كلبي مااات

[هاوي كرواني]

شباب انا كان عندي جرو جيرمن ماشاء الله مستوى جااامد و شكل و كان متوقع انه اذا كبر يصير حجمه كبير

المهم شريته و هو عمره ثلاث شهور فكان مطعم التطعيمه الاولى و التطعيمه الثانية ما تطعمها

المهم خذته من صاحبه الظهر و حطيته بالبيت فانا مستانس فيه طلعت الشارع شوي مشيته 10 متر تقريبا

فصاحب الكلب قالي لا توديه مكان الا اذا كنت متاكد ان مامر فيه كلاب قبل

المهم بعد ما مشيته رجعته البيت قعدت نص ساعه و رحت طعمته و كانت درجة الحرارة 39

و البيطري طعمه حقت الجالاكسي المهم اليوم الي بعده لقيته عنده اسهال سائل لونه فاتح

و توني باخذه لقيته عند البيطري لقيته استفرغ

بعدين انتظرت العصر و خذته على البيطري غير الي طعمه قال الفايروس كان عنده قبل التطعيم

و رحت و احد ثاني قال من الام

بعدين عطيت الكلب خلطه صار يسهل 5 مرات في اليوم فانا طلعته المغرب من الغرفه و حطيته في الحوش

و طلعت انا رجعت ما لقيته مدري شكل واحد فتح الباب و انحاش

المهم بعد يومين لقيته عند الجيران و قالي ان له يومين ما اكل خذته و وديته للدكتور

عطاه حق الاسهال و خافض حرارة و مغذي و اكله بالبرة

الاكل الي اكله الدكتور رجعه و اكلته في الليل مره ثانيه و رجعه و كل شوي ااكله و يستفرغ اليوم الي بعده قمت لقيته ميت

ف ابي اسال الغلط من مين انا ولا البيطري ولا كان الفايروس موجود من قبل

البيطري الثاني قال منقبل الفايروس كان خامل يوم عطيتوه التطعيم تنشط

[Nona999]

وعليكم السلام ورحمة الله وبركاته

اخي من المعروف ان كل شي بيد الله وان الله مقدره

لكن فيه عوامل كثير

كون الجرو لم يأخذ كل تطعيماته فهو بحالة خطر ولا انصح بخروجه من المنزل كثيراً هذا اولا

ثانياً قد يكون الفايروس بحاله خامله و احتضان داخل جسم الجرو وبعد اسبوع ظهر المرض

ولا اعتقد ان المرض نشط بعد التطعيمه ولكن قد يكون مثل ماقلتلك محتضن بجسمه سابقاً

واذا كان كان اسهال غير مدمي واستفراغ " اعزك الله " قد يكون نزله معويه ادت بروحه

وكان من الممكن اسعافه من بداية الامر ولكن قدر الله وماشاء فعل

واذا كان البارفو فايروس فقد يظهر عليه خمول وفقدان شهيه واسهال مدمي واستفراغ " اعزك الله " ويقضي عليه خلال ثلاثة ايام

اخيراً بعض المرات يحزننا موت جراءنا ولكن نتعلم من اخطائنا و مواقفنا

الله يعوضك بـ اخير منه ان شاءالله

لك كل الاحترام والتقدير

موفق

[Abo_fahed]

الاخت نونا كفت ووفت

والخطأ دايم يرجع للمربي

ويجب عليه ان يعرف الالتزامات ويلتزم فيها

ويبحث عن افضل العيادات

والامر في النهايه مثل ماقالت نونا يرجع للقضاء والقدر


اعذرني سأغلق الموضوع بناءا على قانون القسم

والله يعوضك