استفسار بسيط لا تبخلون علي بالرد :)

[azoz12331]

السلام عليكم

صباح الخير علي احلى اعضاء .. ابي استشيركم بموضوع :)

انا عندي كتين انثي عمرها اسبوعين حجمها صغير بالنسبه لاخوانها .. مسكينه اخوانها 4 اجسامهم اكبر وما يعطونها مجال ترضع :(
الان الباقين نايمين اخذتها لحالها لعند امها عشان ترضع :)
تنصحوني ارضعها بالسرنجه ولو مرتين باليوم او استني الباقي يخلصون رضعتهم واقربها من امها ترضع مع العلم اني اغلب اليوم مش موجود بالبيت بسبب عملي اليومين هذي .. وانا ودي اخليها ترضع من امها افضل عشان مناعتها تقوي لانه جسمها طري كثير بالنسبه لاخوانها :)

دمتم بود :)

[باغيرا]

وعليكم السلام ورحمة الله وبركاته
اهلا وسهلا فيك اخي عزووز
صباح النور عليك يا احلى عزووز
طيب لو كانت القطة جدا هزيلة وضعيفة ضروري انت ترضعها بحليب الاطفال خالي من اللاكتوز
يعني وقت ماتفضى مو شرط طيلة اليوم ترضعها لا رضعها وقت ماتفضى وحاول دائما انك تساعدها
على انها ترضع من حلمات امها يعني لو كانو باقي الكيتنز مايرضعون او واحد او اثنين بس الي يرضعو
حطها بالقرب من حلمات امها وراقبها اذا ترضع او لا بس باي شكل من الاشكال لازم ترضع عشان
تتغى وتقوى

[azoz12331]

تسلم فديت عينك ان شاء الله بسوي اللي قلت عليه :) الله يعطيك العافيه :)

[باغيرا]

ربي يسلمك من كل شر
وربي يعافيك ويخليك
جرب هالطريقة وطمنا وقل لنا ايش صار
ولو مازبطت قلنا

[azoz12331]

تسلم .. ان شاء الله على تواصل واطمنكم باذن الله

[azoz12331]

انا جبت حليب اطفال خالي من الاكتوز وقاعد ارضعها بالسيرنج الكيتن الان عمرها اسبوعين وحجمها حجم كتين ما عمره اسبوع اخوانها كلهم فتحوا عيونهم الا هي اكتشفت انه وقت الرضعه الكل يرضع الا هي :(

صارت ترضع بالسيرنج على خفيف امس عطيتها ٢ سم تقريبا مرتين واليوم عطيتها ٣ سم مرتين بس بطنها ما انتفخت بعد الرضاعه قعدت ارضعها لحد ما رفضت السيرنج بحاول اشتري لها رضاعه للكتين ممكن ترضع اكثر :(

واذا فيه نصائح ممكن تنفع في حالتها اكون شاكر وممنون :)

[باغيرا]

طيب اخي الغالي
ربي يعطيك الف عافية ويصبرك وربي يعينك ويقويك
هو الافضل اك ترضعها برضاعة خاصة للكيتنز من محلات الحيوانات او الصيدليات البيطرية
واستمر على رضاعتها ولو عيونها مقفلة مررة اتركها ولكن لو عليها افرازات ضروري تمسحها يوميا بقطنة
مبلولة بماء دافئ ولكن بشكل لطيف عشانها لسا كيتن ولاتحاول انك تفتح عينها بالقووة
ودفيها كويس واستمر على تغذيتها وبرضو لاتعجز عن المحاولة خليها بقرب امها وعند بطن امها
يمكن اذا فتحت عيونها شوي تحاول انها ترضع

[azoz12331]

الله يسمع منك ،،، الله يعطيك العافيه ويسلمك ما قصرت يالغالي :)

[azoz12331]

القطه جاها اسهال مع اني اعطيها حليب اطفال خالي من اللاكتوز وضعها غريب المشكله انه ما ترضع من امها مدري شسوي معاها :(

[azoz12331]

والله محتار ماني عارف شسوي بانتظاركم

[باغيرا]

طيب معليش نظف لها مؤخرتها
واعطيها شراب انتينال للاطفال من الصيدلية البشرية ودفيها كويس
وان شاء الله رح يخف الاسهال واستمر على ترضيعها ربي يعينك

[azoz12331]

القطة ماتت وهذي صوره لها صورتها قبل كم يوم

http://im18.gulfup.com/2012-06-12/1339533951911.jpg (http://www.gulfup.com/show/Xq6dg17sj02s0s)

ويعطيك الف عافيهـ يا اخوي يا باغيرا :) والله جد تعتبتك معي :)

وارجوا من الاداره الاغلاق :)

[باغيرا]

لاحول ولا قوة الا بالله
والله كان ودي ابذل كل جهدي لاساعدك
لكن قضاء قدر
وربي يعوضك خيرها
معليه خير ان شاء الله

[azoz12331]

يا باغيرا ولا تشيل بخاطرك وانا اخوك :) الشهاده لله انت رايتك وبيضاء وما قصرت :)
انا من الاول حاس انها ما راح تكمل لانه ضعيفه مره الله ما كتب لها تعيش لكن الحمد لله باقي ٤ صحتهم حلوه ما شاء الله :)