روكيا ..مريض ..وهذي قصتي معاه

[أم صدى]

السلام عليكم ورحمة الله وبركاته

باقص لكم قصة الببغاء العنيد ابو راس يابس ..
من قبل البارحة وهانا مشغولة لأن عندنا عزيمة أمس..ما بين تجهيز وتحضير ..ومن رجعت من الدوام وانا مشغولة إلى إن راحو الظيوف..راحلت انه ما اكل ظول اليوم ..حاولت اعطيه سوداني ما اكل

ولاحظت انه مغمض عينه اليسار ..وبصعوبه يفتحها..
عل الظهر جبت قطرة دموع الصناعية وقطرت في عينه..
وقبل نص ساعه قطرت في عينه ثاني ... وطلعت مادةصفرا من عينه شكلها التهاب وبصراحه مو أول مرة
تطلع من عينه..ولما نظفت عينه نزل ياكل .. صحيح ما يفتح عينه مره ...بس احسن من أول وباستمر أقطر عينه هالثلاث أيام ...وحطيت له فيتامين في المويه ..

على فكرة بالمثابرة صرت اقدر امسح ظهره صحيح يعصب شوي بس ..صاير يتقبل أكثر من أول

وش رايكم

[أم صدى]

طيب هل طيري مريض مرض خطير؟

[بلاك بيري]

اهلا بك اختي ام صدى بخصوص ما تفضلتي بيه واضح من كلامك انه الطير يعاني من التهاب بالعين وهذا يحتاج له مضاد حيوي موضعي وهو مرهم يباع بالصيدليات العاديه

مثل مرهم الجينتاميسين للعيون وهو ممتاز جدا
مرهم النيوميسين للعيون ايضا فعال
مرهم كلورام فينيكول ايضا رائع

موفقه بكل خير

[أم صدى]

الله يجزاك خير ويوفقك وين ما توجهت

طيب وفيه زي الزكمه عادي احط له بخاخ أنف؟

[بلاك بيري]

الزكام افضل استخدام التايلان مده اسبوع كامل بجرعه خمسه سيسي من ابره الأنسولين داخل مشرب الماء تغير كل 24 ساعه او ان يكون العلاج مخلوط مع خلطه الثوم والليمون

وان لم يتوفر التايلان نفضل استخدام السبيكتولين بنفس الجرعه وبنفس المده الموضحه اعلاه

موفقه

[carlos bin]

زي ما تفضل اخوي بلاك بيري

وهنا رابط طريقه الثوم والليمون

http://www.2zoo.com/vb/showthread.php?t=273779

[أم صدى]

قد جربت الثوم والليمون ..وما نفع كثير

طيب المضاد وين القاه ..لأن سوق الحمام بعيد عني أرجوكم وراح اسافر نهاية الاسبوع وباحطه في بيت اخوي ابيه يكون تحسن قبل اوديه

[أم صدى]

ألف لا بأس على طيرك .. قدامه العافيه
ماقصرو الاخوان .. يفيدك اخوي بلاك بيري بحكم انه من الرياض

بالتوفيق

شكرا لك
وكالعاده كل الموجودين هنا أشخاص محترمين ورائعين ولا يبخلون بما فضل الله عليهم من علم ومعرفة

[أم صدى]

طيب شريت المرهم كيف احطه له؟؟
على الجفن والا جوات العين؟؟

ووين القى المضاد
بيض الله وجيهكم

[Remix]

ربي يشفيها :(

[أم صدى]

ربي يشفيها :(

شكرا على مرورك
وتقبل الله دعاءك

[اصطيف]

اختي حطي المرهم على الجفن وهو راح بعضه يبقا على الجفن وبعضه راح يكون داخل العين وهو ما يضر العين اذا خش ولا يشعر به الطائر لأنه مخصص للعيون . يعني خذي راحتك بس اهم شي حطيه برفق عشان لا تجرحي عين الطائر خاصة الحريم يربون اظافر . . :D

[أم صدى]

