محتاجه مساعدتكم ضــــروري

[عاشقة الطيور]

السلام عليكم ورحمة الله وبركاته

اليوم سيكو الحمدلله يصفر ويطلع اصوات ويرفرف وياكل ويتحرك كعادته
من شوي طلعته من القفص وجفت انفه فيه سائل وعرفت انه رجع له الزكام مع العلم اني اول مره صاده زكام ابوي خذه له مضاد حيوي وفيتامين بس مانفع
وثاني مره يوم السبت ابوي وده لبيطري ثاني وعطاه كبسوله وكل يوم احط له كبسوله بس ماادري ليش رجع الزكام؟؟

الله يخليكم محتاجه مساعدتكم:(

[كاسكو البحرين]

طبعاً الحل الاول يا عاشقة الطيور يجب عليكم زيارة الطبيب

ولنا البحث عن الأسباب !

الطير اللي فيه زكام يجب توفير التدفئة له قدر الإمكان بعيدً عن التيارارت الهوائية القوية
ويكفي هواء المروحه وبمستوى معقول يفي الغرض

لا يحتاج الى التحميم (السباحه)
عدم اللعب مع الطير وأتعابه
اخيراً ولاعتقد هناك إهمال منك في نظافة القفص +الأكل+الماء

مايجوف شر وان شاء الله يتشافى ويرجع مثل قبل وافضل

تحيتي

[عاشقة الطيور]

جزاك الله خير على ردك الوافي
مشكووووووووووووورر وماقصررررت
ان شاءالله باجر بخلي ابوي يوديه
اشوه الحمدلله انا ولا مره حطيته في غرفه فيها مكيف
يعني موليه مااسبحه .. انزين اذا فيه منطقهمن ريشه عليها اكل ؟
بس ايصير اطلعه لانه مااعتقد بيقعد طول اليوم في القفص
:):)
الشر ماييك
الله يسمع منك يارب

[كاسكو البحرين]

اذا فيه منطقهمن ريشه عليها اكل ؟
بس ايصير اطلعه لانه مااعتقد بيقعد طول اليوم في القفص :confused:

عموماً انا اقصد بمعنى آخر عدم اتعاب الطير وخروج الطير خارج القفص صحياً يحتاج الى الخروج
لتحريك الأجنحه وممارسة الرياضة للجسم :rolleyes:

تحية الى سيكو البطل

[Mr. MeMo]

اختي عاشقه الطيور


طبعا اخي كاسكو البحرين ما قصر

و لي ملاحظه مهمه جدا فطائرك مصاب ( بضعف مناعه ) اي انه يصاب
بالامراض بشكل سريع و علاج ذلك في يدك و سهل جدا لكن بعد مراجعه
البيطري طبعا

اولا

يجب اعطاء الطائر الفيتامينات 3 مرات اسبوعيا

ثانيا

التنويع الغذائي بشكل كبير و الاكثار من الفواكه فهني غنيه
بالفيتامينات

ثالثا

توفير جو معتدل للطائر بشكل دائم و عدم تعريض الطائر
للاجواء البارده و خاصه اجهزه التكيف فيجب تثبيت درجه
بروده التكيف على درجه لا تقل 27 درجه مؤيه و ان لا يكون
الطائر في مواجه اجهزه التكيف و

رابعا

و ضع 3 قطرات من الليمون في الماء بشكل شبه دائم

و اتمنى لطائرك الشفاء بأذن الله

[عاشقة الطيور]

اخوي كاسكو البحرين
مشكور اخوي وماقصرت
والله يعطيك العافيه
:):)

اخوي Mr. MeMo
جزاك الله خير على ردك الوافي
وان شاءالله بحط له فيتامينات وبنوع له في الاكل
واليوم حطيت له 3 قطرات من الليمون
الله يسمع منك

مشكورين اخواني وماقصرتو على ردودكم الوافيه
واسفه اذا تعبتكم:)