نصايحكم يا شباب

[كويتي777]

السلام عليكم

اخواني الاعضاء الله يعطيكم العافيه علي جهودكم الطيبه في المنتدي

ندخل في الموضوع

طبعا قبل فتره اخذتلي فرخ مكاو بعد ما استشرت الاعضاء وعطوني ايجابيات وسلبيات هالنوع واخذتلي طير والحيت تعلقت فيه صراحة معنه تربيته جدا صعبه ومتعبه

اولا من ناحية الوصخ اعزكم الله بيوضخ كثير ومن ناحيه الاهتمام والاكل وساعات ارجع البييت بس علشان اوكله

المهم الحين احس شوي ماقمت العب معاه مثل قبل واحسه يبي احد يلعب وياه وعنه حاطله العاب وكل شي

الزبده الحين قاعد افكر اخذ له اخو نفس عمره فرخه عمره حول 7 شهور

المهم الي افكر فيه انه واحد وماشاء الله عليه متعبني فمابالكم اثنين بس فكرت فيه من ناحية انهم بسلون بعد وبيلعبون مع بعض

فهل تتوقعون هالشي بكون ايجابي ول القديم بغار وبطق الجديد يعني هل تنصحوني اجيبله اخو يسليه

خصوصا اني لم احطه قدام المنظره احسه يستانس ويبي يلعب مع صورته ويقعد بالساعات يطالع نفسه ويحاول يمسك نفسه الي عو الطير الثاني في نظره

رايكم يهمني وشكرا

[عشقي البلوفرنتد]

مممممممم
والله تقدر
بس مو لازم (مو مجبور تجيبله واحد)
الافضل انك انت تلعب معه وتجلس معه
وطلعه عند المرايه بس انتبه لا تجرحه
وعنده العاب
يتسلى فيها
وكل شي متوفر
وما انصحك تجيب طير ثاني
لانك راح تبيع واحد
(بيتعبونك ويطفشونك)
تحياتي،،عشقي البلوفرنتد

[بلاك بيري]

ووالله انا انصحك انك تبقى مع طيرك ومافي داعي لطير اخر خصوصا انه احنا ما نقدر نعرف الجنس لكن لو تأكدت ان طيرك ذكر وبتجيبله انثى تسليه مافي مشكله

موفق

[*هاوي البادجي*]

اثنين والله تعب عليك انت شخصيا

اذا عندك القدره اشتر

واذا ماعندك القدره

اشتر له العاب ومرايات للطيور

انت بالكويت كلمني خاص واعطيك عنوان محل بو محمد في كل شي خاص بالطيور
بس ما يسير احطه بالرد

وبالاول والاخير القرار يرجع لك

*فواز*

[ٌابوعمر]

اخوي اذا بيقل اهتمامك بل مكاووو بذات اننصحك تبيعه لو هو طير غير المكاو ماعندك مشكله

[الفليح]

اذا فكرت في البيع عطني خبر :P

[كويتي777]

الله يعطيكم العافيه جميعا مشكورين علي الردود وعساكم علي القوة
بخصوص التربيه مجرب وعارف والله بس فكرت فيها من ناحية انه دام منظف منظف حق واحد وطابخ طابخ الاكل فماراح تفرق وايد واحد ةل اثنين قلت عشان يونسون بعض لان الي افكر فيه انه هالحيوانات كله بشكل عام نخلقت واهي متعوده تعيش مع بعض في جماعات وخصوصا المكاو اجتماعي مع بني جنسه فيكسر خاطري احس اني ظالمه بهالشي ولم احطه جام المنظره يستانس فمادري والله محتار

وبخصوص اخوي هاوي البادجي مشكور ياخوي باخذ منك الرقم بالخاص معني حاطله العاب وكل شي بس خنشوف محل بومحمد ماورانا شي

عموما مشكورين جميعا نورتو الموضوع

وبخصوص الي يسئل عن البيع اسف والله موللبيع تعلقت فيه
بس اذا تبي في واحد يايب له دفعه وعنده ياخور بالهجن وقاعد يبيع علي ٣٧٠ فروخ ينعسون

اذا تبي وقمه قولي ادزلك ياه بالخاص ويمكن مو اكيد اليوم اخذ منه واحد فاذا جاد وتبي اواعدك ونروح مع بعض

شكرا لكم حبايبي

[ٌابوعمر]

^^
نصيحه بسييييطه اذا بتشتري ثاني لا تحطهم بنفس الغرفه الا بعد شهر ممكن الجديد يكون مريض وينقل للقديم وان شاء الله مايكون فيه شي بس الاحتياط واجب

[كويتي777]

عدل كلامك وهالشي حاطه فبالي
خصوصا انه الي يبيعهم كان يايب مجموعه فوق العشره وكانو كلهم في قفص واحد

عساك علي القوة وترا متردد مو اكيد اخذ بساخير وباذن الله خير

ومشكور ياخوي بوعمر ويزاك الله خير

[نوني..]

توكل وخذ ثاني بس :D لوكنت مكانك بجيب عشرهـ منهم

المكآوببغاء اجتماعي وبيفرح كثير فيه زميله لي عندهآ ماشاءالله اثنين ويحبوآ بعض كثير

واذا افصلتهم عن بعض قام يصارخ واحد منهم =)

لحظهـ لحظهـ اللي جايب دفعهـ يعني يبيعهم الوحد 4440 بالريال السعودي؟؟

[كويتي777]

سمعت نصيحتج بالاول عن شراء المكاو واصبتي وبإذن هالمره بعد بتصيب نصيحتج اني اخذلي واحد ثاني ادري تعل بس يونسون بعض وباخذلي واحد في الايام القادمه إن شاء الله

مادري كم بالظبط بس تقريبا 1300 ريال 100

يعني تقريبا حول ال 4500 ريال سعودي

زين وا غالي وترا فروخ ينغرون اعمارهم 5 شهور وربوه طبعا

[نوني..]

بإذن الله تسلم والله

لا مو غالي بالعكس مناسب على مكآو لانو هنآ عندنآ غالي يمكن هذا ارخص سعر للمكآو

[ٌابوعمر]

هنا سعر المكاو بل مواصفات الي ذكرتها انت مو اقل من 5500 وزين ان حصلت

[none!!!]

اذا تقدر على التنظيف خذ ليش لا

انا هم افكر اخذ له مكاو ثاني يتسلون مع بعض

[ٌابوعمر]

انا لو مكانكم وعندي امكانيه والله اخذ مو واحد ولا اثنين اخذ 5 ولا 6 وكل واحد نوع عشان يكون كل واحد فيه شي يميزه

[كويتي777]

جزاكم الله خير كلكم
واخوي بوعمر شايفلي المكاو النادر الي يكون امه بلو اند قولد وامه يكارلت جم يسوا ؟