استفسارات عن تأسيس حوضي (مبتدىء)

[johnny]

السلام عليكم ورحمه الله وبركاته

عندي استفسارات كثيره والله مش عارف من وين ابدا سامحوني رح تكون اسئلتي كثيره :shy:

اولا انا خبرتي بالاسماك متواضعه بربي اسماك زينه من سنتين كان عندي حوض حجم 60 لتر كنت مربي فيه جولد فيش ومرات انجيل وكلايرس كات فيش

بس حاليا اشتريت حوض اكبر 150*60*50 اي بسعه 450 لتر ... وهون تيجي المشكله اني مش عارف ايش اربي فيه

ما اقدر اربي سكيلد او بيرانا واسماك كبيره لان حاليا خبرتي لا تسمح لي

فاسئلتي هي ما هو اكبر نوع من الاسماك اللولوده ( كبيره الحجم ) حتى اربيها في الحوض واخلي حوض ال60 لتر حوض تفريخ .... وانا نفسي اعمل حوض مصارعه يعني احط اسماك غير متوافقه واخليها تتقاتل وانا اتفرج (شرير) :D فايش هي الاسماك دائمه القتال مع يعض ؟؟
وكم سمكه بقدر احط فيهم بالحوض
الحوض حاليا فارغ ما فيه اي اشي بس قزاز فايس بتنصحوني من ناحيه الفلاتر والاكسسوارات وجرش ولا رمل ؟؟
وسؤال هل فعلا تربيه الاسماك المفترسه كالبيرانا والاوسكار صعبه ؟؟ لاني صراحه بحب البيرانا كثيييير والاوسكار كمان وشفت على اليوتيوب مربينهم مع بعض وزابط ففيدوني رجاءا :)

انتظركم ::12:

[Dr Khaled]

و عليكم السلام و رحمة الله و بركاته

الحوض كما قلت 450 لتر أي يلزمك فلتر بقوة 4500 لتر بالساعة و هذا يعتبر صعب كونه يلزمك فلترين خارجيين ب 5 طبقات واحد على اليمين و الآخر على اليسار
السخان هو أثنين أحدهما بقوة 300 واط و الآخر 150 واط على جانبي الحوض.

الحصى طبيعية و ليست ملونة ولا تصدر فقاقيع إذا وضع الخل عليها....


قبل البدء أخ شرير فيما تقوله عن الأصناف و الصراع و خلافه فليس منّا ما قد يساعدك في هذه الأفعال و أستمحيك عذراً هذه هواية راقية و ليست حلبات مصارعة ......

نأتي لفكرتك بالولود و التفريخ طالما ليس عندك خلفية رغم أن الأوسكار يتحمل أخطاء الهواية التقليدية لكن أي سمكة لا تتحمل أخطاء الهواة القاتلة...

بإستطاعاتك وضع وضع 50 سمكة من بلاتي و سووردتيل و جوبي بحيث لكل ذكر 3-5 إناث ..
لكن أعلمك من الآن أن حوض التفريخ لن يتحمل عدد الفراخ المتوقع لذا الفكرة سيئة من بدايتها

لأنه لو قلنا أن كل إنثى وضعت 10 فراخ و كانو لديك 30 فأنتجو 10 منهم أي 100 فرخ و قياس الحوض لا يصلح لهذا العدد و لن نقول أن الولادات ستكون متقاربة أي ما يعادل ما بين 1-5 ولادات إسبوعياًَ لذا لا أنصحك بهذه الفكرة و حاول أن تربي الأوسكار لو زوج واحد لكن مع القراءة و الغوص في بحور العلم لا شيء مستحيل مع التربية...

[basil-ramahi]

بعدين انت بتحكي هيك(حابب تشوف مصارعة) بكره بس تضل رايح جاي عالمحلات وتشتري سمك عالفاضي وكلو يموت بتحكي شو عملت بحالي عالعموم

يمكنك تربية الاوسكار كما تفضل المراقب..........

