع

ليش احنا ما نتبع رسولنا الكريم عليه الصلاة والسلام في امورنا

يعني معقوله يكونوا الغرب اصدق من المسلمين

انا رحت لامريكا وشفت التعامل والمصداقيه والثقه بين البائع والمشتري

ما اقول الا الله يهدي جميع المسلمين

حسبي الله ونعم الوكيل
اهم شئ عندهم الفلوووس

[Dr.A7mad123]

الله يساعدك

اذا بتاخذ اخذ فرخ عمره 7 شهور بالقليل عمر حلو للتربية وعشان مناعتة صارت احسن

ولا تسبحه ابد الا بعد ما يظل عندك شهر ويكون الجو دافي

واذا مانت مهتم بترويض الطير بس تبي الكلام أخذ طير عمرة سنة بس ما يصفر ولا يجعر

[محمد بن فهد]

الله يعينك
ويرزقك بالطير اللي يسرك
اترك الياس عنك وحاول راح تنبسط لوربيت لك واحد وخصوصا لاصار يلعب ويتكلم

[@ شقاوي @]

السلام عليكم ..

اخوي يمكن اهمال منك يالغلا والدليل انت مسافر وتعطي الطير لواحد اسمحلي غشيم
ومات الطير هذا اهمال ..

عموما يالغلا خليك على طيرك الحين اذا فعلا فرخ مثل ماتقول عليك بالتالي :

* غر الببغاء بـ السيرلاك وهذي الطريقة

http://www.youtube.com/watch?v=v-tscVvqDC4

اهم شي شوف لك ابره كبيره شوي وشيل راس الدبوس وغر الطير .

ولا تنسى تشربه مويه بعد الاكل في كذا طريقة ابحث في اليوتيوب ..

* ضع الفرخ في مكان دافي ولا يكون في تيار هواء قوي او حتى خفيف لان الفرخ حساس
والمناعه ضعيفة .

* ابتعد عن ترويش الطير لمدة شهرين .

* شوف في البقاله فيه خظار مشكلة ( فاصوليا .. جزر وغيره ) مشكل مجمده
اغليها لمدة 5 دقايق بـ ماء حار عشان تكون سهل في الاكل .

* اهرس له كوسه مع جزر بعد الطبخ بدون ملح واكله ..

في شي مهم ابعد الطير عن المكيف او اي شي بارد واصعب شي في الفرخ السته الشهور الاولى
هذي اذا عداها على خير بتعين خير يالغلا وبتذكر كلامي واهم شي الصبر في التعامل مع الطير ..

موفق خير يالغلا ..
تقديري ,,

[بو اروى]

شف باختصار اذا انت توك في بداية الهواية

خذ لك كبير واليف وفك عمرك

وحتى الكبير اياني واياك تروشه وانت ماتعرف شطريقة الترويش الصحيحة

شف هذا المحلات تجلس عندها الطيور بالشهور مايروشونها ولا تشوف عندها مشاكل

[no0La]

اخــوي سامر

خذلك طير من شخص ثقــه
مثلا من هنا من المنتدى ماشاء الله

في اعضاء كثار محل ثقــه تاخذ الطيور من عندهم
وانت مرتــاح ومضمونه بإإذن الله

انا مااثق ابدا بالمحـــلات لان فيها غش
لاتحبط وعاند حظك وحاول صدقني باإذن الله

راح تنحل مشكلتك

[dark evil]

لا تيأس اخوي وكل مربي لازم يصير له شيء

عندك انا خسرت 3 كروانات وكاسكو غيني :( ,,, واحد من الكروانات مات بسبب مرض الدمعه قبل شهرين تقريباً :(

والحمد لله اليوم شريت فرخ كروان البينو وربي وفقني فيه صحته عال العال ما شاء الله عليه

ونصيحتي اشتري من المنتجين في المنتديات افضل من المحلات وكلامي هذا ما اقطع رزق احد لكن الله يهديهم بعض المحلات تلاقي الغش عينك عينك وهم اللي يخربون سمعتهم وغير هذا الاسعار ناااااااار

[m7md1]

الله يعوض خييير ان شاء الله


لا تقول هالكلام والله تهبط همم غيرك مثلي انا مقبل عالببغاوات واخاف يصير لي مثل ما صار لك ولكن ان شاء الله اتشجع

[كاسكـــو]

خلاص خذ لك هولندي عيون رمادي يعني 7 شهور وطالع

مناعته قويه ان شاء الله

[Octopus]

والله يا اخوان محلات الطيور هم الي يكرهوا الواحد الهوايه

لان فيه محلات وتجار ما تخافون الله تخدع الناس

والله يا اخوان اني اتبعت كل الامور والنصائح الي قلتوا عليها بالمنتدى عند شراء طير جديد


بس تدروا ايش المصيبه

المصيبه ان راعي المحل يغير ارضية القفص باستمرار عشان مافي احد يلاحظ ان فيه معه اسهال


