سؤال عن كيفية تلقين اليلوناب؟

[coolfire]

انا coolfire من الامارات

طبعا انا عجبني الموقع و الاعضاء الي فيه و كنوز المعلومات

انا حبيت اعلم اليلوناب الي عندي جملة ( سبحان الله و الحمدلله و لا اله الا الله و الله اكبر)
(عمره سنة و ٨ شهور)
و طبعا الامزون الي عندي عنده جمل بسيطة مثل
١-HEY BABY I LOVE YOU
٢-Happy birthday to you كاملة
وكلمات متفرقة

فقررت اني اسالكم

١- متى احسن وقت للتعليم على الكلام و كم مرة باليوم؟

٢- و هل يستحسن التوقف بين كل كلمتين او اقولها كاملة بنفس واحد دون توقف؟

٣- طبعا عندي كاسكو في نفس غرفة اليلوناب فهل سيتعلم الجملة ام لا؟
و ان شاء الله ما بتقصرون

[m7md1]

السلام عليكم
انا بجاوبك عن السؤال الأخير فقط لأني ما اعرف اجوبه بقية الأسئله
استخدم طريقة الغيره
واذا تبي الشرح قلي وانا مستعد

[عشقي البلوفرنتد]

التلقين كل ما تمر على الطير تقوله الكلمه و تجلس معه في غرفه فيها مضلمه وتغطي الطيير وتلقنه نصف ساعه
الطريقه مجربه

[anes bounaceur]

يا عشقي البلوفرنتد هل هذه الطريقة تنفع مع كاسكو لم يتكلم وعمره عام ونصف

[coolfire]

m7md1
طريقة الغيره ؟؟
ممكن تشرح لي الطريقة يالغالي

عشقي البلوفرنتد
عجبتني الطريقة و ان شاء الله راح ابتدي بيها الليلة

anes bounaceur

مشكورين عالطلة الحلوة و الرد ع الأسئلة

[ٌابوعمر]

اخواااني ترا عنده يلو ناببببببب مو اي طير حبيب قلبي كل الي عليك تخلي الطير معك بنفس الغرفه وتردد عليه كلام وبسرعه بيلقطها منك

[coolfire]

ٌابوعمر
مشكور عالمرور و الرد عالموضوع يالغالي

[كـ الشمال ـاسكو]

اخوي اليلوناب طير ذكي جدا مو مثل الكاسكوا وغيره

عطه من الرخيص وهو يلقطها على الطاير

وسولف معه كثير تراه ذكي

[coolfire]

كـ الشمال ـاسكو

افا عليك اخوي
فالك و فال اليلوناب طيب
اشكرك عالرد الحلو و الي يشجع

[الكاسيكو دودي]

انا عندي اليلوناب ساكت بس لما اشغل له مسجل يبدا يخربط بالكلام بس اذا قفلته سكت مع العلم حاطينه بالغرفه معانا
ايش افضل طريقة وجزاكم الله خير

[الكاسيكو دودي]

انا عندي اليلوناب ساكت بس لما اشغل له مسجل يبدا يخربط بالكلام بس اذا قفلته سكت مع العلم حاطينه بالغرفه معانا
ايش افضل طريقة وجزاكم الله خير

[coolfire]

مشكورين جماعة و ما قصرتوا

[بلاك بيري]

اخوي عليك فقط بالتلقين بشكل مباشر ويومي وربط الكلام الملقن بالأحداث وراح تلاقي في تغير رهيب

تحياتي

[coolfire]

بلاك بيري

مشكور اخوي بلاك بيري عالمرور و الرد
و الحمدلله بدا اليلوناب بالتفاعل