فهي ذكية وقوية وتتحمل الاخطاء والاهم من ذلك انها رح تتعود عليك وتميزك

[johnny]

طيب ممكن اوسكار وبيرانا ولا ما بزبط في الوطن العربي ؟؟ لاني شفت على اليوتيوب زابط ووصلو الاحجام هائله مثل هذا الفيديو البيرانا عايشين مع الاوسكار بسلام وكبرانين واحجامهم هائله
http://www.youtube.com/watch?v=GcSVPNKrTZo
يعني انا ممكن اربي 2 بيرانا + 2 اوسكار ؟؟؟

+
+
+ يا ساده شوفو هاض الفيديو
http://www.youtube.com/watch?v=LH-UW17UPaM&feature=related

في الخلف يوجد مواسير فلماذا تستخدم + هل الاسماك متوافقه ؟؟ اذا لا لماذا وصلت الى هذا الحجم معا !!

+ دكتور خالد كنت افكر ب ان اضع 6 فلاتر داخليه 3 على اليامين و 3 على اليسار فهل هذا ينفع ؟؟ علما ان كل فلتر بقوه 750 لتر بالساعه 750*6 بيعطيني قوه فلتره بتوصل 4500 وهذا ما يحتاجه الحوض .. فهل الفكره مناسبه ؟؟

[عاشـ الاسماك ـق]

ماشاء الله تبارك الله
الصلاة ع النبي حووضك روعة
لكن اخوي الثعبان على ما اظن كم سعره؟

[johnny]

ماشاء الله تبارك الله
الصلاة ع النبي حووضك روعة
لكن اخوي الثعبان على ما اظن كم سعره؟

اخي هذا ليش حوضي هذا فقط مثال ... حوضي مازال غير جاهز وغير منصب ولا يحتوي ماء
الفاير ايل كان معروض عنا بلاردن ب 10 دنانير ( صغير ) يعني تقريبا 50 ريال سعودي

[basil-ramahi]

بيرانا لا تربى الا مع نفسها اخي لان عدوانيتها تفوق قدرة الاوسكار على التحمل واحتمال يكون الحوض بالفيديو جديد عشان هيك شايف توافق او الاسماك جديدة على بعض ما تخلي المظاهر تخدعك


المواسير تقوم بنقل المياه من والى فلتر خاص خارج الحوض يسمى فلتر السامب وهو من اقوى الفلاتر وافضلها لكنه مكلف ويحتاج لعناية ممك تشوفو عاليوتيوب SUMP FILTER

فكرتك لوضع الفلاتر اخي غير مجدية لان الفلاتر الداخلية مرحلة واحد وهي الميكانيكية (الاسفنج) وفي حوضك نحتاج الى مرحلتين البايولوجية (بكتيريا نافعة موجودة في حلقات السيراميك او الحجار تعمل على تحطيم المركبات السامة في الماء)

ومرحلة كيميائية وهي الفحم الذي يسحب السموم وهذا كلو بيجي مع الفلاتر الخارجية اما 6 فلاتر فلن تحصل على مياه ذات جودة يعني ممكن تكون صافية بس مليئة بالسموم و تيارات في ماء الحوض و عجقة اسلاك

راجع هذا الموضوع هو طويل لكنه ممتاز ورح يجاوب على كل اشي


http://2zoo.com/vb/showthread.php?t=257212

[johnny]

المشكله يا باسل وانت اعرف اكيد بهل قصه انه بلاردن ما في فلاتر قويه وحتى لو كان في فلاتر قويه بطلبو بسعرها سعر جمل انا مره فصلت فلتر بجبل عمان ب 150 دينار فعشان هيك انا بدور على حلول اخرى

على العموم الف شكر للجميع والموضوع يلي انته حاطه بدو 3 ايام قراءه :D ان شاء الله بقرئه لما افضى

[basil-ramahi]

طب اسمع انا عندي حل


حوضي 150*50*60
سعة 400 ليتر جبت راسين باور هيد (فلاتر داخلية لكن بس استعملت الراس) بقوة 2000 لتر للواحد وهيك جبت 4000ليتر بالساعة وكان سعر الواحد 8 دنانير الحكي قبل اكم شهر

وشبكتهم برابيش الري طبعا الوصلة بين بربيش الري وفتحة الفلتر كانت قطعة بلاستيك مرنة لاختلاف الاحجام

ولرفع الماء لاعلى لعلب تعمل نفس عمل الفلتر السقفي يعني بتحط الانبوب باعلى العلبة وبتحط بالعلبة مواد الفلترة وباخر العلبة فتح لخروج المياه

[johnny]

