الدرة آصبآعها انكسسسر .. !!! آيش الحل ..

[حمنا]

السلام عليكم ورحمة الله وبركاته ..
يا جماعة انا الدرة حقتي قبل يومين كانت تعرج وامس وديتها للبييطري وصعقنني بالخبر انو اصباعها مكسووور ايش اسوي ... هوا قلي انو مالها علاج غير اني امرخها لو بموية دافيه او زيت زيتون .. عمرها صارت مع احد فيكم ..؟؟؟
الله يكون في عوننا ويشفيها واستنى ردودكم ..

[*هاوي البادجي*]

مثل ما قال لك الطبيب

ادهنا بزيت زيتون وماء دافئ
ولو تقدر انك تلف اصبعها ب اللفافه الطبيه بعد كل ما تغسل احسن بعد

وان شاء الله تطيب

*فواز*

[حمنا]

يعطيك العافية يا غالي ..
بس المشكلة انه كل ما جيت امسك اصباعه يقوم يعض وانا ما ابغاه يكرهني .. وانا باشوفه احسن من اول ما شاء الله تبارك الله ..

[صوغة]

الله يعينك ويساعدك

من شنو انكسر اصبعها؟؟

اذا تعرفه قولنا اما اذا ماتدري فمعنااه الدرة تتعرض لامور مخيفة تفزعها واتخوفها

انت دائم تشكي انها عصبية واتهاجم وترفض احيانا تصعد على يدك وتاخذ الاكل بسرعه وعصبية

وهالمره انكسر اصبعها؟؟

درتك اتخاف جدا وفزعة جدا واكيد خافت من حاجة خلاها تقفز او اطيح بارضية القفص او انحشار اصبعها بين الاسلاك

عندكم قط؟ بسة يعني ؟

او حيوان اخر؟


لازم تعرف شنو السبب عشان تتخلص منه وتتخلص من فزعها وعضها وخوفها

مالك الا انك اطبق كلام الطبيب او تاخذها له كل يوم يدلك او يدهن اصبعها

بس رجاءا ادرس البيئة الي عايشة فيها درتك عشان تعرف اسباب عصبيتها وخوفها

وموفق الله يشافيها ويطمنك عليها

[حمنا]

اخت صوغة الله يعطيكي العافية ..
بالنسبة كيف انكسر اصباعها انا كنت مسافر واضطريت اني اخليها عند السواق الله لا يكافيه اذا كان السبب يارب .. ورجعت حصلتها تعررج نزلت صررخت ع السواق وطبعا لا يمكن يكون سواق صادق ويقولك انا سويت كده وكده .. ووبالنسبة للبسس ايوة في البيت موجودة بسس بس المشكلة انو الدرة حقتي تروح تجي وراهم وهم خايفين منها ... وبالنسبة للمضايقات انا شكلي باحطها في غرفتي احسن شي عشان ما يوصلها احد..
والله يعطيكم العافية يااارب..

[rcoood]

الله يشفيها لك يارب

[حايلي111]

اكيد السواق كاسر رجلها . الي عندي الدره نفس الي عندك عصبيه وتاخذ الاكل بسرعه .

[نوني..]

اكيد السواق كاسر رجلها . الي عندي الدره نفس الي عندك عصبيه وتاخذ الاكل بسرعه .

وماشاءالله عليك علطول تأكدت وجزمت انهآ من السواق !!!!!!

اتقوآ الله بانفسكم الظلم ظلمآآآت

واعتذر من صاحب الموضوع ماعندي خبرهـ بموضوع الببغاء تبعك

[بلاك بيري]

انا انصح بمرهم اسمه موف جدا ممتاز للطيور المصابه بألتواء مفصلي او حتى كسور

موفق بكل خير

[عاشق@الكاسكو]

ما قصرو الاخوان ومرهم مووووووف انا مجربه على احد طيوري انصحك فيه

[صوغة]

انا توقعت انه عندك بسس

لانه درتك فرخ ومعاملتك حلوة لها

فما سبب هالعصبية؟ البسس حتى لو تركض هي وراهم

تظل قلقة ومتوترة وعدائية

ومو شك انه السائق الا 100% السائق

تلاقيها عضته ورماها بالقفص

ومو ظلم

هم قسااة القلوب

درتي انضربت على راسها 3 ضربات

وهي بالقفص ولقيتها تسبح بدمها والدم بكل مكاان بالقفص وعلى جوانبه وعلى الجدران خارج القفص

مع العلم ان القفص لها فيه اكثر من سنتيين

ولمن اخذتها للطبيب قال 3 ضربات براسها قصينا الريش وقرعناها وجلست اعالجها شهرين ومازال لليوم مثل العلامة براسها

واعترفت وحده من الشغالات على الثانية لاني رفضت شي طلبته هي مني انتظرت غيابي وانتقمت من ببغائي

وقالي الطبيب لو الطائر من نفسه جاته ضربه كان استكن بزاوية ما جلس يفرفر يمين ويسااار لدرجة الدم يطرطش على الجدران خارج القفص

الا انه يحاول يهرب منها

له رب مطلع وشايف

معليش كلامي كثييير بس ابين لكم انه اذا الطائر بالقفص مافيه شي راح يضره الا شي من خارج القفص

خاصة اذا القفص آآمن

الله ماشفناااه لكن عرفنااه بالعقل

وهذا كلام العقل

والله يشافيها لك

[صوغة]

وجلست اعالجها شهرين

عفوا اسبوعين