السنيوره والبيرانا

[Piranha man]

السلام عليكم ...

يا اخوان انا جربت اطعمي البيرانا سنيوره ( مرتديلا ) وصراحه حبوها على الاخر علبه كامله بتروح ب 5 دقايق ... بس سؤال سريع وعلى الماشي .. السنيوره صحيه للاسماك ولا لا ؟؟ لاني خايف تكون مو صحيه الهم ويروحوا فيها :D

واذا مو صحيه ممكن تقلولي بديل ... غير القلب البقري لاني عندي 10 بيرانات وقلب بقري بدفعني 5 دنانير للوجبه الواحده !!

[pacu man]

اخي ممكن صدر دجاج,كبد وقلب دجاج ارخص من البقر,ممكن تشتري لحم مفروم وانت بتسويها مكعبات وضعها على بلاستيك وتحطها بالفريزر وممكن ربيان شرائح ,صوصج,ممكن تقتل سمان

اخي بصراحه اتوقع ان المرتديلا جيد ولاكن كن حذر فبعض يحتوي على الزيتون ...يعني مابينفع بتحط لهم مع االزيتون ومرتديلا وعسل ولبنه وخبره مابينفع وممكن اتقولي شو المكتوب وره الكيس بتاع المرتديلا

للعلم :يجب تغسيل المرتديلا قبل وضعها لان ممكن تحتوي في الخارج على شحوم واليعني بها دهون او ضعها بالماء اهي والصوصج وتطلع على الدهون الي بتخرج شرط ماء مغلي

[Piranha man]

اه نعم انا بغسلها .. المرتديلا ساده ما عليها شي .... انا صلي اسبوعين 5 ايام سنيوره و يوم سمك حي ويوم ما بطعميهم بصومهم .... بالنسبه للحم المفروم صعبه علي بدي شي جاهز !!

[Dr Khaled]

لا تصلح إطعام الأسماك المرتيدلا أو ما شابه لكون المواد الحافضة و التي تعد للبشر مواد مسرطنة هي مضرة كثرتها و تتراكم في الأجسام مخلفة ضرر متراوح الملاحظة حسب...

[Piranha man]

مممممم ... طيب والحل دكتور

[basil-ramahi]

الحل
1-حلطة القلب البقري

2-صدور الدجاج

3-فاران وضفادع

4-اتوقع اني مره شفت عالنت اكل مخصص للبيرانا في السوق!!!

5-سمك حي سواء جوبي او جولد بس مرة كل اسبوعين او اسبوع ونص مع تغيير 15% من ماء الحوض

6-غذاء مجمد دود او جمبري....الخ

7-الخضار لكن مو محبوب من قبلها كثير لكن ضروري للالياف خصوصا البازيلاء

وعلى فكره في كثير مربين بطعموها مره في اليوم

[pacu man]

اخي البيرانا لاتصوم فاذا انت تصومها فممكن يوم من الايام سوف تلقى الكثير ليش موجود بالحوض ماعاد 3 او 4 بسبب الجوع

[Piranha man]

اخي البيرانا لاتصوم فاذا انت تصومها فممكن يوم من الايام سوف تلقى الكثير ليش موجود بالحوض ماعاد 3 او 4 بسبب الجوع

لا اخي البيرانا تصوم ... اذا كنت تطعميها مرتين باليوم .....

اخوي باسل انت مو متخيل الوضع والله البيرانا الوحده الان طولها 17سم وعندي 10 ... الوجبه الوحده بدها 5 دنانير اذا كانت ربيان او قلب بقري او لحم ..... يعني 10 دنانير باليوم ... وصراحه مش مقدرتني ابداا ... انا بدي حل جديد غير مؤلوف زي السنيوره يعني :)

[Dr Khaled]

و الله يا حبيبي إنته متبع مبدأ الدجاج بالهرمونات كيف بيصير؟؟
هذا حال البيرانا الآن مع السينورة...

