ضروري ياجماعه الخير

[محب الكاسكو الرمادي]

السلام عليكم حبايبي اعضاء توزو

عندي مشكله في الكاسكو عنده عظمه الصدر بارزه بزياده ووزنه صاير خفيف واجد وما يقدر يوقف على العصا

ياريت ادا احد عنده خبره في هالمرض او مرة عليه الحاله

[eaglesa38]

اخوي ليتك كاتب عمر الطير

المهم اسباب بروز عضمة الصدر
الاضراب عن الطعام لاسباب مرضية
مثل الزكام او الاسهال
وهذه الحالة تكثر في الفروخ

وجود دود في معدة الطير
والحل اعطاء الطير حبة دود يومين متتاليين وتكرر العملية بعد اسبوع وللاحتياط تكرر بعد اسبوعين

وفي جميع الحالات الي ذكرناها يحتاج الطير الى فيتامينات
وتغذية زينة تحتوي على خضار وفواكه

تحياتي

[بلاك بيري]

فعلا عمر الطير مهم لأستنثناء الديدان عموما ارسل لنا عمر الطير او صور لنا عينه وما لك الا كل خير ان شاء الله

[محب الكاسكو الرمادي]

مشكورين حبايبي عالردود
الحمدالله ما عنده زكام ولا سهال والبراز ونتون بكرامه طبيعي

وبخصوص الي طلب الصوره
http://www14.0zz0.com/2012/06/15/17/866683592.jpg (http://www.0zz0.com)

[بلاك بيري]

العمر ثمانيه اشهر ودام الطير مافيه اسهال او غيره من الأمراض انا انصحك بتغير نوعيه الغذاء يعني خليه ياكل البليله والذرة والبازيلاء المطبوخه

موفق بكل خير

[aburagad123]

الحمدالله ما عنده زكام ولا سهال والبراز ونتون بكرامه طبيعي
إذاً هذا مرض بروز عظمة الصدر ويسمى (التسييف)
ويزيد من أعراض المرض عليه انتفاخ العينين وكثرة تدميعهما مستقبلاً لاسمح الله

لذلك عليك بإتباع التالي :
استعن بالله قبل كل شي وأعلم أن الله هوا الشافي
يجب تنظيف القفص جيداً
تشميس الطير كل يوم
اعطاء البيض لتعويض النقص من البروتينات والكلس
تنويع الاكل

اسال الله الشفاء العاجل لطيرك

[محب الكاسكو الرمادي]

مشكور وما قصرت اخي بلاك بيري على متابعتك لموضوعي

واخ aburagad123 صحيح كلامك عينه يخرج منها دموع

وتسلم يالغالي ورحم الله والديكم

[aburagad123]

اخوي الرمادي ما ابغى اخوفك ولكن استعن بالله قبل كل شي
وركز على التشميس بطريقة سليمه وعوضه بالفيتامينات عاجلاً غير اجل
وكذلك نظافة القفص اولاً بأول .. قد يكون دودة الفاش منتشره في القفص او الطائر

عشان كذا حاول تنظف القفص وتشمس الطير .. يوجد دواء لهذه الدوده اللعينه ولكن ما يحضرني اسمه
اتمنى من الاخوان يفيدوك بإسم الدواء وبصوره عاجلة

اسأل الله الشفاء لطيرك

[*هاوي البادجي*]

عطه خلطه الثوم والليمون اولا

ثانيا روح للبيطري اخذ لك دواء ضد الديدان

بالتوفيق

[::@عـشـقـي الكـاسـكـو@::]

الطير عنده تسييف والسبب سوء التغذيه

[اصطيف]

الله يشفيه ويفرحك فيه

[محب الكاسكو الرمادي]

مشكورين اخواني وماقصرتو

وبخصوص الي يقول من سوء التغديه بالعكس مانا مقصر معاه من ناحيه فواكه او خضار والاكل الخلطه البلجيكيه فواكه مجففه

انشالله ربي يشفيه

يعطيكم العافيه حبايبي

[aburagad123]

ايضاً خلطة الثوم جيدة جداً في هذه الحاله

3 فصات ثوم تهرس جيداً + نص ليمونه + 1 لتر ماء .. تخلط مع بعض وتترك لفترة 5 إلى 5 ساعات
وتقدم للطير يومياً لفترة اسبوع .
يجب عليك تغير الخلطة كل 12 ساعة
كما تفضلت أخوي التغدية ليست سبب في بروز الصدر في هذه الحالة .. ولكن هذا مرض

اسأل الله الشفاء

[محب الكاسكو الرمادي]

مشكورين مشكورين ويعطيكم الف عافيه اخواني
اخدته للبيطري وعطاني بودره مع حبوب عن الدود

البودره استخدمها لمدة يومين والحبوب لمدة عشرة ايام مع الفيتامينات والحمد الله عينه الحين وقفت عن التدميع

أشكركم على تعاونكم معاي