الف شكر اخ باسل والله فكره حلوه
بس الفكره للمحترفين وانا اكيد ما رح اعرف اسويها لانه حتى مبدا عمل الفلتر السقفي ما بعرفو
على كل حال بس اخر سؤال 3 فلاتر خارجيه بزبط ويكون كل واحد 1500 ؟؟ بزبط للشي البيلوجي يلي بتحكي عنو انت ؟

[Dr Khaled]

المشكله يا باسل وانت اعرف اكيد بهل قصه انه بلاردن ما في فلاتر قويه وحتى لو كان في فلاتر قويه بطلبو بسعرها سعر جمل انا مره فصلت فلتر بجبل عمان ب 150 دينار فعشان هيك انا بدور على حلول اخرى

على العموم الف شكر للجميع والموضوع يلي انته حاطه بدو 3 ايام قراءه :D ان شاء الله بقرئه لما افضى

الف شكر اخ باسل والله فكره حلوه
بس الفكره للمحترفين وانا اكيد ما رح اعرف اسويها لانه حتى مبدا عمل الفلتر السقفي ما بعرفو
على كل حال بس اخر سؤال 3 فلاتر خارجيه بزبط ويكون كل واحد 1500 ؟؟ بزبط للشي البيلوجي يلي بتحكي عنو انت ؟

أخي المشكلة ليست في البائع فهنالك أمور تدخل في هيكلية السعر منها إيجار المحل و الموظفيين و عددهم طبعاً لا تستطيع أن تقارن إيجار في مناطق عمان الغربية تعادل مناطق الشرقية الكل يعلم هذا...

قلت لك سابقاً فلتريين خارجيين من خمس طبقات يكفي حوضك فلماذا العذاب و هذه الإختراعات ...

و أما مشكلة طويل و يلزمه أيام أتوقع عليك قراءة هذا الموضوع قبل التفكير بأي خطوة أي هذا الموضوع الذي شعرت بأنه طويل هو خطوة مهمة في البدء ...... فحاول القراءة قبل المغامرة

[johnny]

أخي المشكلة ليست في البائع فهنالك أمور تدخل في هيكلية السعر منها إيجار المحل و الموظفيين و عددهم طبعاً لا تستطيع أن تقارن إيجار في مناطق عمان الغربية تعادل مناطق الشرقية الكل يعلم هذا...

قلت لك سابقاً فلتريين خارجيين من خمس طبقات يكفي حوضك فلماذا العذاب و هذه الإختراعات ...

و أما مشكلة طويل و يلزمه أيام أتوقع عليك قراءة هذا الموضوع قبل التفكير بأي خطوة أي هذا الموضوع الذي شعرت بأنه طويل هو خطوة مهمة في البدء ...... فحاول القراءة قبل المغامرة

المغامره دكتور فقط لتفادي السعر !!!
هسه انت بتقول فلترين خارجين 5 طبقات .. طيب قديش سعر الواحد تقريبا ؟؟ عارف رح تقلي حسب المحل بس بدي سعر مقررب بس

والف شكر دكتور

[basil-ramahi]

مره اشتريت واحد لحوض 80سم سعة 120 ليتر وكان 1200 ليتر بالساعة كان ب35 دينار بس هذا الحكي بشهر 2 ويلي مع u.v اضاءة لقتل البكتيريا بستعملوها مع الديسكس ب50 دينار وطبعا المحل وكيل
لاكثر من ماركة والو فرعين (بعتلك اسمو عالخاص)

ردا على الاعداء هههههههه كل واحد بعرف حالو

[johnny]

يعني اذا 1200 لتر ب 35 دينار يعني ابو 2000 لتر رح يكون ب اقل اشي 75 دينار وانا بدي 2 يعني رح ادفع 150 دينار !!!
كل الحوض والله ما كلفني 70 دينار ؟؟؟ سويتو عند تبع قزاز واخذ مني 65 دينار وسماكه 12ملم
يعني حق بعمل حمان حوضين بحق الفلاتر ... حق الفلاتر اغلى بكثير من حق الحوض :( لازم يكون في حل ثاني ولا لا يا خوان:confused::confused:

[Dr Khaled]

فصل سامب و خلصنا حبيب :)

إللي بدو الدح ما بدو يقول أح (هادا متل من عندكن) يعني بدك تتكلف حبيبي و السامب ممكن يطلع كامل بحق الحوض بس بدك مين يفهم يساويه....


