استفسار عن ببغاء الامزوني

[طبعي هادي]

السلام عليكم انا مشترك جديد وتكفون ياخواني ابي اعرف وش نوعه وكم عمره طبعن انا اشتريته امس وهو اليف ومايعض واحك راسه بس مايطلع القفص ومايتكلم هل هو نوعه مايتكلم ولالاوشكرن وهاذي صورته واذا تقدرون تحددون ذكر ولا انثى وشكرا

وهاذي الصوره
http://im23.gulfup.com/2012-05-28/1338165185431.jpg

[بلاك بيري]

هلا بك اخي الفاضل

بخصوص الطير نقولك الف مبروك عليك نوعه اورنج وينج امازون العمر حول السنتين تقريبا
الطير متكلم ولكنه ليس بالعاده ويحتاج تلقين مستمر
تحديد الجنس ذكر او انثى يحتاج لفحص دي ان ايه

تحياتي

[طبعي هادي]

مشكور اخي بلاك بيري هل يتقن الكلام مع الوقت والا النوع هاذي صعب الكلام وبعدين وش تنصحني بطير هل صحته زينه وبعدين عمره سنتين صعب يتكلم

[*هاوي البادجي*]

هذا نوعه امازون اورينج وينج

من الدرجه السادسه للامازونيات

عمره نفس ما قال اخوي بلاك بيري كبير سنتين

ممكن يتكلم عادي مع تدريبك راح يتكلم

بالتلقين الصحيح

وبخصوص هل هو ذكر او انثى ليس بأمكاننا ان نحدد هذا الشيئ

الا بالتحليل DNA

*فواز*

[kha6ab]

مثل ما افادوك اورنج وينج .. ومايمديك تحدد جنسه الا بـ DNA

وترى مايهم الجنس .. كله واحد [:

هل يتقن الكلام مع الوقت والا النوع هاذي صعب الكلام وبعدين وش تنصحني بطير هل صحته زينه وبعدين عمره سنتين صعب يتكلم

اذا تبي طير يتكلم زين ما انصحك بالاورنج وينج .. خذلك بلوفرنتد افضل .. واذا فلوسك ماتكفي

خذلك واحد بنفسه قيمته .. مثل الكاسكو متكلم باارع ..
لكن اهم شي يكون اليف وعيونه رماديه .. وابتعد من المحجل


وبخصوص الصحه ...اذا الطير خامل ونافش ريشه اغلب الوقت ... يعني فيله شي
وايضاً .. شوف برازهـ "الله يكرمك" ... اذا كان فيله اسهال .. يعني مريض




هذا نوعه امازون اورينج وينج

من الدرجه السادسه للامازونيات

تصحيح* ... من الدرجه الخامسه [:

[rcoood]

افادوك الاخوان وربي يوفقك

[عشقي البلوفرنتد]

اورنج وينج امزون

العمر
2 سنتين
الكلام
ما اتوقع يتكلم
هو نوع متكلم لاكنه كبييييييير وقدرته ضعيفه على الكلام
بالتوفيييييييييييييق

[طبعي هادي]

تنصحوني ابيعه واشري البلوفرينتد طيب وبكم ابيعه الاورنج وكم سعر البلوفريند

[بلاك بيري]

انا انصحك تبيعه وتاخذ بلوفرونتد فهو من اجمل طيور الأمازون والان الأسعار عاليه انصحك تبيع الان وبعدين وقت الأجازة اشتري طير بلوفرونتد بيكون ارخص عليك

موفق

[طبعي هادي]

مشكور اخي انا ابي فرخ واليف وماهو لازم يتكلم انا ادربه بس ابي سعره بضبط وين يبيعونهم الافضل

[بلاك بيري]

بالرياض بسوق الحمام في متوفره والأسعار تتفاوت من 3000 الى 6000 ريال واحيانا اكثر بناءا على كلام وعمر الطير وحجمه وهكذا

[طبعي هادي]

طيب بكم ابيع الببغاء الاورنج كم سعره المعروف بسوق

[بلاك بيري]

ما اظنه يتجاوز 1500 ريال

[طبعي هادي]

السلام عليكم انت ابي اشتري فرخ يلوناب او دبل يلوهيد او بلوفرونتد امزون اهم شي أليف موشرط يتكلم عادي ادربه تكفون ساعدوني المدينه الي انا فيها مايبيعونه ولا حتايعرفون شي عنهن بتفصيل وشكرا

[عاشق بغبغاء كاسكو]

بيــعه وخـذلــك بلــورفرنتد والله انــه احسسسسن من اورنــج

[ٌابوعمر]

اخوي وين موقعك ؟ اذا عندكم مطار سهله جدا تقدر تشتري من اي مدينه ثانيه ويوصلك الطير مع المطار

[طبعي هادي]

هلا شباب ابشركم الببغاء تكلم يقول بابا وينادي اختي الصغيره ندى وش رايكم والله حبيته وهو لعوب واليف بس من كلامكم مادري حسيت انه ماهو زين ومادري يعني مع الوقت مارح يتكلم اكثر مجرد كلام بسيط زش رايكم

[ٌابوعمر]

اخوي لا يهمك كلام الناس اذا الطير عاجبك خلاص خليه عندك واهم شي انه اليييف

[نوني..]

بعض المرات من كلام اللي حولك تكره الطير غصب

زي ماقال اخوي ابو عمر اهم شئ الطير عاجبك ومرتاحين لهـ

ليه تبدلهـ