المساعد الشخصي الرقمي

مشاهدة النسخة كاملة : ممكن معلومات عن الامبرور شارك !!

jreeper
20-05-2012, 11:07 AM
السلام عليكم

قبل فتره نصحوني الاخوان اصمم حوض بس صراحه قررت اشتري لانو اسهل واسرع وبدون غلبه ووجع راس فمن من 4 ايام اشتريت حوض جاهز ابعاده 180 طول 70 ارتفاع 60 عرض كلفني 450 دينار طبعا معه قاعده خشب جواتها نظام سامب صمملي اياه نفس المحل ....

المهم انا لسا مش عارف شو اربي فيه
بس صراحه عجبتني سمكه اسمها امبرور شارك ممكن معلومات عنها لو سمحتو ؟؟ لانها مش موجوده في موسوعه الاسماك الشرسه

واذا في عندكم اراء ثانيه لائيش اربي بكون ممنونكم ... بس غير سكيلد لاني ما بحبو !!!
basil-ramahi
20-05-2012, 02:04 PM
والله مو عارف شو بدي احكيلك لكن الامبرور شارك يربى وحيدا وبالتالي خياراتك ستكون محصورة ناهيك عن انو حساس لانو جسمو مغطى بالجلد وليس قشور وغير هيك بدو اكل حي فممكن تططلع عندك طفيليات خصوصا انك لسى جديد عالهواية نوعا ما


ممكن تعملو حوض سيكليد افريقي بشوية صخور ملساء تعمل منها كهوف وبعض الاشجار البلاستيكية وتختار بين العشرات من اصناف السيكليد الافريقي ناهيك عن الالوان الرائعة


او ممكن سمكة العظماء الاروانا ويلي بتوافق معها فرنتوزا (ما جربت بس كثار يلي بحكوا وبنشوف رايي ابووسام)


او الاقتراح يلي بفضلو وهو حوض سيكليد امريكي من اوسكار لتكساس لباروت لجرين تيرو لكونفكيت


او الاقتراح الاخير يلي ممكن يطلعلك احلى حوض وهو حوض ديسكس مزروع لكن بعيبو صعوبة تربية الديسكس وامكانية التعامل مع النبات والكلفة لانو اهمل حبة ديسكس عنا بتوصل 15 دينار
jreeper
20-05-2012, 03:19 PM
هلا باسل ...
والله انا ما بحب السكيلد ابدا حتى ما بشوفو حلو ومنظرو بشع ... والديسكس صعب التربه هيك سمعت
الوحيد يلي بحبو من السكيلد هو الاوسكار .. وللاسف لفيت الدنيا وما لقيت الا بجبل عمان طلب بالجوز 85دينار طول الواحد 11سم لا وبحكي انو مراعيني كمان :D

بس الامبرور شارك ما بتربى مع البارون شارك ؟؟ شفت على اليتيوب كمان مربين امبرور شارك مع اروانا وريد تيل كات فيش والسمكه هاي يلي بيجي شكلها زي الصحن :D

يعني الخيارات غير السكيلد كثيره .. لانو على اليوتيوب بشوفهم مربين سلطات واحجام كبيره دليل انو مربينهم من زمان وما صارللهم اشي
Dr Khaled
20-05-2012, 04:40 PM
سمكة كات فيش الأمبراطور هي إحدى فصائل البنجاسيوس لذا أي نوع آخر متوافق معها في الحجم تربى معها بالإضافة للكات فيش و الباكو و الدولار و الأوسكار
jreeper
20-05-2012, 04:53 PM
سمكة كات فيش الأمبراطور هي إحدى فصائل البنجاسيوس لذا أي نوع آخر متوافق معها في الحجم تربى معها بالإضافة للكات فيش و الباكو و الدولار و الأوسكار

