طالب خدمتكم ولاتروووودوني

[عبدالعزيز14]

السلام عليكم
أنا بشتري ببغاء كاسكو
ابغاه الليف ويتكلم وعمره صغير يعني عيونه رصاصيه
كم سعره بالسوق تقريباً
وكيف اعرف انه يتكلم
والسؤال الاخير الببغاء الى عمر كم يكون عنده قابلية للتعلم

[بلاك بيري]

ان شاء الله موفق بشرائك اخي الفاضل
بخصوص الطير لابد ان يكون فرخ بعمر اقل من سنه
ويفضل ان يكون اليف
الكلام اما انك تسمعه من الطير او انك تاخذ شرط انه يتكلم في حال ان عنده كلام
بخصوص الأسعار فهي متفاوته بين 1000 وصولا الى 2800 ريال تقريبا وقد تزيد وقد تقل بناءا على الطير وعمره وحجمه وولافته

موفق بكل خير

[::@عـشـقـي الكـاسـكـو@::]

بخصوص القابليه تختلف من طير الى طير

وهي تدوم معه الى ان يموت

[عبدالعزيز14]

مشكوورين حبايبي
ونتظر آراء الاخرين

[فيوزي]

اخوي الي يتكلم من 1700 وانت طالع
زي ما قال
تختلف من طبير لي طيور وتدوم حتى الموت
ومن ناحيه كيف تعرف ههههه
قل لي راعي المحل راح اعطيك فلوسك وراح اخليه عندي اسبوع لو ما اتكلم راح ارجعه
بس يكون راعي الطير شارط الكلام
او تقوله هذا عربون لي الطير احجزه وقله سجل لي صوته وهو يتكلم وشكله وقفصه لان لا يخدعك ويصور لك طير ثاني
3
اما تجلس في المحل وتلاحظ تصفير وكلامه
والباقي على الاخوان والاخوات
تحياتي
ابو سدران

[عشقي البلوفرنتد]

ما قصروا اهل الفزعه والشهامه

[عنيزاوي999]

دامك مبتدا فاحسن لك لاتاخذ لك فرخ وموت عليك
خاصه الهولندي يعني تبي تاخذ خد لك فوق 8 شهور
وشرط صحته ممتازه وجامبو وريشه مرتب واليف حمامه

هذا اذا انت تبي طير تستانس فيه
والتوفيق من الله سبحانه

[عبدالعزيز14]

مشكوورين
اناابيه على عمر 8اشهر - سنة

[aburagad123]

افضل عمر زي ما اتفضلت يكون من الـ 8 اشهر إلى السنه

بالتوفيق اخوي

[bab-32]

انا شفت واحد الان معروض و لكن بالقطيف عمره من خمسة الى سبعة شهور و اليييف حده و يقول بابا و فطوم و خربطة كلام و يصفر و يركب ع اليد ب2200-2300 اذا تبيه كلمني عالخاص ..

[عبدالعزيز14]

والله كنت بالشرقية اليوم
ومع عطلة الطلاب رجعت للرياض وعودتي للشرقية بعد العيد
فيه امكانية توصيل للرياض ياليت
وراجع الخاص