مشكلة الجعير

[muneer434]

السلام عليكم يااخواني وحبايبي

طيري بيبو الحمدلله له عندي 3 اسابيع تقريبا وكل يوم اخرجه من القفص واحطه على استاند ويصفر ويشكل وكل شي ماشي تمام الحمدلله والحسنة الطيبة فيه انه مايعرف يعض لكن السيئة اللي فيه لما ارجع احطه في القفص يجعر يجعر يجعر وحتى لما اغير له الاكل بس يجعر يقهر يقهر مني عارف كيف اخليه يبطل الجعرة داخل القفص مع العلم انه فوق الاستاند مايجعر حتى لو احد عدى من قدامه بس لو قربت مرة يبدأ يجعر ويسكت بعدين
ومايخليني امسح راسه بس يخليني امسح على منقاره ويسكت بس لو قربت من راسه ييدأ يجعر مرة ثانية ويسكت ولما امسح على منقاره يسكت
ايش الحل ياجماعة مع الجعرة اللي في القفص وكيف اقدر امسح على راسه
مع العلم اني اكلمه واغطيه وقت النوم واهتم في اكله واحطه في غرفة ظلام احيانا واخليه معانا في الصالة يتفرج على البزورة واحطله صوت صفير ويبدا يصفر وغيره من الاهتمامات
ايش الحل غير الصبر يااخواني
اخوكم منير

[NaWaF Pp:]

مشآء الله

شغلك تمام بس يمكن عندك شويه خوف

وبنسبه للجعير هذي طبع فيه يروح مع الوقت انا طيري له 3 اشهر وليومك هذا يجعر

هو اخذ الجعير سلاح عرف انه لو جعر محد يقربه بس خلك مطنشه كأنك ماتسمع وامسح علي راسه بدون خوف

حتى لو ردت فعله قويه لا تحاول تقاوم خلي كل شي طبيعي


وموفق خير ان شاء الله

تقبل مرورى ..,

[بلاك بيري]

انصحك بوضع الطير على استاند فتره لا تقل عن شهر ويكون بمكان عام فيه حركه الأهل كثيره راح تلاقي الطير تعود

[عشقي البلوفرنتد]

كلام بــلاك بيري
سلييم

[اصطيف]

صحيح اخي بلاك بيري كلامك بس هذا اذا كان الأهل ما عندهم مشكله او دارسين الوضع

ولهم هوايه بلمجال .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بس الوضع راح يختلف كلياً اذا اهلك ما وافقوا على هذا الوضع وممكن يطفشوا ويرموا الطير او ما يتقبلوه وبكذا ما راح تقدر تخلي الطير في المجلس وراح تخليه بغرفتك او بمكان معزول .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا من وجهت نظري اسمع كلام بلاك بيري بس اذا ما نجحت الطريقه اعزل الطير وخليلك فتره قريب من الطير مثلاً

وانتى جالس على النت خلي الطير قريب منك طلع الطير كل فتره وفتره للمجلس وجلسه شوي واذا انزعجوا منه

رجعه . وهاذي البدايه ويعدين نكمل معاك باقي الترويض . واي استفسار لا تتردد الموضوع مفتوح راح نكون معاك الين

ما تنتهي من ترويض الطير .

[حنون القلب]

انا نفس مشكلتك كل الامور تمام بس لاجيت للقفص يجعر بقوه
بس مع الوقت راح يتعود ويروح الجعير لاحس بالامان يروح الخوف منه
والاخوان ماقصرو

[muneer434]

مشكور على الردود ياخواني
يعني في الاخير عليا بالصبر
والله المستعان

[عبدالعزيز14]

كان عندي طير يجعر
لكن جلوسي بالقرب منه وكان جوى القفص اذهب الجعير

[بلاك بيري]

قربك من طيرك وتوددك له يخليه يهدأ

بخصوص الأستاند في حال ان كانت صعبه عليكم وكذا انا انصح بجعل الطير في مكان مرتفع حتى يشعر بأنه المسيطر

تحياتي

[اصطيف]

عليك بصبر وخلي الطير ياخذ وقته

ولا تستعجل

[aburagad123]

كما تفضلو الاخوان .. عليك بالصبر .. وارفع القفص لمتر ونص اقل شي
بعد فتره راح يخف الجعير .. واهم نقطه حاول تمسح على راسه فتره طويله

الطير تلقائي راح يخف الجعير عنده

موفق