سؤال قبل المحاولة....؟؟

[H.B.H]

السلام عليكم
أنا كاتبة موضوع من قبل على أن طيوري مافقس بيضهم خلال أسبوعين وصبرت عليهم بعد الأسبوعين 3 أيام وبعدين شفت بيضة مكسورة داخل العش وشلتها وشلت البيض كله معاه وقلت مرة وحدة شلت الأعشاش ونظفتهم وحطيتهم تحت الشمس لمدة يومين وخليت الطيور 4 أيام طيران في القفص وهو فاضي بدون ما أعزل بينهم وبدون أعشاش وبعدها خلاص عزلت الذكور عن الإناث وحطيت لهم بيض مسلوق وفيتامينات مرتين وكثرت من الجرجير وألحين باقي يوم الجمعه ويكملون أسبوع من العزل وببتدي معاهم من يوم السبت بسالفة التفريخ بس عندي سؤال.....
ألحين إذا جيت أرجع الأزواج أخليهم كل واحد يختار وليفته مع العش ولا أنا أرجعهم مثل ما كانوا بنفس الأعشاش ونفس الأزواج ؟؟؟
لأني أول ما شريتهم خليتهم كذا كل واحد يختار وليفته مع العش وبعدين عزلت بينهم
وإذا رجعتهم لبعض وش الأكلات اللي تنصحوني أحطها لهم ؟؟

[H.B.H]

أبي أفهم ليش المنتدى بارد كذا :angry: يعني على كثر اللي يربون طيور الزيبرا ما أحد عارف وش أقصد بسؤالي ولا وش القصة؟؟؟ :confused:
يعني قهر كمل الموضوع فوق 24 ساعة وبس 40 مشاهدة ولا رد ولاشيء :wao: وأنا ولا مرة دخلت الموضوع من حطيته وأقول أني رفعت المشاركات
تكفون ردوا علي :(:(

[أبو أمينة]

صباح الخير

الأخ / الأخت : يمكنك ادخال الأناث على الذكور وكل ذكر سوف يختار الأنثى التي تعجبه ، بالنسبة للذي قمت / قمتِ به صحيح ، دمت / دمت ِ بود .

تقبل مروري

أبو أمينة

[H.B.H]

أخيراً يا أبو أمينة رديت علينا
أنا يأست وقلت خلني أجرب وشلت العازل اللي بين الطيور ولمن جا الليل شفت كل واحد جنب وليفته الأولية>>>ماشاء الله أسبوع كامل ولا نسى<< ويوم ثاني عزلت بين الزوجين (يعني كل ذكر مع وليفته في جهة بعيد عن الزوج الثاني)
مشكور على الرد بس ما قلت لي....
وش الأكلات اللي أحطها لهم علشان تزيد من نسبة نجاح تخصيب البيض؟؟