مابي ببغائي يموت ساعدوني )":

[مجنونتك]

انا كتبت موضوع عنه لكن الحين زادت الاعراض اللي فيه ><بالبدايه هو كاسكو عمره بالضبط مدري لكن ماكمل سنه عيونه سودا وحواليها رمادي مو ابيض !


اول شي طلعت له زي التضخم بالقصبه الهوائي !! شي زي الكوره برقبته وعظم وديته البيطري قال التهاب بالتنفس ومدري وشو كله بسبب تغيير الجو فتضخمت عنده القصبه )":


عطاني بودره اسمها ان او في قات + وفيتامين اسمه vimekat


اخلطهم مع بعض لمدة عشر ايام
المهم انو اليوم ثالث يوم يمر من فترة العلاج
حسيت فيه خمول وكسل صح لما اطلع برا الشبك يتمشى بالبيت ويروح بس بالشبك هادي مرره ولا يصفر زي اول ابد واغلب الوقت نايم ويرفع رجل وحده ويحط راسه احيانا ورا جناحه وينام وينتفض )":
مع العلم اني مغطيته بالشبك ومدفيته المهم انو هو مااكل من امس كلمت البطري قالي عطيه سيريلاك بالارز مع شوووي من البودره اللي عطاني ومويه واوكله بالابره فعلا عطيته واكل بنفس مفتوحه ماشاءالله يعني واضح انه جوعان بس ماياكل حب شمسي >< وخشمه احسه مسدود لما اشيله احسه بصوت بخشمه لكن مافيه اي سيلان ! وقريت بالنت انو علاج الاسهال موية رز + شاهي !! فسويت له وعطيته
بعدها جلس بطنه ينتفض كانه مغص وبعدين طلع براز وانتو بكرامه كانو شي نظف له بطنه وطلعه ><
بعدها بدا يسهل كل شوي )": بيجيه جفاف وش اسوي حتى لما المس عظمة صدره احسها بارزه !!
وهذي صورة لبرازه وانتو بكرامه




http://shy22.com/upfiljpg/e0b43160.jpg

[فيوزي]

اختي قصدك الحبه الي تحت النقار

[مجنونتك]

لا بنص الرقبه تقريبا

[مجنونتك]

قبل اسبوع تقريبا لقيت حمامه طايحه بالحوش دخلتها لانها ماتطير حطيت لها اكل ومويه ولا تاكل ونحيفه مررررره
وفمها ريحه مره شينه وحوالين فمها وصخ خفت اطلعها ياكلونها القطاوه
حطيتها بكرتون وبمكان بعيد على اساس بكرا بوديها اشوف اذا يعالجونها ويطيرونها
الا ماتت الفجر !! الببغاء ماجمعته معها ابداا وبعيد عنها وطلعتها فوق والببغاء تحت !!
تتوقعون عادته بمرض !!

[فيوزي]

يعني لا يوجد انتفاخ تحت المنقار
طيب لا تستني وصليه بيطري لان حالته تعبانه افضل
شوفي بيطري جيد في الرياض
الله يشفيه يارب
تحياتي
ابو سدران

[بلاك بيري]

اخاف تكون الحمامه فيها كنكر وهو مرض تجبن الطيور

[بلاك بيري]

عموما الطير واضح انه برازه غير متماسك هل هو غر ؟
كم له تعبان ؟
هل يجد صوره للطير ؟
كيف شهيته ؟

[فيوزي]

اخوي بيبي
الطير حالته تعبانه لان خامل واسهاله وانت والجميع بكرامه
توصله بيطري افضل لها
دلها على بيطري عندكم في الرياض

[مجنونتك]

اخاف تكون الحمامه فيها كنكر وهو مرض تجبن الطيور

قريت بشكل سريع عنه تو
هي لما فتحت فمها << لابسه قلافس طبعا
الا فيه زي السائل مخاطي مقفل الحق ><


طيب هذا يعدي الببغاء :(:(:(:(


واوكي عطوني عياده ممتازه ومن بكرا اروح بس مايصير له شي )":

[بلاك بيري]

كلامك سليم بس انا مالي خبرة بالبياطرة لأني اعتمد على نفسي بالعلاج مدري ان كان احد من الأخوان يعرف بيطري مزيون يا ليت يوصف اختنا على الخاص بارك الله بأعماركم جميعا

[مجنونتك]

عموما الطير واضح انه برازه غير متماسك هل هو غر ؟
كم له تعبان ؟
هل يجد صوره للطير ؟
كيف شهيته ؟




