أرجوكم ساعدووووووونى ضرورى

[Basooma92]

انا كان عندى قط عنده سبع شهور وجاله فترة شهر بقى علطول قاعد ومش بياكل زى الاول وبقى هزيل جداً ومعرفناش السبب وتقريبا طلع تسمم لانه كان بيلحس من التراب بس مكنش ظاهر عليه أعراض التسمم ووديته الدكتور البيطرى قاله اعطيه محاليل بالحقن ويومين ورفض الأكل ومات وعندى قطة عندها 3 شهور وقعدت معاه شهر ونص تقريبا ودلوقتى حاسة انها مش بتآكل زى الاول بس عدى كذا اسبوع على موته وكمان بيتهيالى شوفت ديدان ف الإخراج بتاعها وكمان بقالها فترة 5 ايام عندها إسهال واحس انها التهبت ولانه كمان بقالى 3 ايام بحميها بعد الإسهال ده وبحميها بشامبو شعر عادى للإنسان ويقضى معاها وقت اكتر عشان متحسش انها لوحدها بس باردو بتتعب وتخس ممكن تفيدوني للعلم القطة شيرازى واللى مات باردو كان شيرازى:12::12::shy:

[شاهستا]

اهلا بيك

اول حاجه مينفعش تستخدم شامبو لانسان على القطط استخدم شامبو خاص بالقطط

او شامبو جونسون لاطفال غير كدة لا

لازم تعالجها من الديدان هاتجيب من الصيدليه البشريه بنداكس لاطفال وهتديها 2 سم مره فى اليوم

لمدة 3 ايام

والاسهال هتديها 1 سم انتينال لاطفال مره فى اليوم

ومكان الالتهاب هتمسح عليه بقطنه فيها بيتادين

تقدر تاكلها بطاطس مسلوقه مع فراخ مسلوقه او دراى فود

او سيريلاك بالارز او القمح ولازم تاكلها وياريت تشترى مع العلاج بيبى لايت

وتديها منه 5 سم فى اليوم عشان يعوضها عن الجفاف دة

[Basooma92]

أنا فعلا بديها بنداكس بس تالت يوم نسيت اديها عشان كمان حسيت انها بدات تزعل ومتلعبش زى الاول ونايمة أعيد لها الجرعة ولا اديها النهاردة ومش مهم اليوم اللى عدى ومشكورة جداً عالرد وان شاء الله اديها انتينال وممكن اعرف اذا كان موت القط كدة مآثر عليها ولا لا

[باغيرا]

السلام عليكم ورحمة الله وبركاته
الف سلامة على قطك مايشوف شر ان شاء الله
زي ماقالت لك الاخت شاهستا يعطيها العافية
ولكن اضيف عليها ممكن تعطيها فيتامينات
من الصيدلية البيطرية بتوقويها وبتساعدها
ولاتنسى تطمنا عليه

[Basooma92]

مشكور يا باغيرا عالرد وان شاء الله أطمنكو عليها:12::12:

[شاهستا]

ممكن يكون عندها اكتئاب بسبب موت اخوها

حاول تلعب معاها وتجبلها لعب جديده تسليها

ولازم تاكلها غصب عنها والا هتموت ومتحميهاش كل يوم كدة عشان هتتعب اكتر

الاستحمام بيكون مره فى الشهر او مرتين بس

[Basooma92]

أوك يا شاهستا شكرًا عالمعلومات المفيدة ونحاول نجيب لها لعب جديدة وانا اختى دائماً بنلعب معاها بس نفضل جنبها اكتر ان شاء الله

[Basooma92]

معلش أنا مش عرفت لسه أعيد لها الجرعة بتاعة البنداكس ٣ ايام من الاول عشان عديت يوم مدتلهاش ولا عادى خلاص

[شاهستا]

لا عادى كمل ليها الجرعه

وبعد 10 ايام عيد الجرعه من الاول تانى

وبعد كدة هتديها الجرعه كل 3 شهور

[شاهستا]

لا عادى كمل ليها الجرعه

وبعد 10 ايام عيد الجرعه من الاول تانى

وبعد كدة هتديها الجرعه كل 3 شهور

[Basooma92]

شكرًا يا شاهستا على الرد

[Basooma92]

معلش تعبتكو معايا كنت عايزة اسأل عالتطعيم عشان عرفت انه على 3 شهور هل ده صحيح ولا لا ولو المفروض تأخذه ممكن متاخدوش لو كان اكلها كله بيتى ومش بديها دراى فود وهل لازم ف الصيف أحطلها طوق البراغيت عشان ميجيلهاش براغيت وشكرااااا جداً عالاجابات

[azoz12331]

بالنسبه للتطعيم اختي ضروري عشانكم وعشانها في ٣ تطعيمات اساسيه احدها سعار القطط .. والدراي فود برضه يحتوي على فيتامينات متكامله للقط .. وبالنسبه لطوق البراغيث هذي الاعضاء يفيدوكي فيها :)

[Basooma92]

شكرًا عزوز على مرورك

[Basooma92]

ارجوكى شاهستا تبقى تردى عليا عشان عايزة اعرف أجيبلها طوق البراغيت ده ولا لا واجيبه منين أنا من اسكندرية

[باغيرا]

السلام عليكم ورحمة الله وبركاته
اختي الغالية طوق البراغيث من العوامل المساعدة على تقليل البراغيث ومحاربتها
لكنه لوحده مايكفي لازم تكفي بقية المساعدات والخطوات عشان تتخلصي من البراغيث بشكل تام
وتحصليه في اي محل للحيوانات ذو جودة عالية او صيدلية بيطرية او عيادات بيطري

[Basooma92]

طيب إيه هى باقى الطرق اللى تقى من البراغيث الاخرى معلش اصل اول مرة أربى قطط شكرًا باغيرا وكنت عايزة اعرف باردو عن التطعيم هل لازم والعمر إد ايه

[باغيرا]

لا عادي اختي الكريمة
اسئلي قد ماتريدي
هذا واجبنا
اوك بقية العوامل الاخرى الي تساعد على تقليل البراغيث :
1_ قص شعر القطة او التخفيف منه اذا كان طويل وغزير
2_ تحميم القطة اسبوعيا بشابمو فافو او نيزورال او جونسون للاطفال
3_ تمشيط شعر القطة يوميا
4_ حماية الاماكن المحيطة بالقطة من البراغيث يعني العفش الي تنام عليه القطة وسرير القطة واثاثها
5_ تعريض القطة يوميا للشمس ولكن ليست الشمس الساطعة وتكون الفترة بسيطة
6_ وضع البودرة المضادة للبارغيث بعد الاستحمام
7_ وضع طوق البراغيث
وبالالتزام والانتظام بالعلاجات تبدأ تخف البراغيث وتموت
وبخصوص التطعيم افضل عمر للتطعيم ثلاث شهور ونصف او اربع شهور

[Basooma92]

شكرًا ليك عالمعلومات المفيدة

[MAMAMy]

دع للقطط الي عندهم براغيث
لاكن لو عايزة تقي القطة منها
- حميها كل اسبوع
- كل يوم مشطي شعرها بمشط مبلول بماء دافي
- تقعدي القطة في الشمس ساعة يوميا
كل ده مش ضروري طالما القطة معندهاش براغيث
و اعطيها التطعيمات عندما تقدري عادي انا اعطيت قططتي و هما عمرهم شهر و نص
التطعيمات ارضروريه هيه التطعيم الرباعي و السعار

[Basooma92]

شكرًا على الإفادة وانا فعلا بسال عن الوقاية لكن هى مش فيها براغيت الحمد لله وهعطيها التطعيمات ان شاء الله