اختي حطي المرهم على الجفن وهو راح بعضه يبقا على الجفن وبعضه راح يكون داخل العين وهو ما يضر العين اذا خش ولا يشعر به الطائر لأنه مخصص للعيون . يعني خذي راحتك بس اهم شي حطيه برفق عشان لا تجرحي عين الطائر خاصة الحريم يربون اظافر . . :D

الله يجزاك خير ويوفقك
ابشرك ما عندي اظافر
وباحط له صوره
هنا صورته وهو في القفص والاحظ عينه مقفلة :

http://www.2zoo.org/uploads/13398570001.jpg

طلعته من القفص واخترش وفتح عينه على الآخر .. من الخوف
http://www.2zoo.org/uploads/13398570012.jpg
الله يوفقكم حيرني

وصاير هادي مره ما يزاعق ولا يسوي اي شي

[أم صدى]

هل من اجابات اخرى بخصوص الصور
وفقكم الله

[بلاك بيري]

اهلا اختي ام صدى عفوا على التأخير

بخصوص العلاجات عندك صيدليه بيطريه بشارع الأحساء
وعندك بسوق الحمام
وعندك عند المحكمه الكبرى الديره
او اي محل حيوانات فيها بيطري يعطيكي العلاج مافي مشكله

العلاج قدر الأمكان يكون داخل العين ولو خرج خارجه مافي مشكله

[بلاك بيري]

بس انا اشوف عينه سليمه بالصورة الثانيه

انصحك بمراجعه بيطري مختص وقوليلي وش رايه بالموضوع

[أم صدى]

بس انا اشوف عينه سليمه بالصورة الثانيه

انصحك بمراجعه بيطري مختص وقوليلي وش رايه بالموضوع



أنا هذا اللي محيرني مره يقفل عينه مره يفتحها

بس اغلب الوقت ساكت ومقفلها

مو عادته يسكت حتى اذا شغلنا الدعايات يزاعق واياها هلحين نايم مره ..
واني اروح شارع الاحساء والا سوق الحمام مشوار بعيد جدا ,,,,
واغلب الدكاتره في الشمال ما فادوني..اعطوني علاجات وما خفت زكمته..واخر محل تخانقت معاهم لأنه لطعني ساعه وتكلم معي باسلوب سيء وما تحملت ..ومره رحت لبيطري يقص اظافره خلاه ينزف

مره محتاره راح اسافر يوم الخميس ..
باجرب سوداني في طريق الامام

[أم صدى]

كأنه صار أحسن الله يوفقكم يا رب صحيح ما زال يغمض بس احسن من ؟أول مو نايم على طول..وطلعت من القفص عشان أدهن عينه
وقف على يدي وقام يصفر ..
من الاسبوع الي راح ..وهو ساكت وهاجد

اللع يوفقكم ويسعدكم باوافيكم بالجديد ...

[أم صدى]

أمي سوت له خلطه ثوم وليمون وعسل ..
وقالت اعطيه بالأبرة ..عشان كل ما سويته في المويه حتى لة عطشان يضرب عن الاكل ..وصرت أحط له مرتين المضاد على عينه..وان شاء الله متحسن ومنتعش شوي .. راح الخمول منه

[اصطيف]

طيب ممتاز الله يبشرك بلخير

اذا اتحسن واتعالج حطي له فيتامينات عشان يعوض النقص

خمسة قطرات لمدة خمسة ايام .

[المدني1982]

الزكمه هل هي عباره صوت زي العصسه او الكحه


انا الي عندي اسمع احيان خرفشه في صدره


بالله الي عنده خبر يردلي

[أم صدى]

أنا طيري واضح من صوته كطفل (يناشق ) يعني في انفه سائل اكرمكم الله

نصحني الاستاذ ابو يزن بعلاج ( Spectylo) جزاه الله خير الجزاء واخذته منه وفقه الله ورعاه وسدد خطاه

حطيته في المويه مثل ما قال وشرب منه وان شاء الله خير وما يجي من الله الا كل خير

[أم صدى]

طيري رجع للخمول والاكتئاب ..ياكل عادي ..ويشرب عادي ...
بس انه ما يصفر ..اذا طلعته من القفص يصفر شوي بعدين يخمل ..واذا دخل نام وما ينتبه لأي شي؟؟
وش السواة الله يجزاكم خير