فكرة واريد رايكم ^_^

[7mamah]

السلام عليكم ورحمة الله وبركاته


كيف الحال ؟!


يت في بالي فكره وما اعرف لو تنفع او لا قلت اخذ رايكم واشوف افكاركم لدعم هذي الفكره .. :12:

أريد اسوي سلاكه كبيره واربي فيها زوج من الببغاوات ..

المهم الفكرره اني اريد ازرعها من الاطراف واخليها كأنها مكان طبيعي داخلها وتحس الطيور انها في جو طبيعي مريح وحلو ..

طبعا فالامارات مثل ما تعرفون جونا حاااار جدا تصل درجة الحراره لأكثر من 45 درجة مئوية احيانا ..

وفكرررت اخلي الجو لطيف داخل السلاكه تكون فيها زراعه ومن ناحية ثانيه مب عارفه احط فيها مروحه عادية !! او مروحة رذاذ علشان تصير رطوبة مثل الجو الطبيعي للببغاوات !!

بس ما اعرف لو مروحة عاديه لوين اوجهها وتكون مناسبه وماتضر الطيور وبنفس الوقت توصل لهم هوا لطيف ..

ولو مروحة رذاذ نفس الشي !!

وهل ينفع اسوي بركة صغيره داخل !! يشربون منها وفي نفس الوقت يستحمون متى ما يريدون ..



واخررر شي اي نوع تقترحون احط فيها !!

طبعا الانواع السهله والصغيره ..


درة
كوكاتيل
بادجي
طيور الحب


وهل تنصحوني اطبق هذي الفكره او لا ؟


انتظررر ردكم :88:

[هذال العراقي]

اولا فكره حلوه وجميله تربيه ازواج من الببغاوات

عادي ينفع تحطين بركه وانا شخصيا انصحك بالدره والكوكتيل

[7mamah]

شوكررا على ردك :12:

[الهاشم]

بس الدرة عادتا لها موسم للانتاج
اما الكوكتيل اي وقت

[بلاك بيري]

ممتاز جدا لكن انصح بالفصل بينهم ويا ليت تخلي الجو مناسب لهم لأن حر الأيام هاذي قاتل

موفق بكل خير

[بلاك بيري]

وان جد عليك جديد بلغني انا متابعك بكل شغف

[7mamah]

ان شاء الله ادرس الفكره واشوف التكلفة وغيره من الاشياء ولو طبقت شي اكيد بتشوفونه

لكم جزيل الشكر ^_*

[بلاك بيري]

موفق دائما وابدا وانصحك بمتابعه الموضوع مع اخونا ابو عمر فهو من الهواه الذين كانت عندهم نفس فكرتك

[آنآستــآزيآ]

.. ماشــاءاللهـ تبــاركـ اللهـ .. وأنــا كذلكـ مــؤيد لكـ وبقــووووووة !! ..

.. وأنصحــكـ تربــي فيهــا الكوكاتيــل فقــط !! تبــدئ بـ جــوزين أو ثلاثــة والباقــي علــى اللهـ ..

.. طبعــاً لازم تــدرس الموضــووع تمــام وتخطــط لـ المشــروع بـ التفصيــل .. ولا تنســى أو أنــو معــاكـ .. آيــ ســؤال تفضــل .. ^_^ ..

.. آنآستــآزيآ ..

[7mamah]

مشكورررييييييييين حمستوني :12:

وان شاء الله خيرر

[A3z_ansan]

اخوي لا تفكر توقف لان فيه واحد بيقربلي سوااها مع طيور الحب الصغيره مو متاكد من نوعها في بيييته في غرفه ما كان يجيها والرحجال الله منعم علي وهو هاوي تربيه الطيور وسواها غرفه طيور اول ما سواها كان قبل 2 سنتين وكان حاط 30 واحد 15 ذكر و15 انثى خلال 5 شهور صارو تقريبا 98 تتقريبا بس مو متاكد عشان محد يقول كذاب وترى ما عديتها هو عنده يمكن 30 بياضه وكلها حاطها فوق في السقف وشكل الغرررفه حلو مره بس الرجال جاه عيال وعمر بنته الحين سنه وسبع شهور وسارت تدخل وتطلع وفيدها الاكل حقه وتاكل وهي تضحك هههههه ومرضت وابوها باعها كلها ومخلي الغرفه عشان شكلها حلو وبصورها بعد اسبوعين وانزلها الغرررفه واذا فيه في جوالي شيء من الصور بنزلها اليوم

[NaWaF Pp:]

تاكل وهي تضحك !

هههههههههههههههههههههههههههههههههههههههههه

مشاء الله عليك وربي فكره جهنميه بس يبغالها المكان المناسب انت كنت بسويها عندى بالسطح

بحط صندقه بس شفت جو مايساعد خفت انها تموت فابطلت ^_^


~

[7mamah]

ما شاء الله بس كان لازم يراقب البنوته الله يخليها له ^_^


هو علشان الجو انا فكرت ألطفه بالاشجار والرذاذ

انا افكر احطها فالحوش .. انا بطبق ان شاء الله وبشوف اذا قدرت اخلي الجو مناسب بحط فيه طيور

بس اريد اعرف كيف احط المراوح بحيث تكون ملطفة للجو وماتضر الطيور ..


وشكرا على مروركم ^_^

[aburagad123]

ما شاء الله تبارك الله .. اعانك الله في الفكره الاكثر من رائعة
واتمنالك التوفيق في كل امورك

[7mamah]

شكرا ^__^

[A3z_ansan]

حطها من برى وشغلها على اقوى شيء وبيجيها خوى لاهو بارد ولاهو حار

[qatar2022]

انا طبقت فكرتك من قبل ..... ثلاث ارواج درة وحطيت لهم شجرة ونافورة صغيرة داخل الغرفة ....... لكن واجهت مشكلة الحر ما حطيت مروحة وبعد مرور ثلاث شهور كنسلت الموضوع كامل بعت الازواج كلها .

نصيحتي قبل كل شي فكر كيف انك توفر الجو المناسب لهم وهذا اهم شي
والله يوفقك واعطنا اخر جديدك

[FLAMINGO]

يا اخي القفص كل ما كبر تاخر الانتاج فاذا اردت هذا القفص للانتاج ما ينفع اقفاص صغيرة احسن

[7mamah]

شكرا على مروركم وياريت باقي الاعضاء اللي مجرب يخبرني شو المشاكل اللي واجهته وكيف كان تطبيقة

مب مشكلة الانتاج اهم شي التربية وشوفة الطيور منظرها وصوتها والتعامل معاها جربت التربية في اقفاص وفروخ وكل شي وحابة تكون عندي سلاكه منظرها جميل ^_*