عجزت معااااه ساعدوني

[j7roob]

اسعد الله اوقاتكم بكل خير
كما في العنوان اخواني عندي بلوفرنتد عمره سته الى سبعه شهور حاولت معاه بكل الطرق لعله يصير اليف بس للاسف مافيه فايده من اكثر من شهرين وانا احاول معاه بس بدون فايده للاسف احس الطير عنييييييد جداً ومو راضي يخلي العض منه
باقي طريقة المنشفه ماجربتها معاه لاني مو متأكد هي تنفع مع الامزونيات او لا

تكفون طالبكم ابي حل لان نفسيتي قسم بالله بدأت تنفر من الطير لسبب هذا

[anes bounaceur]

اقولك ان تقبض يدك لتشكل قبضة ودعه يعضك مرة مرتين (ماراح ياذيك لانو بيعض العظم يدك) وراح يوقف على العض

[j7roob]

والله العظيم سويتها وسويت طريقة العسل وزبدة الفول السوداني والمربى والماء ومافيه فايده ماسكه معاه عض

ومو راضي يولف

[*هاوي البادجي*]

معروف طائر البلو فرونتد عنيد

لكن خلك اعند منه باصرارك وعزمك

حاول تجد مواضيع المنتدى وراح تستفيد كثير

*فواز*

[rcoood]

مثل ما افادك اخوي فواز اكسر عناده مثلك معي طير بلوفرنتد لي شهر احاول اطلعو بيدي بس عنيد بس بدا يرضخ لي شوي
والله يوفقك

[نايف الشمري]

النوعيه هذي من الطيور تحتاج الى

1- غرفه فاضيه مافيها عفش

2- ستاند بدون اكل و طول المجثم شبر

^^^^^^^^^^^^^^^^^^^^^^^^^^

لاكن قبل جرب تحط قدامه مرايه

ولاتنسى تخلي القفص مرتفع مترين على الأقل

[بلاك بيري]

نصيحتي بيعه لأنه التوليف كذا بيكون صعب خصوصا ان الطير بينفر منك

او انك تقبله على ما هو عليه وتساهم في تلقينه

موفق بكل خير

[A3z_ansan]

انصحك حط اي شيء على يدك كبير عشان الطير اذا عضك ما تحس وخله يعض الييييييييييين يتكسر منقاره ههههههههه يعني خله يعض لو خمس ساعات كذا يعرف عنيد ويبطل عض استمر على ذي الحاله 200 يوم اذا ما نفع بعه هههههههههههه امزح خله 300 يوم هههههههه امزح لا خله 10 ايام وانشالله ما رح يعض



اخوك الي مسوي ظريف

عبدالعزيز

[كـ الشمال ـاسكو]

اخوي وين مكانك

اذا انت بنفس مدينتي انا اروضه لك واخليه مثل الحمامه ان شاء الله

[j7roob]

نصيحتي بيعه لأنه التوليف كذا بيكون صعب خصوصا ان الطير بينفر منك

او انك تقبله على ما هو عليه وتساهم في تلقينه

موفق بكل خير

المشكله يادكتور اني شريته منك على اساس انه اليف ولو تراجع اعلانك بتلاقي اثبات كلامي

مشكووووووووور يادكتووووووووور

[فيوزي]

اخوي حصل خير هو عنيد انت خليك اعند منه
هو قوي خليك اقوى منه
لا يغلبك الطير خليك شجاع وابحت في المنتدى في عدت طرق
ولا تقول ما اقدر ولا اخاف من عضته خليك شجاع
واصبر عليه العنيد نهايته معلم وبطل
واحنا موجودين واي سؤال احنا موجودين
ولا تعجز يا بطل
وموفق يا شجاع

[عشقي البلوفرنتد]

الصبر
الهمه
والقووه
والشجااعه
وبأذن الله يتحححححسن

[rcoood]

والله مثلك شريت بلوفرنتد مو اليف مره وكان يعضني لاكن ماعطيت العض اهتمام وطلعت خفيفه العضه وشافني ما اخاف بطل يعض بس صار يهرب من يدي والحين مايخلي مكان بجسمو الا لازم احكو له حبه حبه تجي المحبه وربي يوفقك

[fawzi]

[QUOTE=j7roob;2553739]اسعد الله اوقاتكم بكل خير
كما في العنوان اخواني عندي بلوفرنتد عمره سته الى سبعه شهور حاولت معاه بكل الطرق لعله يصير اليف بس للاسف مافيه فايده من اكثر من شهرين وانا احاول معاه بس بدون فايده للاسف احس الطير عنييييييد جداً ومو راضي يخلي العض منه
باقي طريقة المنشفه ماجربتها معاه لاني مو متأكد هي تنفع مع الامزونيات او لا

تكفون طالبكم ابي حل لان نفسيتي قسم بالله بدأت تنفر من الطير لسبب هذا[/QUOTE.

هلا أخوي أنا بختصر الموضوع بالنسبة انك طفسان ومافيه فائده ترى إحساس الطير نفس الشيء هو برضو متملل ومتذمر. أهم شيء انك تصبر عليه الوضع يحتاج طوله بال وعلي. فكره عمر الطير سبعه شهور ترى صغير. ليش انت مستعجل يااخي خله في مكان مناسب في البيت واهتم فيه من ناحيه.الأكل والنظافه وبعد فتره راح تشوف الفرق أهم شيء انك ماتضغط علي الطير خله براحته من تشوفه مزاجه متعكر أتركه وتعاله بعد فتره صدقني راح تشوف الفرق

[صاحب رأي]

إذا كان الطائر شجاع ويهاجمك بالعض فالمشكلة بسيطة

لأنه يستخدم العض كسلاح ضدك فيمكن استخدام قفاز أو منشفة

حتى يخسر سلاحه ولا يجد منك ردة فعل تقوي هذا السلاح

أما إذا كان خواف ويهرب ويحاول أن لا يهاجمك ففي هذه الحالة

يجب أن يعتاد عليك ويأمن لك ثم بعد ذلك تحاول معه .

وإذا كان الببغاء إليف فيما سبق ممكن تكون حركة يدك مريبة بالنسبة

له وهذه المسألة تحتاج للخبرة في التعامل معه بحيث تكون حركة اليد

بطيئة وتبدأ من منقار الطائر بكل هدوء وتلاحظ رد فعله وتكون في منتهى

البرود ولاتصدر منك رد ة فعل سريعة فإذا تقبل تمسح بقية الرأس وإن لم

يتقبل تمسح على المنقار ومرة بعد مرة سوف يأمن لك ويكون أليف معك

بإذن الله .....................................والله أعلم