الاسهال من اسبوعين بس كان عادي مو مثل الحين بزياده وعالجته لمده اسبوع وخف
وش يعني غر !!
الحين اصوره وانزلها
وشهيته ماياكل حب من امس ولا كان ياكل تمام
واليوم السيريلاك كلاه ماشاءالله بنفس مفتوحه

[فيوزي]

او اوصف لها علاج

[بلاك بيري]

مثل ما توقعت كنكر المسبب له ترايكومناس وهو ميكروب مشهور ومعدي ايضا

يفيدونك الأخوان ان شاء الله بالعياده الأنسب

[بلاك بيري]

عموما بأنتظار الصور ودام الطير اكل السيريلاك ادعميه لا تخليه بدون اكل ابدا

[مجنونتك]

صوره

http://shy22.com/upfiljpg/jrk45055.jpg


http://shy22.com/upfiljpg/oum45055.jpg




http://shy22.com/upfiljpg/7bo45055.jpg






http://shy22.com/upfiljpg/oe145055.jpg






http://shy22.com/upfiljpg/r0745055.jpg

[مجنونتك]

الكنكر يسبب له انتفاخ بوسط البلعوم !! بحيث لما المس رقبته من قدام القى عظم بارز على شكل دائره !!وطيب وكيف اعالجه !

[للعشق مذاهب]

اولا انا ماني طبيب بس حقول الي صار معاي يمكن يفيدك
انا كان الطير الله يعزكم بنفس صوره هلبراز قلي الدكتور
عنده نقص في فيتامين أ لان مااعطيه اي خضروات او فواكه
بس البزر الاسود وساعات فول سوداني
اعطاه ابره واعطاني محلول احطه في المويه وانظف القفص اول بأول ونصيحه
لاتحطي نايلون لان النايلون يخلي البراز على حالته سايل وي يجيه مكروبات
جيبي ورق التصوير ايه 4 انا بستخدمه ونضافه يوميه
قلي اكله فول سوداني جرجير كرفس
واعطاني وصفه اعملها له بس بصراحه طيري ماناسبته غير شويه لاكن حرجع اعملها واتمنى من الاخوان
قرائتها ولو مفيده يخبرنا عنها
المكونات علبه حليب خالي الدسم ابوريال+ملعقه زبده غير مملحه+بيضتين+2 توست اسمر+ملعقه عسل
نجيب المقلايه ونحط الزبده والحليب لين يجي يفور نكسر البيض بالقشر الي قطع صغيره لين يستوي نحط التوست بعد مانقطعه صغير وقبل لا يبرد نحط ملعقه العسل
الخليط يومين بالثلاجه انا راح اكررها ان شاء الله
وبالنسبه للاسهال انا اعطيته نقطتين زيت زيتون فلسطيني اصلي يقولو لو في بطنه دود او العياذ بالله اي بكتريا يموتها وحطيت كم نقطه ليمون في المويه تبعته
اتمنى اكون ان قدمت شي مفيد لكم بخبرتي البسيطه

[أحبك شيراز]

السلام عليكم ورحمة الله وبركاته

أخوي الدكتور علاء

أنا بوصفلك الحاله اللي صارت لها بالضبط

أولا هاذي أنثى صغيره ( فرخ )

اللي صار واللي شفته من الصور اللي حطتها الأخت مجنونتك

وهي كالتالي

أولا / المواجهه لتايارات هوائيه مباشره

ثانيا / لم تنتبه للمكيفات ويعني ذلك بأنها لم تلاحظ لدرجة الحراره والبروده للطائر
والمعروف عن الكاسكو هو إنه شديد الحساسيه ولا يتحمل أي عوامل خارجيه ومناعته قليله جدا

ثالثا / اسهاله الغزير مع عدم أستطاعته للأكل مما يدل بأن إصابته بعده أمراض بنفس الوقت

رابعا / عندما نلاحظ في أسفل المنقار نلاحظ وجود آثار مخاطيه ناشفه
وهذا يدل على أنها لم تلاحظه من البدايه وللطائر فتره تجاوزت الشهر وهو مصاب بالرشح الزكام ومغص البطن


والان أترك لك يا دكتور العلاج
كما أتمنى تدخل آنآستآزيآ بالسرعه الفائقه والتي تعودناها منكم

تقبلوا مروري

أخوكم :- آ لــرعــــد

[بلاك بيري]

والله انصحك بأنك تراجعي بيطري يكزن افضل الطير واضح انه متعب

[مجنونتك]

السلام عليكم ورحمة الله وبركاته

أخوي الدكتور علاء

أنا بوصفلك الحاله اللي صارت لها بالضبط

أولا هاذي أنثى صغيره ( فرخ )

