اظافر الطير

[الهاشم]

السلام عليكم
انا حبيت استفسر هل ممكن اقص اظافر (فرخي البلوفرونتد) بمقص اظافر عادي
كم الطول المناسب لاني حصلت مو قادر اشوف بيطري :(:(

[كويتي777]

انتبه تكفه انا قبل جم يوم وديت طيري لبيطري قص نص الظفر والطير تعور وقام ينزف دم وصار وحشي

اذا بتقرض له قص الاطراف بس شي بسيط جدا وفي فيديو يوضح هالشي اذا حصلته بحطه لك

[كويتي777]

تفضل الفيديو

http://www.youtube.com/watch?v=Lv3sG39Ap-I&feature=youtube_gdata_player

[الكاسكو تومي]

نصيحه لاتقصها انا رحت اكثر من دكتورمحلاتهم معروفه ماينصحون بالقص نهائيا فقط يستخدمون مبردكهربائي

واذا طيرك اليف روح لصيدليه وقوله يعطيك مبرداظافرخشبي مره حلوه انا استخدمه لي وللطيوري وتحصله بعد بالسوبرماركت الكبارمثل هايبربنده

[الهاشم]

مشكووووورين اخواني
شكلي بقصهم بنفسي لاني مو ساكن بالسعودية واهنا ما عنهم احتمال كثير بالطيور

[ٌابوعمر]

اخوي انصحك تبردهم القص خطير ممكن تقص غلط وزي ماصار مع اخونا الكويتي لا سمح الله يصير معك

[الهاشم]

اخوي ابو عمر شوف ذا الموضوع
http://www.canaryfans.com/forum/viewtopic.php?f=28&t=42943
يعني لو اقص بمقدار بسيط من البداية هل ممكن اصير في خطر
وانا انشاء الله بشتري مبرد وبشوف

[عشقي البلوفرنتد]

انا اقص طيري بالمقص الععادي بس ما انصحك لان يبيلها شوي فن فأنت وده بيطري يبرده
او زي ما قال اخونا الكاسكو تومي

[الهاشم]

لا اخوي ما اعتقد بوديه لبيطري ( اولا ) اني سالت كذا واحد وواحد من اصحابي الاجانب قال لي ما انصحك لانهم مو متخصيين ويمكن يسوا شي في طيرك
فحتمال كبير انا اقصهم
بس المشكلة في المبرد اني لازم امسك رجولة لفترة وهو اكيد ما بخليني كذا بس المقص اقدر وهو مو منتبة علي اقص شوي

[ماجد علي]

مقدار بسيط جداً.

[بحر الكلام]

ياخي خذ له مبرد جاهز حق الطيور هو لما يوقف علي الالمبرد علي هيئه مجثم راح يبرد اظافره وتصير ناعمه حيل لمده ثللاث ايام حتي الطير لما يطلع علي يدك تشوفه يتزحلق من النعومه هههههههههههههه

[الهاشم]

والله اخوي اخذت ليه واحد من سبوعين بس ما نفع ليه
ولما سالت قالوا لي انه ما ينفع اذا الاظافر كانت طوال
بس للحين انا مخليه في القفص ما اشيله

[الهاشم]

طيب اخواني ولو طلع دم اثناء القص بالغلط ويش اسوي حل في حلول سريعة ومتواجدة

[كويتي777]

علي حسب اخوي

ساعات يطلع دم وايد لانك تكون قاص كثير من الظفر وهني ممكن تعرض حيات الطير للخطر

بس اذا قصيت شوي بعيد واخذت شي من الوريد وطلع دم هني عادي في ادويه تباع ليتوقف الدم او بكلونيا او عطر تحط شوي منهم بفوطه وتمسح عالدم لين يوقف

انا اذكر الطبيب البيطري الاهبل الي قص اظفر طيري بالغلط حطله علي دوم شي نفس البودره لونها بيج حط عالجرح اكثر من مره ووقف الدم علي طول

اخوي اذا مصمم علي القص لا مانع لا كن لازم تعرف انه الظفر يكون ثلاث ارباعه في وريد والباقي اظفر

واذا بتقصه بس الاطراف فقط وبإذن الله خير

[الهاشم]

اي انشاء الله وبشتري مقص خاص للقص اللي يستخدموه للقطط والكلاب لان شفت في الفيديو انه جيد للطيور بعد ويقص بسرعة
بحاول اقص المقدمة بس
المهم يعني احط عطر مثلا في فوطة وامسح عليه انا ابي اي شي سريع عشان ما يصير فيه شي لا سمح الله

[Naja]

اخوي الهاشم ، حط ببالك في كلا الطريقتين سواء المبرد اليدوي او مقص الأظافر ، لابد تمسك رجل الطاائر بشكل صحيح ، ما يصير تباغت الطير أبدا في القص حتى لو هو ما يتحرك، ولو ما قدرت ، ممكن تستخدم الفوطة للف الطير، بس طول ما انت لاف الطير لازم تكلمه وتسولف وياه حتى لو اهو مب مرتاح ويعافر يبي يطلع ! اهم شي تأكد انك ماسكة صح انتبه للأجنحة والذيل زين.

طبعا القص مو لطرف الظفر !!!
القص ياعزيزي يكون لطرف الطرف .... يعني جزء بسيــط جدا وهو فقط يزيل حدة الظفر مو يخليه قصير.
طبعا لما تسوي هالقص البسيط جدا كل اسبوعين او ثلاثة، نفس العرق راح يقصر شوي شوي يقصر يقصر ، لين توصل لمرحلة يصير فيها طول الظفر طبيعي.

اما موضوع المبرد المجثم اللي يوقف عليه الطير ، حتى لو استخدمته ، 3 ايام بالكثير بعدين تشيله ، لأن اذا طول عليه الطير ، رجله راح تتآكل من تحت وتتضرر وممكن تلتهب لو حصل جرح بسيط ، هذا كله ماراح يكون واضح لك، الطير اهو اللي يعاني بس، انت ماراح تعرف الا من الالتهاب او صارت مضاعفات اخطر مثل تعفن للجرح لاسمح الله.

مثل ما قلت لك .. طرف الطرف :)
ولو صار نزيف لأي سبب، حط اي بودرة آمنة عالجرح عشان تسرع عملية التجلط ( قهوة مطحونة، نشا، دقيق او طحين، أو بطبيعة الحال البودرة المخصصة لتعقيم الجروح من أي صيدلية) وراح يوقف الدم بسرعة لو الجرح بسيط، لكن درهم وقاية خير من قنطااااااار علاج !

[الهاشم]

الحمد لله اخوي امس قصيتهم بمقص خاص
بس طلع دم خفيييف من واحد من الاظافر وحطيت عليه ماي ووقف الحين احسهم افضل بس بيهم شوي حدة
وبخصوص المجشم ( اللي زي المبرد ) هل لازم اشيله خلال ثلاث ايام لان الطير عاجبنه وما يوقف الا عليه