والله بتجنن من هالدره

[Love kasko]

السلام عليكم ورحمة الله وبركاته

شحالكم شخباركم ان شاء لله الكل بخير وسهاله..

بدخل في الموضوع على طوال والله ما اعرف اصلن شو اكتب والله بتجنن من توتو احسه مو طبيعي بالمره

المهم من 3 ايام مو راضي ياكل اي شي وديته البيطري قال مابوه شي بس عطاه ابره ومن رجعت كل ملعقه الحمدالله في تقدم بس المصيبه ونحن نلعب مع بعض يطلعون على كتفي من فوق وانا مشغوله وهم الظاهر من الملل خذوا غفوه المهم يصدر صوت من منقارهم وهم مغمضين عيونهم كانه انسان يضغط على اسنانه مثل الصوت بالضبط ومنقارهم يرتجف :( والله خفت عليهم بس نزلتهم عادي بس رجعتهم مكانهم وقعدت اراقبهم رجعوا يسون نفس الحركه :(

والله يا خوفي التهاب صدر مثل ما كان في اللف بيرد:(

ارجوا الافاده

احترامي للجميع

اختكم

قمر

[عشقي البلوفرنتد]

ما اتوقع التهاب في الصدررررررر
يبدولي انهم كانو باردانين شوي يمكن

[Love kasko]

والله غرفتهم ابد مو بارده

وطيب لو كانوا بردانين انا مدفيه الغرفه ما بيتكرر هالشي انا من عقب هالحركه رحت ورجعت

ورحت ورجعت يمكن الف مره ونفس الشي احاول اصورهم فيديو اذا صار

[H.B.H]

على اللي فهمته من كلامك إذا كان هو يطلع صوت بسبب أنه يحك المنقار امممم
يعني كيف أقول لك
في صوت يسويه الطير إذا كان مستانس أول قبل لاينام اللي هو مو عارفة كيف أوصفه
يعني يخلي الفكين للمنقار يحتكون ببعض ما أدري إذا هذا اللي يسويه ولا؟؟
أنتي صوريه فيديو وإن شاء ما يصير إلا كل خير:)

[Love kasko]

اتمنى يا الغالي انه كلامك يكون صح والله ليروح كل خوفي واقدر ارقد مرتاحه وقدرت اصوره فيديو الحين انزله ان شاء الله ثواني بس

[Love kasko]

ما رضى يتحمل على موقع التحميل بحاول في مواقع ثانيه وارجع احمله :(

[الهاشم]

اخوي تطمن اذا الطيور ما فيهم شي وصحتهم ممتازة بس يطلعوا هذا الصوت فهو عادي جدا زي ما قال اخوي
شوف هذا ( الطحن بالمنقار) http://www.2zoo.com/vb/showthread.php?t=251347
انا طيري احيانا يسوي نفس الشي ^_^

[Love kasko]

اتمنى من كل قلبي يا اخوي الهاشم وشفت هالموضوع كثير يطمن بس ما اعتقد يتطبق على الدره

ومشكور حييييييييييييل

ولعيونهم اشتركت في يوتيوب الحين انزل المقطع

[كـ الشمال ـاسكو]

اذا كان يحرك منقاره يمين ويسار ويصدر صوت مثل صوت الاسنان انا اشوف انه عادي

الحركه هذي دايما يسويها الكاسكوا الي عندي

اعتقد انه يسويها بسبب الجوع او النعاس والله اعلم

[Love kasko]

ان شاء الله ياااااااااارب يا اخوي بس لما ابند الليت ويبدا الهدواء يظل الصوت وبكثره وهذا الفيديو رفعته

http://www.youtube.com/watch?v=SVhD5DPSPEQ&feature=youtu.be

بس هو يسويها والملقوف الثاني اللى قاعد يلعب لما ينام نفس الشي

اتمنى تكون طبيعيه ياااااااااااااااااااااااااااااااااااااااااااااااااااااااااااااااااااااارب

[الهاشم]

اخوي انا احس الموضوع عادي لان طيري يسوي نفس الشي احيانا
بس انتظر راي باقي الاعضاء

[كويتي777]

السلام عليكم

اتوقع

اذا الطير كان خامل وكسول طول الوقت مع تغميضة العين يعني ممكن يكون فيه شي حايشه برد او اسهال وانتي بكرامه ولازم تعالجينه بسرعه

لكن اذا كان نشيط وبالفيديو هذا كان نعسان معناته شي طبيعي جدا لان هالصوت يطلع لم يكون الطير دايخ او مستانس

بالاخير تبقي وجهة نظر ومو شرط اكون صح

والاعضاء أنشاء الله بفيدونج اكثر

[كـ الشمال ـاسكو]

اتوقع انه عادي نعسان لانه ماشبع نوم

لان ممكن الليله الي قبلها كان احد مزعجه ومانام زين

لكن اذا كان معه اسهال هذا شي ثاني

[Love kasko]

ان شاء الله يا اخوي الهاشم

ومشكور حيييييييييييييل على تفاعلك نورت

[Love kasko]

كويتي 777 الحمدالله ما في اسهال عزك الله برازه جداً عادي

بس ما يرضى ياكل جنني والمصيبه وديته البيطري قال ما فيه شي وعطاه ابره عشان يكون نشط وبعدها كل ملعقه ومن غيرها ماكو ابدا

[Love kasko]

يا اخوي كـ الشمال ـاسكو ما معه اسهال

ومكانهم جداً هادي بعيد عن الازعاج بس هو ما يرضى ياكل جنني اليوم سلقت ذره وحاولت معاه ماكو امل جبت تفاحه وبرشتها زي ما يعطون الصغار ما رضى ياكل جبت خبز وماي ما رضى ياكل سلقت له بزلاء قلت يمكن ما رضى والله بديت اخاف عليه والبيطري يقول لي عادي بس اليوم فجاني وطار ولف في الغرفه لفه كامله ما شاء الله هل من الممكن يكون هذا السبب

[عشقي البلوفرنتد]

طبيعي جدا جدا جدا

[Love kasko]

طيب يا اخوي عبدالعزيز دامه طبيعي ليه ما يرضى ياكل آخر حل سلقت بطاطا وبعد بدون فايده ما رضى ياكل

بس يريد يطلع على ايدي ومنها على راسي ويطير ويدور في الصاله ويرجع على راسي ارحمه بدون اكل من امس والله انا بنفسي مو راضيه اكل لين ياكل اشفق عليه :(

[عشقي البلوفرنتد]

وكليه خبز مع شوي مويه بالغصب بتقولي يستفرغه انشاء الله ما راح يستفرغه جربببي

[Love kasko]

ما اخاف عليه يستفرغ بس جربت ما رضى ياكل ابدا:(

وبرجع بعد شوي احاول اغصبه غصب على الخبز والمويه واذا ماقدرت بروح البيطري :( والله تعبت معاه

ومشكور حيييل يا اخوي عبدالعزيز

[ماجد علي]

ممكن بيكون طحن بالمنقار هذه الحركة أذا كان مرتاح وهيئ نفسه للنوم.

[عشقي البلوفرنتد]

لا شككر على واجب

[Love kasko]

الحمدالله يا اخوي ماجد وان شاء الله ماكو الا كل خير بس هو ياكل وانا برتاح

وتسلم على مرورك العطر

[Love kasko]

تسلم يا عبدالعزيز