اللي صار واللي شفته من الصور اللي حطتها الأخت مجنونتك

وهي كالتالي

أولا / المواجهه لتايارات هوائيه مباشره

ثانيا / لم تنتبه للمكيفات ويعني ذلك بأنها لم تلاحظ لدرجة الحراره والبروده للطائر
والمعروف عن الكاسكو هو إنه شديد الحساسيه ولا يتحمل أي عوامل خارجيه ومناعته قليله جدا

ثالثا / اسهاله الغزير مع عدم أستطاعته للأكل مما يدل بأن إصابته بعده أمراض بنفس الوقت

رابعا / عندما نلاحظ في أسفل المنقار نلاحظ وجود آثار مخاطيه ناشفه
وهذا يدل على أنها لم تلاحظه من البدايه وللطائر فتره تجاوزت الشهر وهو مصاب بالرشح الزكام ومغص البطن


والان أترك لك يا دكتور العلاج
كما أتمنى تدخل آنآستآزيآ بالسرعه الفائقه والتي تعودناها منكم

تقبلوا مروري

أخوكم :- آ لــرعــــد






مو اثار مخاط ! اثار سيريلاك توه ماكل ><وبخصوص المكيف انا فعلا حاطته بغرفه فيها تكييف بس التيار ابدا مو مواجه له
وانا لما اكون بمكانه احس بالجو مره معتددل بعس لما اكون مقابل التكييف ودرجة الحراره اخليها 26 تقريبا !!
واللي سبب له المرض لانو طلعت وخذيته معي لاني ماراح اكون في البيت والمكان اللي فيه تغير عليه الجو لانه شوي دافي

[مجنونتك]

وان شاء الله الصباح اليوم بوديه للبيطري بس ابي افضل بيطري بالرياض
وياليت ترسلون لي العياده او البطري بالاسم
على الخاص انتظركم


وفعلا واضح انه كنكر لان الحمامه لما كنت امسكها كانت تفتح فمها وتصرخ بدون صوت !


الحين الببغاء قربت يدي له من راسه وجناحه احارشه ابي اشوف صوته
الا يصرخ بدون صوت وبعدين صرخ صرخه بصوت وبعدها وقف ونزل راسه يبيني امسح راسه ><


الله يشفيه ويخليه لي دعواااتكم )":

[بلاك بيري]

وان شاء الله الصباح اليوم بوديه للبيطري بس ابي افضل بيطري بالرياض
وياليت ترسلون لي العياده او البطري بالاسم
على الخاص انتظركم


وفعلا واضح انه كنكر لان الحمامه لما كنت امسكها كانت تفتح فمها وتصرخ بدون صوت !


الحين الببغاء قربت يدي له من راسه وجناحه احارشه ابي اشوف صوته
الا يصرخ بدون صوت وبعدين صرخ صرخه بصوت وبعدها وقف ونزل راسه يبيني امسح راسه ><


الله يشفيه ويخليه لي دعواااتكم )":

الله يشفيه لك وان شاء الله بتوصلك الرسايل لا تقلقي

[أحبك شيراز]

وان شاء الله الصباح اليوم بوديه للبيطري بس ابي افضل بيطري بالرياض
وياليت ترسلون لي العياده او البطري بالاسم
على الخاص انتظركم


وفعلا واضح انه كنكر لان الحمامه لما كنت امسكها كانت تفتح فمها وتصرخ بدون صوت !


الحين الببغاء قربت يدي له من راسه وجناحه احارشه ابي اشوف صوته
الا يصرخ بدون صوت وبعدين صرخ صرخه بصوت وبعدها وقف ونزل راسه يبيني امسح راسه ><


الله يشفيه ويخليه لي دعواااتكم )":


إن شاء الله لأن مافيه حل ثآني

وبالنسبه للآثار المخاطيه اللي كنت أقولها فمآرآح تعرفينها أو تلاحظينها لأنك مآرآح تعرفين بالضبط ماهو المقصود بها وهذا اللي محيرنا كلنا وعدم قدرتنا للتصرف والنصح الصحيح

والصوت وهاذي الأشياء عوآرص لألم شديد وعدم إستطاعته لإخرآج أي صوت

وبما إنه يحآول يخليك تمسحين عليه فهذا يؤكد على ألمه وإحتياجه لوجودك بالقرب منه

ووين تودينه فيه مكآن أسمه **** أنا أتعامل معه وأطلع للرياض دائما لثقتي به مع أن سعره مرتفع قليلا ولكن لديهم خبراء جيدون


تقبلي مروري

أخوك آ لــرعــــد

[بلاك بيري]