بسول قلتلي الأعداء بتمنى ما شوفك لأنو علقت مشنقة بلا ما خليهن مشنقتين ;)

[basil-ramahi]

طيب اسمع روح عاليويتوب وشغل ابداعاتك وشوف تصاميم لا تعد ولا تحصى من الفلاتر وكلو شغل البيت وبمشو معك خطوة خطوة بس لازم تفتل اليوتيوب فتل حتى تلاقي انسب تصميم وصدقني فلترة الحوض عندي من اليوتيوب
جرب هاي الكلمات وان شاء الله تكون انجليزياتك قوية لانو غير هيك رح تتغلب

diy filter
diy biofilter
diy aqurium filter
diy sump
طبعا السامب بدو شي اسمو الاوفر فلو بوكس حتى ينزل الماء لاسفل عند السامب دون استخدام اي شيء
diy overflew box

homemade filter
homemade filtartion system
homemade canister filter(هاد زي الخارجي)

موفق ولا تحكي صعب ومش عارف شو بس شغل ابداعك اعتبرها سيارة وبدك تفيعها ها اكثر من هيك شو ضل اجيك اسويلك اياه

وافينا بالمستجدات

[johnny]

اوك الف شكر لكم الاخ باسل والدكتور خالد .... وان شاء الله بشوف اليوتيوب والحمدلله انجلزياتي قويه
وان شاء الله بس اخلص من الحوض بنزل صور كامله
دمتم بود

بس ممكن تقلولي ايش نوع الانابيب في هاض الفلتر ؟؟
http://www.youtube.com/watch?v=FkT9EiY9v60
صراحه فكرته رائعه ورخيصه كثير بس انا سؤال ايش نوع الانبيب وما هي اليه صعود الماء للاعلى ونزوله يعني كيف برجع بصعد المي مضغه ولا ايش ؟؟

وشكرا لكم :)

[Dr Khaled]

أخ جوني :

العلبة البيضاء هي ما تسمى OverFlow Box
الأنابيب التي تستخدم هي ما يسمى PVP البيضاء و ليست مثل الصرف الصحي ههههه؛ طبعاً أيضاً يستخدم أنابيب البلاستيك الشفافة بتذكر عندكم يسموها (قشلة) قياسات كبير ما بين 0.5-1 إنش حسب المطلوب
في الأسفل الشخص في الفيديو صانع ما يسمى فلتر تقليدي لكن تقييماً من وجهة نظري الشخصية سيء لأنه صغير مقارنة مع الحوض.

صعود الماء يتم بواسطة مضخة ماء مخصصة للأحواض تكون قوتها ثلث حجم الحوض. أما نزول الماء فهو ينزل بفعل جاذبية الأرض و مقدار إرتفاع الحوض عن الأرض...

[johnny]

الله عليك يا دكتور انت بجتها هيك صح ؟؟ طيب اخر سؤال ... المضغه والانانبيب حسب علمك كم سعرهم تقريبا ؟؟

[Dr Khaled]

و الله حسب أخي قديش حوضك و قديش إرتفاعه عن الأرض و هيك حكي يعني شغل تمديدات صحية و سامب و محلات سمك طبخة بس لا تتوقع يكون أكثر من 80-100 دينار مشان إختصر عليك المسافة

[johnny]

اها يعني اي مواسيرجي بسويها كويس :d هيك اختصرت علي لانو بعرف واحد مواسيرجي بسيولي اياها ببلاش !!
يلا الف شكر الك دكتور غلبتك معي :) وكمان باسل :)

[Dr Khaled]

أي مواسرجي!!!! مو بدك تعرف كيف بدو يستغل؟؟
يعني الشغل مو قصة توفير مواسرجي حبيبي بقدر ما بدك تعرف كيف تأسس العمل !!!!

على كل حال شوف محلات الواحدات و خلي أي محل قادر على تفصيل سامب لك بهذه القياسات التالية

الطول 80 و العرض 40 و العمق 50 و الحجرات 4 حجرات
بس تفصل هدول خبرنا و خبرنا عن مسافة إرتفاع الحوض عن الأرض و إرتفاع الحوض من أعلى إلى مستوى السامب لتحديد الباقي

[johnny]

بس يا دكتور انا ما بعرف طريفه العمل ولا كيف رح يشتغل ولا بعرف المواد المستخدمه فيه لاني ما عندي خبره بالفلاتر ... وما بقدر اصممو عند محل لانه رح يطلب غالي وانا حاليا ما بقدر اوفر غير 50 دينار