لاجديد هولندي مات

[rashd33]

السلام عليكم*
اليوم فقدت احدى طيوري وهو من نوع كاسكو هولندي بعمر 7 اشهر بمرض السالمونيا واعتقد ايضا بتشخيص غير جيد*
حالة الطير كانت خمول بسيط وقله في الاكل*
ايضا بسيطه المهم استشرت عن افضل عياده قالو لي عيادة الخليج بسوق العزيزيه رحت اعطاني خمس ابر مادري ايش حط فيها وعلبه زرقاء احط منها قطاره في المويه والابر كل يوم ابره مع السيرلاك*
في شي استغربت منه بعد ماحطيت الابره واكلت الطير بعدها بخمس ساعات اصبح للطير رائحه كريهه جدا جدا ووقف عن الاكل والشرب تماما واصبحت فضلات الطير تتعلق في فتحة الاخراج ولاتنزل ( اكرمكم الله )*
لم يكمل يومه الطير الا وحصل له شلل تام*
وبعد اقل من النص ساعه مات*
انا اعرف ان طيري قبل العياده كانت حالته اقل من كذا وكان يطير خمول بسيط وقله في الاكل بسيطه واعرف ان هذا الشي مايسبب الموت بهالشكل الا بقدرة الله*
احد الاخوان قال اعتقد الطير فيه تسمم وممكن يكون البيطري غير جيد*
هولندي اخر ينظم الى دفعة الهولنديات المشهوره بالموت*
مهما كان المرض هل تعتقدون ان الهواء سينقله لباقي طيوري مع العلم ان الطير كان في غرفه تبعد عن مكان الطيور 10 امتار*
شاكر ومقدر لكم*

[بلاك بيري]

لا حول ولا قوة الا بالله

ربي يعوضك بأحسن منه عاجلا غير اجل

قدر الله وما شاء فعل وانا لله وانا اليه راجعون

[محمد بن فهد]

الله يعوض باحسن منه

[عنيزاوي999]

الله يخلف عليك باحسن منه
وهذي عادة الهولندي
لكن غير الافريقي لاتجني ولا امازوني

[*هاوي البادجي*]

الهولندي

مشكلته مرض السالمونيا

على العموم الله يعوضك باحسن منة

*فواز*

[ٌابوعمر]

العياده غير جيده ابببدا الله يقلعه ماودي اتكلم فيه واحش بس لهم ماضي معي راح جوز روز كامل بسبب غباوة الدكتور واضن انه سباك بس عجبته الششغله ما قول الا حسبي الله ونعم الوكيل على الي كان السبب

[::@عـشـقـي الكـاسـكـو@::]

ما لقيت الا عياده الخليج

عياده الخليج ما ذبحو طير

الا ذبحو ناقه قيمتها 34 الف ريال

والله يعوضنا ويعوضك

[عاشق@الكاسكو]

الله يعوضك خير وهذا مقدر ومكتوب
ولا تنسى قول:-
(( اللهم اجرني في مصيبتي واخلف لي خيرا منها))

[عشقي البلوفرنتد]

ان لله وان اليه لراجعون

قدر الله وما شاء فعل
كثير ناس راحت طيور عليهم مو طير واحد
وطيرك هولندي
مو دبل يلوهد
لا تقول ياليتني وياليتني
قول::قدر الله و ما شاء فعل
تحياتي،،عشقي البلوفرنتد

[ٌابوعمر]

^^
لانك ماتدري كيف قتلهم !!!! اول شي كان بيعطيهم ابره بعيونهم !!!!!!!!!!!!!!!!! وانا كنت ماعرف شي
بس قلت له بتفقع عيونهم لا تعطيهم ابر قالي لازم ولا بيموتون قام وعطاهم بصدر وانا بطريق للبيت ماتو وكل الي فيهم كان مجرد عطاس !!! يعني اصلا حالتهم عاديه بس وش نسوي جاهل

[ابوفزاع]

^
^

ابره بالعين




عموما اتوقع المصل اللي حطه بالابره منتهي تاريخه والعلم عند الله


والهولنديات ماعمري ولافكرت اشتريها

مشاكلها كثيره


الله يعوضك خير

[ٌابوعمر]

^^
يب يب على العييييييييييييييييييييييييييين اقسم بالله اني مانسيتها للحين وللحين ودي اروح اجلده طيوري الحبيبه يمكن لها عندي 3 سنين قتلهم الي مايخاف الله

اجل ماربيت احلى طييييررررررررررر ااااااااااااخ يا الهولندي دور لك على واحد عمره كبير شوي يعني 10 شهور كذا وربيه وشوف كيف تربيته ممتعه بقوووووووووه احسن طير تربيه هو الهولندي بس ماينفع وهو فرخ ولا ينفع لواحد توه بادي يربي طيور

[rashd33]

اشكركم على ردودكم والحمدللله على كل حال
بس خلونا نحذر الكل من مراجعة هذي العياده

[الامل]

الحمد لله ع كل حال وربي يعوضك باحسن منه
سبحان الله هالعياده اكثر من مره اروحلها وبكل مره يعطي الدواء اروح للصيدليه اللي جنبها واراجع عن الادويه
وبصراحه الصيدليه فيها دكتور مره رائع وعن تجربه كل مامرض طيري اجيبه له وماشاء الله علاجاته رائعه بس واحد مو كل اللي بالصيدليه وع فكره دايم ينتقد اللي بالعياده
ويقول ادويتهم خرطي ويعطيني ادويه احسن منه

[ٌابوعمر]

معد عندي ثقه باي بيطري مهما كان على العموم الوقايه خير من العلاج يعني مهما كان احرص على صحة طيرك عشان ماتحتاج بيطري ابد

[تشآرلي]

انا ماافكر اروح لأي صيدليه ابداا

الاخوان هنا ماشاء الله عليهم مايقصرون ابدا

الابر ماتنعطى الا لما تشوف طيرك ماعاد فيه معاه فايده او انه فاقد الشهيه شبه كامل

حسب متابعتي هنا بالمنتدى كل الي يقولون ظربنا ابره للطير مات بعدها بااقل من 5 ساعات

من بعدها مافكرت اظرب ابره لطيوري لو اشوفها تموت

-----

اخوي لو انك لجأت للادويه المعروفه بين الاخوان في المنتدى ويستخدموها _ مجربه _

كان ... والله اعلم

لكن ربي يعوضك خير


-----

من شان الطيور الثانيه الي كانت بنفس الغرفه

اتوقع لازم تعطيهم مضاد للحميه فقط لكن يكون المضاد خفيف

والاخوان هنا بيفدونك باانواع المضادات الجيده

[abdailh]

السلام عليكم
اول شي الله يعوضك خير
ثاني شي وهو يا اخوان بصراحة مافي عيادة بيطرية تقدر تقول عنها ممتازة... التشخيص جدا سيء في اغلب العيادات.
وشكرا