كلبي صارله يومين ما اكل

[هاوي كرواني]

السلام عليكم و رحمة الله و بركاته


شباب كلبي انحاش من يوم الخميس و هو اصلن كان تعبان

ف لقيته عند جيرانا

المهم موب راضي ياكل بس يشرب بعدين يستفرغ و اعطيه بالابرة في فمه

ماعرفت ينط و ينحاش .................

المهم الحين عطيته ثلاث ابر سريلاك لان الكلب صار سلق

المهم مافي شي يفتح شهية الكلب

[الهولي]

وعليكم السلام ورحمة الله وبركاته
اخي الغالي من الافضل الذهاب فورآ بالكلب الى العيادة البيطرية
كي يتم تشخيص اذا كان مرض قاتل او غيرة
عدم الاكل يعني وجود مشكلة
الى العيادة ثم طمنا ايش صار معك

[هاوي كرواني]

اخوي الهولي انا اول ما لقيته وديته للبيطري عطاه خافض حراره و كان عنده اسهال عطه في العضل حق الاسهال

و مغذي و سالته ان كان فيه فايروس قالي لا مافي فايروس ظاهر عليه الحين و سالته في فايروس البارفو قال لا

لان الاسهال موب اسهال مدمي اسهال لونه فاتح

[الهولي]

طيب كويس الله يجزاك خير انك طمنتني
عشان موضوع الاسهال
في دواء بشري ممتاز
الاكل ممنوع الحليب ومشتقاته
فقط رز مسلوق مع صدور الدجاج والبطاطه
وبعد كم يوم اذا صحصح كلبك تاخذ من العيادة البيطرية كتوزال كل يوم في الفم عشر سانتي
لمدت سبعة ايام بعدها حبوب لديدان ثم كل يوم من الصيدلية البشرية زيت كبد الحوت
كل يوم حبتين الى ثلاث حبات
وانشاءالله يصبح كلبك ميه ميه ولا فراخ الجمعية :D

صورة دواء الاسهال
http://www.altemawi.net/up/uploads/images/php76799221ba.jpg

[هاوي كرواني]

طيب الاستفراغ بعدين هو اصلن ما راح ياكل ما فيه شهيه عنده انا افتح فمه بالغصب

[الهولي]

اوقات تصاب بعض الكلاب بتلبك معوي
وتدخل بين اسهال حاد واستفراغ من يومين الى ثلاث ايام لاكن
موضوع كلبك زي ماقلتلك من الاول الى العيادة البيطرية مره ثانية افضل
او غير العيادة لان بعض البيطريين يشخص المرض غلط
الاسهال الحاد مع الاستفراغ على طول يعني وجود مشكلة
الحل مو بالكلام فقط العيادة افضل

[Nona999]

اضم كلامي للهوليه

واذا احتجت مساعده عن بيطري ممتاز راسلني ع الخاص افيدك فيه

لان بالحالات هذي مانستهين فيها

[ابن سورية]

كلام اخي الهولي صحيح الى البيطري حالا ولاتتأخر

[choosy]

اهنيك و اهني انفسنا بوجود شخصية بقامة الهولي

كلام ما ينبع الا من انسان محب للخير و تقديم الفائدة و المساعدة

اتبع نصائحه و ارشاداته فورآ

وبالصيدلية البشرية محلول جفاف للأطفال بهيئة شراب جلكوز و بودرة تضيفه للماء

يساعد بحالات القيء و يعوض الاملاح المفقودة

ما يشوف شر و ان شاء الله يقوم بالسلامة