وش رايكم يا أهل الخبرة؟؟

[H.B.H]

السلام عليكم
أنا نفسي أشتري طيور صغار وشفت أحلى شيء الزيبرا
فأنتوا بحكم خبرتكم .....:cool:
وش أحسن نوعيه منه ولا هو نوعيه وحدة ؟؟<<<ياليت التوضيح يكون بالصور
وإذا شريت هل أقدر أعرف عمر الطير وإذا ممكن كيف أعرف؟؟
وكيف أضبط لهم القفص للتفريخ أو للعيشة وشنو أحط لهم الأكل؟؟
ما عليه كثرت الأسئلة بس تحمست أشتري ولازم أروح المحل بخبرة مو يقص علي:D

[H.B.H]

مشكور أخوي على الرد
والصراحه الموقع ما كملته بس أحس أنه شامل
إن شاء الله نشوفك في الأسئلة ثانية<<<<الله يعينكم علي إذا دخلت هالتخصص من الطيور

وعندي سؤال بعد:بكم سعر الجوز من الطيور ؟؟

[zaeeem]

بالنسبة للاسعار تتفاوت
حسب حجم الطير والطفرات اللي يحملها

[H.B.H]

باركو لي
خلاص شريت اليوم طيور خذت لي زوجين
إن شاء الله متى ما قدرت بنزل لكم الصور بس دورت على الموقع اللي عطيتني إياه يا Zaeeem وشفتهم أنهم من طفرة فريل تقريباً
طيب....شريت لهم عظمة الحبار وعش وخيوط تعشيش و مكملات غذائية
وخذت لهم أدوية واحد منهم لتقوية المناعه أسمه سلفامايسين و الثاني فيتامينات وأملاح أسمه فيتوبلكس

عندي بس كم سؤال
كم يوم أخلي الأزواج معزوله عن بعض؟؟؟
وعندي الأناث ريش الظهر والذيل متساقط هل هو طبيعي وهم في فترة تبديل الريش ولا وش قصتهم وإذا يبغى لهم علاج يا ليت تقولون لي؟؟
وش الأكلات اللي ممنوعة من أني أعطيهم ؟؟
والأدويه عادي أستخدمهم؟؟؟وإذا عادي شقد أحط لهم؟؟
وإذا في شيء ناقص ما حطيته لهم نبهوني عليه
وبس...ماعليه تحملوني هالفترة لمن أتعلم على هالطيور

[zaeeem]

كم يوم أخلي الأزواج معزوله عن بعض؟؟؟
مافي داعي ان تعزل الزوج ،، اذا كانو لا يتعاركو خلهم سوا بدون عزل



وعندي الأناث ريش الظهر والذيل متساقط هل هو طبيعي وهم في فترة تبديل الريش ولا وش قصتهم وإذا يبغى لهم علاج يا ليت تقولون لي؟؟
سقوط الريش له عدة احتمالات ،، مثل ماتقول او يكون السبب نتف الذكر لريش الانثى لتجهيز العش
وفر لهم الخيش وان شالله تختفي هذي المشكلة ،، وبعد الفيتامينات مهمة للطيور للنمو السليم



وش الأكلات اللي ممنوعة من أني أعطيهم ؟؟
طبعا مو كل الخضروات تنفع للطيور
لكن عطهم الخس والخيار والجرجير والجزر المبشور
والتفاح والبرتقال والكمثرى
والبيض المسلوق والبيض بالقسماط والخبز المبلول
وان شالله بقية الاخوان يفيدونك اكثر



والأدويه عادي أستخدمهم؟؟؟وإذا عادي شقد أحط لهم؟؟
تقصد الفيتامينات ... يختلف حسب نوع الفيتامينات ولو انك سالت البائع كان فادك فيهم اكثر
لان بعض الفيتامينات مرة في الاسبوع وبعضهم لمدة 3 ايام متتالية وبعضهم لمدة اسبوع او اكثر حسب نوع الفيتامين
اما الادوية تكون لعلاج مرض او مشكلة في الطير وتستخدمها حسب راي البيطري


اتمنى اني قدرت افيدك