وزتي وبطتي وبيضهم الفاسد

[الوفا]

اخواني واخواتي:
شريت زوج وز مصري باخر الشتاء وجلسو عندي بالصيف وجاء الشتاء والخريف
المهم بيضة الوزه ورجنت على 21 بيضه وبعد 50 يوم مافرخو رحت لهم وفقعت بيضها
فوق 10 بيضات فيهم صوصو ميت يعني لهم فتره ميتين بالبيض

اما البط شريت اربع بطات مع الوز
زوج مصري وزوج بكيني
بيضة البطه المصريه ورجنت ومافرخت فسد بيضهم
بعد شهر بيضة البطه المصريه والبطه البكينيه
رجنت البطه المصريه للمره الثانيه ونفس الكلام مافرخت
انا بعيد عنهم ماني قريب مخليهم عند اخوي يربيهم مع دجاج اخوي
المهم اخوي تعب منهم وباعهم :( ..
الحين حنيت ابي اشتري بط ووز ونفسي بالوز لانهم هادي وحبيته
استفساري:
وش اسباب فسد البيض وليش مافرخ لاني غشيم في تربيتهم؟

لو رحت لسوق الطيور وش تنصحوني في الانواع لاني ناوي اشتري ولاني مستعجل بشوف الاحسن ,,, والله يعطيكم العافيه

[ZEAD^_^]

اختي يمكن من الحراره او ان البطه او الوزه تقوم عن البيض فتره ويبرد البيض

[bata11]

يا خي ريح بالك واشتري فقاصة بيض سهلة ومريحة والإنتاج تمام :freind:

[الوفا]

القفاصه يبيلها مراعها ومحافظه
واليا فقسو مع امهم احسن
طيب اي احسن نوع من الوز

[bata11]

أنا عن نفسي أحب الوز العراقي :D

[bata11]

طيب جرب شيل نص البيض وحطه بالفقاصة والنص الثاني تحت الأم و يوم الفقص إخلطهم :)

[abo abdulaziz]

ههههههههههههه مالك الا هالحل يا اخوي تعرف bata لزم عليك لا ترده هههههه

والله انا اخوي انا اشوف البط المسكوفي و فيه ايضا البط السوداني
لكن هذا مو معناته ان نوع بطك ليس جيد بالعكس جميل لكن اقولك كتغيير

[الوفا]

على الله ابي كذا طيور حلوه يعني وزه لونه حلو
البط ماني مصمل عليه دبل كبدي اوكله رز وماياكل الا مع الماء
الماء كل ساعه يبيله تغيير
شكلي بسوي بركه من الاسمنت بمساحة مترين مربع

الفقاصه مدري كم سعرها تقريبا
كذلك الوز العراقي والمسكوفي والسوداني مدري كم سعره التقريبي
بتونس اربيهم عن الطفش وعن خلق الله

[bata11]

الفقاصة أنواع وتختلف على حسب ( النوع , الصناعة , السعة ) :)

أفضل الأنواع الإيطالي بشكل عام :freind:

و أسعاراها تبدأ الأوتوماتيك من 1000 ريال تقريبا :D

وانت ما تحتاج سعة كبيرة بس عاد لا تنسى تجيب وحده تكفي حجم بيض الوز ;)

ولو أنك بجدة كان ما أقصر معك :o

و أدلك على كل الأماكن التي تبيع فقاصات :cool:

[bata11]

إضافة
.
.
.
صح الفقاصات تلقاها بسوق الطيور أو الصيدليات البيطرية :shy:

[الوفا]

شكرا لك ياصديقي
بس احس سعرها غالي شوي
طيب عندي حوش كبير ورا الحوش مكان براحه
نفسي اسوي بركه للوز بس مدري كم تكون مساحتها
يعني عرض وطول وغمق .. اما البط كرهته وع ياكل رز ويشرب ماي وينزل الرز في حوض الماء هههههه
اما الوز احسه مثل الحمام نظيف شوي .. ابي وز لونه حلو ونوعه وكذا
تحملوني يااصدقائي تجربتي مريرهمع البط والوز ههههه

[bata11]

فيه أنواع رخيصة ب 200 ريال بس لازم أنت تقلب البيض كل 6 ساعات ;)

[الوفا]

اعوذبالله لا وربي مابيها الي كل ٦ ساعات
اجل الاوتماتيك سعرها ب١٠٠٠
والله افكر اصلح لي مكان لجميع انواع الطيور
يعني اكثر انواع الطيور واصلح ماسورة ماء شبكه توزع الماء عليهم
كذلك الاكل .. انا بس اجي اتفرج واتونس

شرايك بالفكره اخوي وش الاشياء الاساسيه اللي لازم اعملها عشان اربيهم وارتاح
والفقاسه النوع المريح وش ماركته وحجمه بعبيها بيظ وز وبط ودجاج والسمانا وكل شي

[الوفا]

اي ووش الطيور الي تصلح لتربيه غير البط والوز والدجاج والحمام
افكر اشت ي طيور زينه واتربح وابيع منهم والطاووس هذا لازم اشتريه بس مدري كم سعره

[bata11]

قد شفت طاوس ينباع بـ 1000 :D

و شفت زوج بـ 1500 ريال

خذ نعام :)

وسعر النعام عمر شهر حول الـ500

و متوسط عمره 80 عام :D

وهو ممتاز حيث أنه ينتج حوالي 100 بيض:ة في العام :12:

ويصل لسن الذبح بعمر سنة :88:

و يبدأ الإنتاج بعمر سنتين ;)

ويصل طول النعام إلى 3 أمتار ووزنه 60-120 كلغ

[الوفا]

يقولون تاكل الناس اقصد تطردهم وتخوفهم هههههه
اكلها شعير وبرسيم ولا وشو ههههههههه

[كريس]

انصحك بالبط البلدي

[عززوز]

الحرراه اكيييد

[سعودي2]

اعوذبالله لا وربي مابيها الي كل ٦ ساعات
اجل الاوتماتيك سعرها ب١٠٠٠
والله افكر اصلح لي مكان لجميع انواع الطيور
يعني اكثر انواع الطيور واصلح ماسورة ماء شبكه توزع الماء عليهم
كذلك الاكل .. انا بس اجي اتفرج واتونس

شرايك بالفكره اخوي وش الاشياء الاساسيه اللي لازم اعملها عشان اربيهم وارتاح
والفقاسه النوع المريح وش ماركته وحجمه بعبيها بيظ وز وبط ودجاج والسمانا وكل شي

مب شرط كل 6 ساعات بس اقل شيء مرتين في اليوم وكل ماكان اكثر كان افضل طبعا بالمعقول