طيب اختي فم الببغاء الي عندك فيه من الداخل ابيض مثل الجبن

العضه او الأنتفاخ الي انتي تقولي عليه اخاف تكون بس بسبب ضعف الطير او انك تحسي الحوصله

[مجنونتك]

مشكورررين كلكم وديته قبل شوي لعيادة الرياض البيطريه بمخرج ٩
كشف عليه وقال ان عنده التهاب وفيه فايروس ببرضو ويحتاج ابرر
عطاه ابرتين وقالي تعالي لمدة ثلاث ايام اعطيه ابره وحده يعني كل يوم ابره
وقالي نوعي له بالاكل مو زين الحب الشمسي لحاله
وقال عطيه تفاح وخس وفواكه
قلت له عن البودره اللي بالمويه قال لا مو كويسه هالبودره لحالته بالعكس انها بتضعفه
ووصاني ابعده عن اي تيار هوائي )":
وان شاء الله يارب يشفى ><

[ProOoF]

طيرك مصفوق ولحقه مرض الخف من الحمامه

هذا بكل اختصار بأذن الله أزمه وتعدي

.........
بالشفاء يارب

[مجنونتك]

طيب الابر ماتضره وهو بهالسن !!لانو عمره حول 10 شهور

[ProOoF]

طيب الابر ماتضره وهو بهالسن !!لانو عمره حول 10 شهور

إذا بطريقه صحيحه وبكمية معقوله ماعليه خوف

بعيد عن الماده المحقون بها - إذا تجاوز 24 ساعه من بعد الأبره يعني مافيه ضرر

مما يعني بأذن الله ستلاحظ تحسن - بالشفاء يارب

[2fiq.200]

انا سارمعي نفس الموضوع في الكاسكو وديته لطبيب وهو علا وشك الموت وطلع عنده خراج في الحلق وسواعمليه والحمدلله والشكر صار احسن من اول واليف اكثر عمومن الطبيب في كيلو ارباطعش جده علا نفس الشارالعام ونت جاي من الشمال طريق السريع اذا نزلت الكبري حق كيلو 14 روح علا طول تلاقي المحل علا اليسار الشارع الثاني ولو توهت اسئل اي احد يدلك وما يشوف شر اعتذر من المنتدى لو اخليت بشي من النضام طبيب سوداني

[مجنونتك]

المشكله انو مو خراج اللي فيه لان التضخم جاي بنص الرقبه ومره قاسي عظم يعني واضح انو متضخم ><
المهم الحين مااكل الا تفاح وشي خفيف وعطيته كورن فليكس مطحون + مويه دافيه بالابره وكلا الحمدلله
الحب الشمسي مايبيه خير شررر ><
واخاف الكورن فليكس يضره كثرته !! وش اعطيه ؟؟ لانو الفواكه قريت ان كثرتها تسبب له اسهال وهو عنده اسهال وقوي مره يعني يبي لي شي يوقفه )":


افكر اشتري له كرتون الحبوب الجاهزه من السوبرماركت اللي تجي منوعه
يمكن ياكلها تتوقعون مفيده له وايش افضل شركه


والف شكر لكم كلكم استفدت كثيرررر منكم )":

[مجنونتك]

إذا بطريقه صحيحه وبكمية معقوله ماعليه خوف

بعيد عن الماده المحقون بها - إذا تجاوز 24 ساعه من بعد الأبره يعني مافيه ضرر

مما يعني بأذن الله ستلاحظ تحسن - بالشفاء يارب




نقول ان شاء الله انها صحيحه )":
لان العياده مستواها على الرياض تعتبر الافضل من خلال بحثي الكل يمدحها
صح صفقوني بالسعر بس المهم يطيب )":

[صوغة]

اللهم آآآآآمين

[أحبك شيراز]

السلام عليكم ورحمة الله وبركاته

يعني مثل ما كانت توقعاتي لما شفت الصور في المرة الأولى

تجمعت عليه

تيارات هوايئه متنوعه + رشح + مغص + اسهال

رآح يرفض الأكل مو لأن الأكل مو عاجبه لكن أجلسي جنبه شوية وقت وعندها رآح يحس بأمان ووجود من يهتم فيه ويرعاه وبقربه ورآح يآكل شوي

وفي كل مره تجلسين بجنبه رآح تزيد شهيته ويهدي

وعرفنا الأبره والمحلول إللي بدأخلها ولونها لون الماء الشفاف مع اللون الحليبي وهاذي مضاد حيوي لحالات الرشح وتعسر التنفس

