كيف أصاحب طيورى ؟؟؟

[عاشق_البادجى]

بعد السلام عليكم ...
أنا عندى مشكلة مع عصافيرى
هم بيخافوا منى جدا وكل ما آجى أحط لهم الأكل يخافوا ويستخبوا فى البياضة أو يطيروا فى القفص من الخوف

إزاى أطصاحب عليهم وأعودهم عليا ؟؟؟

أرجو المساعدة

[bonsho]

دى حاجة طبيعيه جدا هما اكيد لسا معاك من فترة قصيرة
لازم تغير لهم الميا والاكل كل يوم وتنضف القفص
وهتلاقى مواضيع كتير تفيدك فى المنتدى وعلى النت
ويارب الموضوع الصغير والمتواضع دا يفيدك
http://www.2zoo.com/vb/showthread.php?t=266342

[raggad]

انا عندي خمس عصافير كانو عندي من زمان ما بخافو زي الي جبتهم جديد

[لعبة الايام]

يمكن الطيور الجديد تربيتهم في سلاكات كبيره ومو متعوده على الاقفاص غير كدا المكان جديد عليهم والى الان ما تعودو عليك انت شخصيا
كل ما تحتاج له بعض الوقت ونع الايام راح يخف الخوف منهم

[عاشق_البادجى]

جزاكم الله خيرا

هو فعلا بقالهم فترة قصيرة من شهر 8 اللى فات

[عاشق_البادجى]

شكرا لك أنا قرأت الموضوع وبجد فادنى يا bonsho

[bonsho]

شكرا لك أنا قرأت الموضوع وبجد فادنى يا bonsho

العفو لا شكر على واجب
وان شاء الله تصاحبهم فى وقت قصير جدا

[عاشق_البادجى]

دلوقتى يا bonsho ممكن أعمل الخطوات دى والعصافير فى البلكونة

أصل هم عاملين غزعاج جامد جدا وطول اليوم بيصوصو

[bonsho]

عادى اه مش فيها مشكله انهم فى البلكونه ما انت اللى هاتدخل ايدك للقفص
يعنى مش هاتطلعهم برا القفص فمافيش خوف عليهم نهائى
وعلى فكرة انهم بيصفروا كتير دا معناها انهم ماشاء الله صحتهم كويسه ومبسوطين فى المكان بتاعهم
حاول تطبق الخطوات وانا مجربها مع واحد حتى سنه كبير ونفعت معاه
وبالتوفيق
ولو فى سؤال عندك الاعضاء فى المنتدى مابيتأخروش خالص :)

[عاشق_البادجى]

أنا كان عندى عصفورين كنت فاكرهم عصفور وعصفورة بس هما كانوا عصفورتين
باضوا بيضة وكسروها
وبعدين بدلت عصفورة منهم بدكر وبعدين لسة من يومين باضت وكسروا البضة واكلوها تانى
مع انى ببدل لهم الاكل والمية كل يوم وبحط لهم فيتامين
ايه المشكلة دلوقتى

[عاشق_البادجى]

أنا كان عندى عصفورين كنت فاكرهم عصفور وعصفورة بس هما كانوا عصفورتين
باضوا بيضة وكسروها
وبعدين بدلت عصفورة منهم بدكر وبعدين لسة من يومين باضت وكسروا البضة واكلوها تانى
مع انى ببدل لهم الاكل والمية كل يوم وبحط لهم فيتامين
ايه المشكلة دلوقتى

[bonsho]

كلوا البيضة يبقى يا اما انها كانت بايظة او عندهم نقص كالسيوم
حط لهم بيض بالبقسماط مرتين فى الاسبوع
هات بيضه مسلوقه وافرمها بالقشر بتاعها فى الاداه اللى بيتحط فيها البهرات علشان تطحنها
او انك تقطع البيضه بالشوكه او السكينه وتطحن القشر كويس وتحطه عليها
وتجيب كميه مناسبة من البقسماط المطحون معلقه صغيرة مثلا واخلطها مع البيض
والوجبه دى محفز ومليانه كالسيوم وبروتين
وبأذن الله يبيضوا قريب

[عاشق_البادجى]

هما لسه بيضين بيضة كمان النهاردة
وبردوا أكلوها
أنا قربت أزهق دى المرة الرابعة عايز أفرح بيهم بقا

[bonsho]

يبقى عندهم نقص كالسيوم او الجوز مش عنده خبرة
اشترى لهم عضمه سبيط ( حبار ) وحطها لهم فى القفص
وحط لهم البيض بالبقسماط
واتأكد ان المكان اللى هما فيه هادى يعنى مافيش اى ازعاج
والقفص يكون مرفوع عن الارض متر ونص تقريبا
وطالما انهم بايضين يبقى ماتقعدش تتدخل ايدك فى القفص كتير وماتفتحش عليهم البياضة كتير
وياريت صورة للجوز والمكان اللى انت حاطه فيهم

[عاشق_البادجى]

من عنيا حاضر

[عاشق_البادجى]

المشكة انى مش عارف ارفع صور

[bonsho]

اكتب على جوجل مركز تحميل الصور واختار اى مركز من المراكز اللى هاتطلع لك
اضغط على browse او اختيار صورة واختار الصورة من جهازك
وبعدين اضغط تحميل واستنى لحد ما التحميل يخلص
هايظهر لك كذا رابط اختار الرابط اللى مكتوب جمبه رابط للمنتديات واعمله كوبى
واعمل باست فى مكان كتابه التعليق وعادى اعمل اضف الرد السريع

[عاشق_البادجى]

http://im20.gulfup.com/2012-05-31/1338418529172.jpg

دى احدث صورة ليهم

[عاشق_البادجى]

الله أكبر ، الله أكبر

اتحملت أخيرا

[عاشق_البادجى]

الله أكبر ، الله أكبر

اتحملت أخيرا

[bonsho]

طيب ياريت بقى صورة اوضح للى لونه اصفر ( الانثى ) صورة للعين وصورة للكير بتاعها

[دلوعة جدة]

نصيحه لا تحاول تولفهم وحاول تخليهم ينتجوا عندك ومن انتاجهم وهم لسا صغار يعني لسا ما عدى الشهر ولفه عليك عندي الحمد لله الى حد الان ولفت اكثر من 12 واحد صغار وكلهم عندي في البيت وفي واحد منهم منزله بعض صوره اسمه الزعيم