وتلقاه ياخذ قشر الحب الشمسي من قفص ثاني ويحطه للطير المريض عشان يبين للناس ان اكله تمام وشهيته مفتوحه وهو اصلا ما يأكل

طيب وين راحت الامانه والمصداقيه في البيع

ليش احنا ما نتبع رسولنا الكريم عليه الصلاة والسلام في امورنا

يعني معقوله يكونوا الغرب اصدق من المسلمين

انا رحت لامريكا وشفت التعامل والمصداقيه والثقه بين البائع والمشتري

ما اقول الا الله يهدي جميع المسلمين



طيب لو شفت هذا كان بلغت الشرطة او قوم البلدية


تدري لو كنت مكانك كان سرت الى الشرطة او البلدية

[ٌابوعمر]

^^
حبيبي عندكم بل امارات شي وهنا شي ثاني هنا لو بتكلم الشرط والبلديه على اي نصبه اجل مابتخلص الشرط والبلديه بتلحقك من محل لمحل !

[كنيور]

اصبر ترى الصبر زين

[*هاوي البادجي*]

لا انا اقولك شغله

بما انك مبتدئ الفرخ ما يصلح لك

لما تروح تشتري شوف نشاط الطير شوفه وهو يعل ب وامسكله قدام راعي المحل واخذ واحد عمره

11 شهر يكون عنده مناعه قويه

[ابو عقاب العتيبي]

اخوي العزيز والله ان حب الطيور سارت عندنا غريزة والله يعوض عليك وانا انصحك لالاتاخذ من اهل المحلات لانهم لايقولون الحقيقة وكلهم اجانب اهم شيئ عندهم جمع المادة وانصحك تاخذ من الاخوان الموجودين في المنتدي ولك تحياتي

[ماجد علي]

يمكن يكون قدر أو مالك حظ أو تخطئ في شراء الببغاء السليم ونصيحتي لك لا تشتري الفرخ الصغير تحت الثلاثه شهور وأستعين من بعد الله بخبير يفهم بالببغاوات.

[وحيد مكة]

عليك بالصبر وأنا خوك
وانصحك تشتري من مربي او احد ثقة
وابتعد عن المحلات
أسعار غالية وطيور تعبانة وبالتوفيق ان شاء الله

[أحبك شيراز]

السلام عليكم ورحمة الله وبركاته

أخونا وصديقنا العزيز

عشان لا تقول ان لي علاقه شخصيه با ولا بذا

فوالذي خلقني وخلقك مالي دخل بأي شي ولا راح يدخل جيبي شي

ولكن لا تشتري شي من برى وعندنا شخصين في المنتدى أعرف طريقة تعاملهم والباقين على عيني وراسي ولكن أنا عن نفسي أثق في الاثنين هذولاء

عندك :- بلاك بيري و عشقي البلوفرنتد

أشتر من عندهم أو أطلب منهم يشوفون لك شي جميل وزين وقولهم كم حدك في السعر

وأن شاء الله ماراح يقصرون


أخوك :- آ لــرعــــد

[كسكو كرموش]

نفس كلام الاخ عشقي البلوفرنتد

[كسكو كرموش]

نفس كلام الاخ عشقي البلوفرنتد

[آبوعبدالمجيد]

لآتيأس يالغالي.~.

انا مثلك ياكثر الطيور الي ماتت عنديَ..~

والحمدلله ربي وفقني بـ هولندي عين سودة وتوفقت فيه وعاش معي 11شهر تقريباً~,,

وبعته بعدين...

عشان كذا استمر الله سبحانه يقول...[سيجعل الله بعد عسرٍ يسرا]

تبي نصيحتي...!!

خذ لك واحد عمره فوق السنتين يكون متعدي مرحلة الخطر...

ومتكلم وأليفَ.~.

هي كلها 3000ريال..

مآهو إنت دافعها بالفروخ الي ماتت ويمكن زيادةٍ.~.

توكل على الله ولاتبخل على نفسسكـَ..~وششتر واحد

وبإذن الله تتوفق..

بالتوفيقَ..~:)

[bab-32]

اهلين حبيبي ..

اولا يا حبيبي شراء الببغاء يجب قبله ان تجهز مبلغ جيد من المال و من بعد ذلك عندما تذهب للمحل تنظر جيدا للطائر و ما تاخذه و بس و الافضل تاخذه من سوق الخميس و تقدر تشوف موضوع .. اخر موضوع نزلته في المنتدى اتوقع و هو نصائح لما تشتري الكاسيكو و هو طبعا يشمل الامازون و لكن خاصة الكاسيكو شوفه و رح تستفيد ان شاء الله ..

[صمت الحزن 22]

نصيحه يا خوى لا تاخذ من محل خذ من المنتدي ولو عندك خبرا خذ من سوق الجمعه ولا سوق الخميس ارخص لك واصرف لك والله

[عبدالله.q8]

يااخوي الاهمال منك اهتم بالطير ودور ناس تشتري منهم طيورك يكونون ثقة محلات موثوق فيها