ممكن تتعاقد مع محلات الأسماك و تشتري قبيلة جولد برخيص و تحطهم في حوض تربية و خلصنا ما بتكلفك متل الخلطة و إنتهت المسألة ؛ أما نرجع و نقول يا أبو توفير حابب كمان في أكل السمك توفر بقلك ما حدا ضربك على إيدك و قلك ربي بيرانا إللي هيه من الأسماك الضارية ههههههه

[Piranha man]

هههههههههههههههههههه .... هي فكره يا دكتور بس والله البيرانا جننوني والله لو مربي بني ادم ما بوكل قدهم ..
بس هسه بصير اطعميهم كل يوم سمك حي ؟؟؟ لاني انا بعرف انو مره بالسبوع ..... معلش ازعجتكم بكثره الاسئله

[Dr Khaled]

كل 3 أيام وجبة مشبعة ولا تخاف عليهم ولا تفكر تمد إيدك أو يد غيرك في حوضهم في أيام عدم الأكل ؛ بالمستقبل بتصير تتعاقد مع محلات الدجاج اللاحم و ليبكبروا بتيصير تصطاد قطط و كلاب لهم هههههههههه

[Piranha man]

ههههههههههههه والله شكلي رح اصطاد بني ادمين الهم ليوكلوهم ... بيكبروا بسرعه والشهيه دايما مفتحوه ... بس على قولتك خلص جولد فش كل 3 ايام وبيكفي بس ان شاء الله ما ياكلو بعض !! ترا مجانين .... او يمكن احط بين ال 3 يوم قلب بقري وهيك بزبط الوضع .... على العموم الف شكر للكل

[pacu man]

اخي ممكن تصطاد طيور او فئران او حشرات

وممكن تروح للبحر وتاخذلك صناره او شبك كبير على الشاطئ ممكن تطل هناك اسماك صغيره!!
او اذا بالاردن ممكن يوجد مناطق المجاري او المياه العذبه او نهر صغير اكيد في 100% اسماك وفي كذلك بلطي بس تجيبهم نضفهم وغذيهم خلصت السالفه

[Piranha man]

سمك بلاردن !!!!!!! ههههههههه والله يا اخي ما في .... عنا نهر واحد وما فيه سمك اصلا ناشف ... وبحرين واحد ميت مالح ما فيه سمك والثاني بتموت لتوصلوا لانو بعيييييييييد

[pacu man]

هل يوجد مناطق فيها مياه المجاري لان يوجد فيها اسماك

[Piranha man]

للاسف لا !! كمان ايش موديني بالمجاري .... المجاري تحت الارض .... على العموم رح اسوي زي ما قال الدكتور مع وجبه قلب بقري بين الايام !!!

[Dr Khaled]

سالم لا تخاف هون بدك تقول 60+% من المسطح التضاريسي صحراء و 30% أراضي زراعية مع إني بشك في النسبة و الباقي ممكن تحطه منوع أو مجهول هههههه شو مفكر حالك في الخليج في بحار لا لبنان و سوريا أنهار أو العراق؟؟ هون مافي لولا ما بعرف هل القصة ما قلتله روح ع القولد فيش بس في المستقبل بس يكبروا ما شاء الله شو في قطط و كلاب فلتانة ههههههههههه بعملوا كرت واسطة و بنسجلوا في أمانة عمان فرقة المكافحة الحيوانات الضالة

[pacu man]

ههههههههههه عادي واتوقع يمكن يصير جواميس وابقار زياده على القطط والكلاب ودكتور اذا يوجد بها طيور اذا امكنت تقتدر تصطاد وافضل وجبه سمان او الطيور الصغيره ..تضعهم في ايناء حار وبعدها بتزيل الريش وبتربط ارجلهم في خيط وتحطه ليهم وانت بتوكلها هذا الطعام بتكتشف اشياء غريبه وهي كيفية اصطياد البيرانا للفرائس... او اذا يوجد حيوانات زي الفئران او صغير الضب,او ممكن اي لحم رخيص يباع في الاردن مافي اي مشاكل اي شي يألكله الانسان ولايوجد به مواد اخرى يعني طبيعي

[Dr Khaled]

باكو هدّي الله يرضى عليك ......

تم طرح حل المشكلة بالكامل و بجميع أشطارها

يغلق الموضوع لعدم الخروج عن السياق