هلا دكتور ....
بس هي مش كات فيش:wao: صراحه انت لخبطتني يعني شكلها مش زي شكل الكات فش طيب اذا كانت كات فيش ليش سموها شارك وهاض فيديو الها http://www.youtube.com/watch?v=0cwQ3XoGds8... على كل حال انت اخبر مني ....
يعني من كلامك بقدر اربي 2 امبرور شارك وزوج اوسكار و 1 باكو و 1 اروانا .....
طيب بقدر احط معهم فاير ايل ولا ما بتوافقو ؟؟ وايش اكسسوارات الحوض .... انا بفكر رمل ناعم احسن من الجرش مع اخشاب متعجربه وبعض الصغور وشويه نباتات صناعيه ... ولا ايش رائيكم
Dr Khaled
20-05-2012, 05:20 PM
نعيد و نكرر كلامنا سميت هذه الأسماك بالقرش كونها منظومة شكلها من الأعلى عند النظر إليها تماثل محاكاة سمكة القرش ولا ترتبط مع عائلة القرش إلا بالصنف و هو صنف الحبليات خلاف هذا كل منهما من عائلة مختلفة عن الأخرى ....

180 طول 70 ارتفاع 60 عرض .......

مقاس حوضك يحتم عليك ما يلي إذا أنت قدر على ذلك

1- أروانا (1)

2- الأمبرور شارك (1)

3- باكو (1)

4- بليكوستومس (2)

و يعتبر الحوض مكتظ أيضاً

طبيعة الحوض رملي و صخور و أخشاب فقط ولا داعي لأي نوع من النباتات سواء طبيعي أم بلاستيكي
jreeper
20-05-2012, 05:57 PM
اوك الف شكر لك دكتور

بس اخر سؤال شباب ... بقدر اربي 4-6 اسماك فلور هورن بالحوض ؟؟؟ واذا ما بوسع كم الحد الاقصى

+

اذا ربيت بيرانا في الحوض كم سمكه بوسع الحوض ؟؟ وشكرا
Dr Khaled
20-05-2012, 10:36 PM
حوضك إذا ربيت بها البيرانا يكفي ل 15 فقط

و إذا ربيت به الفلاورن هورن أتوقع المسألة به صعوبة كون الفلاور لا يقبل متحدي معه أي ذكر و الباقي إناث أي ما يعادل 6 إناث مع ذكر
basil-ramahi
21-05-2012, 10:41 AM
واو بتسمع بمعلومة عالطاير!!!!!
pacu man
21-05-2012, 12:01 PM
الامبرور شارك تعتبر قويه وشرسه..يفضل ان تضع الاروانا اكبر منها والباكو لانها اذا حجمها كبر فم الامبرور عطها يومين الا وماكلتهم كلهم وتعتبر من الاسماك الناهشه
كما تفضل الاخوان انها تربى مع السطح: الاروانا او فك التمساح , الوسط:باكو او دولار او تيفوبارب او بنت عمها البنجاسوس وهناك الكثير وكذلك السيكلد الامريكي ماعادا الفلور هورن , القاع:جميع انواع الكات فيش الشرس او البيتشر او اللخم ولاتنسى البليكوستومس
الطبيعه الجيده لها الابتعاد عن الاشياء الحاده في الحوض وكن حذر عدم غسل الحوض بالصابون ووضعها ببيئه خشبيه نباتيه صخريه
طبعا الارضيه جرش
التغذيه الاسماك الاصغر من فمها راح تروح عنك خلال ليله واحده
الابتعاد عن الاشياء الحديديه لانها تتحلل بالماء ويخرج مواد ضاره
واذا خلصت الشغل حط الصور لكي نقول اذا هناك اخطاء
jreeper
21-05-2012, 01:34 PM
ألف شكر للكل ...... انا الان لسا بمرحله الدوره النتيورجينيه وبس اخلص كل شي واشتري اسماك ان شاء الله بحط صور
Dr Khaled
21-05-2012, 05:27 PM
الله يسترنا ما بعد الدورة :D

موفق يا موفر ;) و يغلق الموضوع لإنتهاء من العرض