زهقت من نصب واحتيال أصحاب المحلات ><

[Arashi]

السلام عليكم ورحمة الله وبركاته

مثل ما يقول العنوان...تعبت من النصب والاحيتال..بديت بتربية الدره المطوقه واما يعطوني اياه مريض او لما اشتريه يعطوني معاه اكل ضار ويموت...ولا ننسى البيطري اللي ساهم في قتل أحدهم
شريت كاسكو وروضته وصحته ممتازه وتعلّق فيني...بس يوم غبت عن البيت واحد عندنا صرخ عليه ودخله القفص ومات من الصدمه...والسبب ان صاحب المحل علمني ما أدخله القفص ابدا عشان لايصير متوحش >_>

والحل يعني؟ O.o

الزبده: أبي ببغاء مقاومته زينه ونفسيته زينه...ويتحمل المكيف...ما اقول هواء مباشر في وجهه بس في هالجو مستحيل نخلي غرفه بدون تكييف...لو نقول برودة المكيف 22 درجه مئويه...الا لو ممكن أطلعه الصاله نص يوم ولما جينا نفتح المكيف ادخله مخزن او شي

حاليا في بالي كاسكو لأني احس حجمه كبير ويتحمل...ايش رايكم؟ :(

[وداعك حي]

الله يدلك ع الزين ... وان شاء الله آهل الخبره رآح يدلونك ع الاختيار الزين موفق

[بلاك بيري]

انا معاك في فكره تربيه الكاسكو

[عشقي البلوفرنتد]

تبي طير يقاوم
خذ بلوفرنتد
او
كوكاتو

[mr.luffy]

http://www.2zoo.com/vb/showthread.php?t=271635 اقرا هاي الموضوع ولا تتسرع والله يوفقك في تربية الطيور ^_^

[الهاشم]

اخوي اذا ميزانيتك حلوة
خذ لك بلوفرونتد فرخ بيعجبك مقاومتها افضل من الكاسكو ولعوب

[Arashi]

^^^
يتحمل المكان البارد؟ @@

[الهاشم]

مدري صراحة لاني مو عايش بالسعودية حاليا
بس انا شريته ايام الثلج عندنا بس طبعا الشقة كانت دافية
و ع العموم انت تفكر بكاسكو والبلوفرونتد مناعته اقوى من الكاسكو
وانت جرب ذي المرة شي جديد غير الكاسكو ^_^

[faso0oo0ly]

الدره تتحمل الاجواء الحاره ومناعتها قويه

لكن لا تاخذ الا صيد واهتم بصحتها وولفها تطلع توب

طبعا الولافه بتكون اقل من الانتاج الهولندي او المحلي لانها صيد

بس بتكون صحتها فلللللللل

[Arashi]

و ع العموم انت تفكر بكاسكو والبلوفرونتد مناعته اقوى من الكاسكو

دخل مزاجي البلوفرونتد بس ان شاء الله سعره مناسب...احنا الكاسكو الخريص عندنا 2000 ريال -__-

طبعا الولافه بتكون اقل من الانتاج الهولندي او المحلي لانها صيد

مب مشكله ترويضه لأني روضت وجوش قبله XD
اهم شي يتحمل المكيف (أقصد من بعيد) وماتتعب نفسيته بسرعه

اليوم رايحه المحل باذن الله واخذ فكره...يعطيكم العافيه ^^

[بلاك بيري]

فعلا الامازونيات بشكل عام شيء ممتاز جدا ومريح بالتربيه

[Arashi]

قريت من شوي عن البلوفرونت والكل يمدحه وقوته لظروف المكيفات والشمس وكل شي...عجبني...بس مادري اذا بحصل ولا لا...الله يكتب لي اللي فيه خير ^^

[faso0oo0ly]

الله يكتب لنا اللي فيه الخير جميعا

والبامزوني ممتع وجريئ ويحب اللعب

[نوني..]

حسب خبرتي اقوى الببغاوات مناعهـ المكآو والدرهـ ماشاءالله بارك الله

بس المكآو اسعارهـ فوق

يجي بعدهآ الامزونيات

واخرهآ الكاسكو

بالتوفيق

[Arashi]

سألت عن المكاو ووشعره 14000...وحجمه وايد كبير @@"
البلوفرونتد مايجيبون نوع زين عندنا...قالوا لي انهم درجات مع الاسف
الدره حلو جربت أربيه وافكر اعيد التجربه يوما ما
الكاسكو...توني راجعه وفي يدي واحد عمره 6 شهور...هالمره مب مزودتها دلع وياه عشان لايصير دلوع ويموت >_>

[محبه القلوب]

اخوي انت تقول عندكم كاسكو ب2000 ريال وااااااااااو غالي حيييل ممكن اذا كان مدرب قصدك صح؟؟؟

[الهاشم]

اخوي البلوفرونتد درجات
بس مرتبة حسب الشكل وتوزع الالوان لااكثر يعنها كلها نفس المواصفات
بس يلا الكاسكو ما عليه كلام بعد ^_^

[ٌابوعمر]

ترا مافيه طير يتحمل البرد خليه بمحيط درت حرارته من 27 الي 32 لا اكثر ولا اقل والف مبروك واهتمي بل كاسكو تراه جدددددددددددددددددددددا ممتع

[اصطيف]

انا مع اجابة ابو عمر وباقي الأعضاء

فعلاً ما في ببغاء يتحمل المكيف ولا في ببغاء يتحمل حرارة الشمس مستحيل

الحرص والأهتمام ومتابعة الببغاء

من بداية المرض لمعالجت المرض من البدايه وحماية الببغاء من تطور المرض والوصول

لمراحل متقدمه يصعب على الهاوي علاجها او حتي الطبيب البيطري .

وبنهايه هذا حيوان لا حولا له ولا قوة وهو بنهاية مسلم مصيره لراعيه .

[ابوفزاع]

اهم شي لاتنقل الطير من غرفه بارده ( مكيفه ) الى غرفه حارّه فجأه

حنّا يالبشر نتأثر فما بالك بطير


الكاسكو ممتع ونطقه للكلام بالنسبه لي افضل من الامازونيات ولاعنده ازعاج كالامازوني

[ٌابوعمر]

^^
عنده صفرات حاده تشق طبلات الاذن وتزعج اكثر من الامزونيات هاذا رايي مع احترامي لري غيري

[ابوفزاع]

^
^
بالعكس اخوي رأيك واحترمه

قد يزعجك التصفير ولا يزعجك الزعيق

وقد يكون العكس عند الغير

بالنهايه الببغاء طائر ينحب وتقع في عشقه غصب

[ٌابوعمر]

^^
صحيح كلامك الله يرزقني بطير يزعجني ليل نهار هههههههه

[ابوفزاع]

والله ان قلبي يرفرف ابي اجيب كاسكو

ادمان كاسكو من 1418

آخر طير بعته قبل يجي النونو

بس خل يكبر آخر العنقود وجاي جاااااااي باذن الله

ياخي تحس انك مخاوي واحد

[ٌابوعمر]

يارجال ملح البيت طير يسليكم ويعمر معكم ويكبر معكم تحبونه ويحبكم