ارجو الدخول لأصحاب الخبرة في الببغاء

[saudmf]

السلام عليكم جميعاً...
باختصار يا جماعة لدي ببغاء وأجد صعوبه ومشقه معه في تنظيف المنطقه التي حول القفص لانه يخرج اكثر من نص الطعام خارج القفص.. يعني بثر في الأكل وكل يوم لازم المكنسة تشتغل .. ابي الحل ياهل البخص والخبرة ، كل يوم أنا والمدام نقره وهواش على هال طير والمشكله أني احبه وما اقدر افرط فيه

[آنآستــآزيآ]

.. طيــب ياخــوي إشتــر واقــي تناثــر حبــوب .. وهــو عبــارة عــن قطعــة قمــاش علــى مقــاس القفــص توضــح مــن الأسفــل إلــى منتــصف القفــص عشــان الحبــوب اللــي تتناثــر تجــي داخلــهـ ومــا تتناثــر ..

.. لــو مــا حصلتــه تقــدر تصنعــهـ بـ نفســكـ طريقــة سهلــة !! ..


.. آنآستــآزيآ ..

[saudmf]

حطيت وعضضها وقطعها

[الكاكي]

كلام اخوي اناستازيا صح
ارفع شبك الارضيه للاعلى وثبته اما بشرائط الربط البلاستيكيه او سلك معدني وبكذا ضربة عصفورين بحجر
1- حمايه للطير مايوصل للاوساخ التي بالارضيه .
2- ومايوصل لقطعة القماش .
بالتوفيق.......................

[آنآستــآزيآ]

كلام اخوي اناستازيا صح
ارفع شبك الارضيه للاعلى وثبته اما بشرائط الربط البلاستيكيه او سلك معدني وبكذا ضربة عصفورين بحجر
1- حمايه للطير مايوصل للاوساخ التي بالارضيه .
2- ومايوصل لقطعة القماش .
بالتوفيق.......................

.. يــا أنــا يــا أنــت فهــم الموضــوع خطــأ .. أنــا اللــي فهمتــهـ أنــو الحبــوب تتناثــر خــارج القفــص .. وأنــت أعتقــد فهمــت أنــو الحبــوب تناثــرت ووصخــت القفــص .. أعتقــد أنــا اللــي فهمتــهـ صــح .. :p ..

.. عمــوماً أخ saudmf إذاا قطعهــا ضــع نوعيــة مــن قمــاش قــوي مــو كيــس !! ..

.. آنآستــآزيآ ..

[aburagad123]

طاح الحطب شباب وكل مين يمسك عروق الارض ويصلح سيارته :freind: << اقول اخر الرصيف ولا يكثر .. شكلي بتربط اليوم ههههههه

اناستازيا و الكاكي .. كل طرقكم سليمه وفاهمين الموضوع صح << جبت الضايعه يعني :88:

[نوني..]

اخوي خلي سفرهـ تحت القفص كلش يعني بالارض

او ااشتري الواقي المعدني اللي كون بجوانب القفص من اسفل

http://t0.gstatic.com/images?q=tbn:ANd9GcR4tCdvNGRaefeGes1l785Mwvmft8qNMHKou-fOgIhcDwGap61z

غالبا يكون مع الاقفاص الزينه الحديثه ويفك ويركب

بالتوفيق يارب

[بلاك بيري]

ما قصروا الأخوان والأخوات وعموما في قطع قماش توضع على جوانب الشبك مفيده جدا في منع الأوساخ من الخروج من داخل القفص الى خارجه

[saudmf]

الشكر للجميع وخصوصا آنآستــآزيآ ,, فهمك للموضوع صحيح ,, الحبوب تتناثر خارج القفص ,,وفكرة اني احط سفرة تحت القفص فكره مو بطاله بس سويتها وطحت في مشكله اعظم صار ولدي يحبي لين يوصلها ويجلس يفصفص مع الطير ,, مشكله اللي يتزوج وحده ماتحب الطيور ,, الرجاء من جميع العزاب هاوين تربية الطيور وضع شرط في عقد النكاح انها لاتمانع في تربية الطيور لا وتحبها بعد,, كذا تنحل مشكلتي ,, ماعلينا نرجع لمربط الفرس ,, جبت اليوم نوع قوي وللاسف الطير خاف منها وطول الوقت ناشب في القفص من فوق ,, وشلتها ,, الله يعيني كل يوم اكنس:( ,,

[بكاتشو]

افادك الاخ نوني
قفص يكون له اجناب زي الأجنحة من الخارج انا كنت أعاني مثلك وشريت هذا القفص والحمد لله انتهت المشكلة