الكاسكو يبي مساعده عااجله.،.

[المقدام]

السلام عليكم ورحمة الله .،.

سااعدوني ياهل االخير عندي ببغاء كاسكو الافريقي الرمادي مدري وش قصته ينتف نفسه وريشه بدا يطيح واصلا شكل ريشه مخرب محيوس ويطيح بالستمرار ونحيف ماقدرت اسمنه احك على راسه ناادرا على حسب فضاوتي بس مايوقف على اليد حاولت معه لين طفشت يتكلم ماشاء الله وعمره الحين تقريبا اربع سنين

بالمختصر :

1_ كيف اخلي ريشه يتحسن ويترتب ؟

2_ كيف اخليه يسمن لاتقولون عطه من ذا العلاجات ؟

3_ كيف اخليه يوقف على اليد ؟

4_ وش ياكل غير حب دوار الشمس والفستق ؟

5_ هل لازم اطلعه من القفص يوميا وكم اخليه برا القفص ؟*

[عشقي البلوفرنتد]

طلع الطييييييييير ساعتين الى اربع سااعات
وعطه خضااااااااااار مسلوووق وفوكه ولا تكثر منها
فيه مقاااطع باليوتيوووب توضح كيفيه تدريب الطييير على الطلووع فوق اليد
هل الطييييييييييير ينتف الريش ام يتساااقط الريييييييييييش

[H.B.H]

1_ كيف اخلي ريشه يتحسن ويترتب ؟
شكل له من الأكل لا اتخليه على نوعيه وحدة يعني حطه من فترة لفترة فواكه وبيض بالقسماط وتلقى طريقتها بأي منتدى للطيور وحاول تسبحه على الأقل أسبوعياً وعلى شان تقوي الريش حط له شوية جزر بقولك بس لا تلتزم بطريقتي يعني كل يومين حط له ربع جزرة وإذا تدلع أبشرها ما رضى أعصرها وخله يشربها وحط له عظمة الحبار لعى شان يعوض الكالسيوم ويقوي الريش وإذا هو ينتف ريشه بنفسه مو الريش يطيح لوحده أستخدم زيت الصبار على شان ما يقرب الريش وإذا سويت كل شيء ولا نفع حط له طوق :) وأنت حاول تفرغ نفسك له وتطلعه في الشمس الساعات الأولى من الصباح وألعب معاه يعني شغله عن تنتيف الريش
2_ كيف اخليه يسمن لاتقولون عطه من ذا العلاجات ؟
هذا الشيء ما جا على بالي لأني مو مهتمه بضخامة الطير أهم شيء يكون نظيف ومرتب وصحته تمام
3_ كيف اخليه يوقف على اليد ؟
هذا عليك أنت لازم تخليه بالأول يتعود على البيت وعليك يعني أنت أكيد شايف أفلام إذا شفته توهق بشيء سو نفسك البطل وساعده وبيضطر أنه يجي على أيدك

4_ وش ياكل غير حب دوار الشمس والفستق ؟
ياكل كل شيء;) يعني (الفواكه كلها والخضروات كلها والسلطات وعطه عظم الدجاج بدون بهارات وبيض مسلوق وتقدر تعطيه رز مسلوق بدون بهارات وخبز)
الممنوعات على الطير:
الأفوكادو كلها والتفاح بدون البذور
البقدونس ممنوع
الحب المقلي يسبب الأسهال عطه المسلوق
لا تزيد من الفول السوداني لأنه يزيد الكوليسترول بجسم الطير
المشروبات الغازية ممنوعه وحط عليها خط أحمر


5_ هل لازم اطلعه من القفص يوميا وكم اخليه برا القفص ؟*
يعني على الأقل كل يومين طلعه يتمشى برة القفص لأنها تعتبر رياضة وهو بيحرك جناحه وبيصفر خله يشم هوا وكم تخليه برة القفص....على حسب فراغتك أنت الوقت اللي تقدر تراقبه وتقعد معاه طلعه :D



يعني أهم نقطه...........أنك تكون صبور على الطير وبس
عذراً أنت حطيته سؤال وأنا سويته لك موضوع:p

[عاشق الرمادي الافريقي]

هل انت متاكد من النتف بشوف طيرك يقلع الريش ؟؟
ولا الريش طايح في ارضيه القفص ؟؟؟
هذه فترة القلش للببغاوات والكاسكو من على راس القائمة
تحياتي واتمنى تلاحظ ببغائك بدقة

[البراهيم]

سلام عليكم وارحمه الله وبركاته
معليش على المداخله بي يا اخ H.B.H انا الببغاء الي عندي من اول مايشوف العصير الغازي يروح ويفكه ويجلس يشرب واذا شاف العلبه فاضيه على الارض يروح يلعبها
هل الي يسويه عادي ولا امنعه؟

[المقدام]

الببغاء متعود علي لانه من عمره 8 شهور تقريبا وهو عندي

بخصوص الريش الواضح انه تنتيف لانك لوتشوفه الريش كأنه منتف

الطير عجزت معه ابيه يوقف على اليد مايبي اقدر امسح على كل جسمه من راسه لرجوله

ابغى الببغاء اللي عندي يسمن شوي لاننه نحييف بدرجه لاتصدق

وهو عنييد يكب الاكل ويناظرني وانا اقول له لا ويعاااند

[عاشق@الكاسكو]

اخوي كل الي يسويه طيرك يدل على سواء حالته النفسية اجلس معه اكثر وقت ممكن حط له العب في الشبك حممه وشمسه

[المقدام]

طيب لازم اطلعه من الشبك واخليه يدوور في البيت والا لا؟؟

من زمااان ماطلعته وهو تقدر تقول طفشاان كلما شاف احد قاام يلعب ويضرب الباب

وهو نحيييف ماعرفت اسمنه

[عاشق الرمادي الافريقي]

لا لا لا لا لا يا اخي معدل لازم يخرج الطير اقل شي
2 ساعة باليوم خله يفتر بالبيت بس امام عينيك وتحت مراقبتك

[المقدام]

اهااا شكرا جزيل لكل من تفاااعل معي.،.

[بلاك بيري]

ماشاءالله ما قصروا اخواني ومن وجه نظري طيرك فيه مشكله نفسيه وقد يكون بسبب حشرات

موفق بكل خير

[المقدام]

ايه والله عنده ذباب ونامووس مزعجه

[عبااااااادي]

الله يعييينك ماقصرو الشبااب افادووك

[عنيزاوي999]

ماقصروا الشباب جاوبوك