وش علاجه

[محمد بن فهد]

السلام عليكم ورحمة الله وبركاته
اخواني ممكن اعرف وش ذا اللي تحت عين الكاسكو وش علاجه وهل هو ينتقل لو حطيته مع طير ثاني وياليت تعلموني كم عمره
http://im14.gulfup.com/2012-05-07/1336351465251.jpg (http://www.gulfup.com/show/Xrfp8vmog5ys8o)

[*هاوي البادجي*]

الصوره مو واضحه

بس عمره سنة و9 شهور تقريبا

واللي تحت العين عادي مافي شي

*فواز*

[محمد بن فهد]

اخوي اقصد فيه ورم عند منقاره لونه اصفر موعينه

[rcoood]

يب واضح الورم لاحول ولاقوة الا بالله الله يشفيه انصحك توديه لبيطري ممتاز لاتسكت عليه والطير شكلو مزيون ماشاءالله

[محمد بن فهد]

تسلم اخوي ركود

[*هاوي البادجي*]

هذي فطريات

وده البيطري يعطيك شيئ تدهنه او تشربه

بس الوكاد انها فطريات

*فواز*

[عشقي البلوفرنتد]

افادووووووووك الاخوااان

[محمد بن فهد]

طيب الطير عمره سنة و9شهور اليف ويطلع ع اليد عنده طقطقة وتصفير كيف ادربه على الكلام

[nice life]

تدريب من هم فوق السنة صعب شوي يباله طوول صبر ..على حسب كل طير . موب مستحيل بس صعب .. إذا كان غير مروض .. أما إذا كان مروض فممكن يتعلم ودام أنك قلت يصفر فبيسهل عليه تشكيل الصوت ...
بالتوفيــــــــــــــــــــــــــق .. عالج طيرك أول من الفطريات أو ورم ..

[ابيض الخدين]

السلام عليكم اخوي محمد بن فهد بنسبه لعمر الطير نصيحتي لك من هاذي الصوره الي وضعتها ماحد يقدر يحدد عمره

لئنه الصوره مو واضحه لئنه سبق وصارت لي طير عمره 9شهور 8 شهور انزل صوره تطلع فلجوال غير فيقولون لي سنه

وفوق فأذا تبقى تعرف عمره نزل فديو له او خلي واحد مربي كاسكوات او وده اقرب محل يبيع ببغاوات وسئله عن عمره

لنو الصوره مو واضحه بس الطير ماشاء الله تبارك الرحمن مثل ماقالو شكله مزيون بس اهتم فيه والله يوفقك انشاء الله

[ابيض الخدين]

وبنسبه حق العين اذا مافيها رجفه او تدمع فاأعتقد طبيعيه بس اذا يعني يغمضها طوال اليوم هنا في مشكله

لئنو احيان يغمض عين ويفتح وحده وبذات الطيور الي عندها خوف ينام ابعين وثانيه تحرس الوضع جداً طبيعي .ونشاله طيرك

مافي اله العافيه

[بلاك بيري]

خلف الجفن العلوي توجد حبه محمرة قد تحتوي على قيح ولكنها غير كبيره كفايه حتى يتم فتحها

انصحك بأستخدام الجينتاميسين كمرهم علاجي للطير

موفق بكل خير

[محمد بن فهد]

يعطيكم العافية كلمت صاحبه الاول برجع له الطير

[ماجد علي]

هذا مرض أعرضه على الطبيب.

[بلاك بيري]

بيني وبينك افضل رده

[محمد بن فهد]

هذي الصور للاخوان اللي قالو ماهي واضحة ياليت تعطوني عمره وصورة للورم يارب تكون واضحة
شاكر لكم ردودكم اخواني

http://im24.gulfup.com/2012-05-07/1336380354832.jpg (http://www.gulfup.com/show/X2adkpryo9zb4g)

http://im21.gulfup.com/2012-05-07/1336380581941.jpg (http://www.gulfup.com/show/X2adjy9p5qbpco)

[محمد بن فهد]

المعذرة ياخوان الطير مات

[بلاك بيري]

لا حول ولا قوة الا بالله ربي يعوضك بالأحسن منه دنيا واخره

انت ما قصرت وقدر الله وما شاء فعل

[محمد بن فهد]

تسلم يالغالي
هذا بسبب اهمال راعيه الاول حسبنا الله ونعم الوكيل