استفسار عن امزوني

[عشق الامزون]

ممكن احد يقولي اي نوع من الامزونيات هذا
واي درجه
وكم عمره
افيدووووووووووووني مشكورين
http://www.2zoo.com/vb/album.php?albumid=1636&pictureid=14041

[مـحـمـاس الـمـنـحـاس]

ماشاء الله تبارك الله

هذا بلوفرنتد

الدرجه الثالثه من الامزونيات

اما بالنسبه للعمر من الصعب تحديده بهذه الصوره

حاول تصور صوره واضحه لعين الطير يمكن نقدر نفيدك تقريبا

او صوره للحجل والارقام اللي عليه اذا كان الطير محجل

[عشق الامزون]

مشكور اخوي ع الرد السريع
هذا كل اللي قدرت احصل عليه حاليا
كيف اعرف عمره لاني بشوف الطير على الطبيعه
وهل هو نوع جيد لان سعره يقارب 3000 ريال
وهل يمكن يتكلم

[الهاشم]

اخوي البلوفرونتد من افضل انواع الامزونيات واحبها الي والكل ينصح فيه
ويعد الثالث من حيث القدرة على الكلام ومناعته قوية ولعوب وتقدر تقرا مواضيع عنه
واشوف سعره جدا مناسب بس يعتمد ع العمر اذا كان صغير فخذه ولا تتردد ولا بتندم

[aburagad123]

ما شاء الله تبارك الله .. الصفار مغطي كل راسه يعني جاكو ويعتبر الدرجه الاولى في فصيلة البلوفرنتد
إذا كان محجل وأليف .. ولو يشرط كلمه وحده واضحه تكون مهما كان عمره خذه بـ السعر المعروض عليك

[عشق الامزون]

مشكورين وما قصرتو
هو يقول عمر الطير سنه وكان محجل كبس وانفك
وما عنده اي كلمه

[الهاشم]

اذا اليف سعره زين

[عشق الامزون]

يعطيك العافيه

[بلاك بيري]

اضم صوتي لصوت اخوي محماس

[آنآستــآزيآ]

.. ماشــاءاللهـ .. هــذا بلــو فرونتيــد أمــازوون .. الدرجــة الثالثــة مــن بيــن الأمازونيــات فــي الكــلام .. مــن أروع أنــواع الببغــاوات وأحبهــا وأذكاهــا .. ويعتبــر متكلــم ممتــــــاااز ..

.. بخصــووص العمــر يــآريت صــوورة لـ العيــن ..

.. آنآستــآزيآ ..

[عشق الامزون]

هذي صوره للعين
http://www.2zoo.com/vb/picture.php?albumid=1636&pictureid=14049

[saudmf]

حسب خبرتي المتواضعه وحسب افادتك ان الطير كان محجل كبس وانفك ,,
لا لا تاخذ الطير اولاً لانه كبير عمر حسب عينه ,, وفيه معلومه انه كل ماخف الزراق اللي على جبهته كبر عمره ,, ولاعنده كلام معناته من الصعب جدا انه يتكلم في المستقبل ,, واتوقع ان اللي بيبيعك شريطي نصاب لان اغلبهم لما يشوفو واحد جديد يقولون كان محجل وانفك الحجل والا قصيته لانه كان مضايقه ,, وهذا كله كلاااام فاضي ونصب واحتيال ,, اما بخصوص نوع الطائر فهو يعتبر بالنسبه لي من افضل الامازونيات لانه وسيع صدر ولعووووب حيل يعني طير يونسك ويونس اهل بيتك ,, حاول تدور بلوفرنتد محجل حجل اصلي ولو تزيد المبلغ شوي مهيب خسارة فيه وباذن الله بتستمتع فيه ولو حبيت تبيع سعره فيه ,, وللمعلوميه انا عندي اخوه في النوع وضايفه في كرت العائله مع الاولاد,, النوع الجيد من البلوفرنتد سعره مابين 3600 الى 4500طبعاً فرخ لسى ماعنده كلام الا كلمه او كلمتين بالكثير