أختنا مجنونتك مآرآح أقولك خليك بجنبه أربعه وعشرين ساعه ولكن عطيه شوية وقت عشان يحس بالامان وياكل لا اقل و لا اكثر

ولو بتلاحظين حالته ستجدين بأنه سيأكل عند وجودك بجانبه حوالي خمس دقايق ولا تحتاجين الى السيريلاك أو غيره ولكن مجرد بقائه أمامك ورؤيتك تكفي بالنسبه له في هذا الوقت الذي يمر به

أتمنى أن أكون قد وقفت في تفسير ماحصل وما يتوجب عليك فيه مثل هاذه الحاله

تقبلي مروري مرة أخري

أخوك :- آ لــرعــــد

[بلاك بيري]

ربي يشفي الطير ويفرحك به ان شاء الله

[بحر الكلام]

سوي لطير خلطه الثوم واليمون واعطيه نص فص ثوم ياكله يفتح له مناسم الخشم ويطرد البكتيريا من بطنه اهم شي انه ياكل غصب عنه لو بالقوه الاكل الي يخليه يقاوم المرض بفضل الله سبحانه وتعالي ولو عندكم علاج السلفاماسين حق اللاسهال افضل العلاجات والله صناعته سوريه مع الفيتامينات واهم شي درجه حراره الغرفه تكون من 20 الا 25 لانا الطير فرخ وصغير حيل باذن الله اذا عدي العمر 8 شهور تقوي مناعته والله يحفظه لكم

[مجنونتك]

اشكر كل شخص تفاعل معي ورد علي

اول شي وديته عياده الرياض البيطريه
وعطوه 4 ابر لمده يومين يعني كل يوم ابرتين


يتحسن ويتعب وثاني يوم حسيته مره تعب ولا اقدر اخليه عندي بالبيت
وديته لهم على اساس اخليه عندهم فندقه وعلاج لكنه رفض فخذيت اسم الابر اللي عطاها اياه
ورحت عيادة الحيوانات المتقدمه وخليته عندهم وعطيتهم اسم الابر على اساس يكون عندهم خبر ويعرفون الابر عشان مايتعارض شي معه ويسبب له شي
جلس ثلاث ايام عندهم وكلمته امس قالي بدا يتحسن خفيف ونفشة الريش راحت ونقول ان شاء الله يخف ولما جا الصبح اليوم كلمني وقال انه مات اليوم :(
عموما خذيت درس انو ماادخل اي حيوان من برا البيت لو هو تعبان !! وبسبة هالحمامه اللي دخلتها مات ببغائي


والحمدلله على كل حال

[carlos bin]

السلام عليكم

اختي تاكدي من ان الظير مات روحي للعياده ... لتاكد انصحك لان حصل معي نفس الشي كلمتهم قلت لا ترميه خليه بجي اخذه ابي احنط الطير لما قلت كذا حسيت انه تلخبط ولما رحت قالي انا اسف الطير الي مات مو طير وخذا طيرك موجود وكلمت صاحب المحل وبلغته بالي حصل

اذا كان كلامه صح الله يعوضك خير يارب

[مجنونتك]

لا انا متاكده انه مات لانه تعبان مره مره مره )":وهو قالي نسبة شفائه مره قليله بنحاول ونشوف ان شاء الله يشفى
واللي بالعياده الثانيه قالي ترا حالته صعبه احتمال كبير انو ماينجو )":


ومشكور )":

[فيوزي]

الله يعوضك بالي افضل واحسن منه
لا تيأسي لي الامام

[carlos bin]

الله يعوضك خير يارب

[j7roob]

الله يعوضك احسن منه

احتسبي اختي اجر الحمامه واجر الببغاء

[Love kasko]

الله يعوضج خير يا اختي الغاليه..

[صوغة]

الله يعوضج

والحمدلله على كل حال
ترا كلنا تقريبا ماتت لنا فروخ كاسكو

افضل حل للحزن اقتنااء طائر جديد

[2fiq.200]

الخمول والكسل بسبب العلاج يسببله استرخاء وهذا طبيعي ولا تحاول تطلعه برالقفص كثير لانه في فترة علاج وخل القفص دائم نضيف

[2fiq.200]

مات الله يعوض عليك وهذي غلطه يوم تخلينه عندهم هم يبيلهم عنايه ويبيلهم نضافه تروحين تعطينهم الطيرالله يعوض عليك

[بلاك بيري]

لا حول ولا قوة الا بالله يؤسفني ما قرئت ربي يعوضك افضل منه ولا تزعلي وهذه هي سنه الحياه

قدر الله وما شاء فعل

[يالبى الكروان]

لا تاكلي فواكه لا خضار وانشاء الله يتحسن