أخواني نصيحة لأخوكم المسلم

[Hnoty]

السلام عليكم

اخاوني اخواتي

انا ابي اربي بغبغا الكاسكو افريقي
هل تنصحوني فيه

ونا افكر اخذ زوج عشان ينتجون عندي

غرفتي فيها مكيف LG باردة

ابي نصايحكم
انا ما عندي خبرة في التربية أبداً بس شفت المنتدى وتعلمت اشياء كثيرة

هل القى بغبغاء كاسكو 1000 ريال فيه ناس قالو ايه هل صح هلكلام
أبي اشتري زوج كم ألقى أسعارهم

[عبدالعزيز14]

الانتاج يمكن تحصل صعوبه بتطبيق فكرتك
تحصل ب600 مو 1000 لكن كبير بالعمر وغير الليف
بالسوق الصغيره بالعمر والاليفه ولا تتكلم تبدى اسعارها من 1700 تقريبا
انت حدد وش تبي اليف وصغير او صغير مو اليف او كبير واليف
الاسعار تختلف

[بلاك بيري]

نصيحتي خذ فرخ تراه زين وايضا لا تعرض الطير مهما كان عمره للمكيف لأنه بيتعب

موفق

[Hnoty]

أبي أليف ما همني كبير أو صغير بس اهم شيء السعر يكون حلوو

بس ما يكون كبيررر في السن يعني بلعربي اهم شيء ما ابي اخذ شايب <<اما شايب

[بلاك بيري]

عليك بالفرخ والفرخ يجي اليف بالفطره

[Hnoty]

طيب كم أسعارها

وكم عمره شهر او شهرين او 3 شهور

[بلاك بيري]

يعني بعمر سته اشهر بتلاقي هولندي على 2400 ريال

او افريقي على 1400 ريال اليف وماعنده جعره

موفق بكل خير

[Hnoty]

طيب انا ساكن برياض تنصحني وين اروح اذا تعرف محلات معروفه

ودي اعرف وش الفرق بين افريقي وهولندي

[بلاك بيري]

سوق الحمام العزيزيه يكفي ويوفي ان شاء الله

الفروق هم نفس بعض لكن الهولندي بحجل والأفريقي بدون حجل

[Hnoty]

معليش ازعجتك بس سوأل دايم في بالي وشهو الحجل ؟

[بلاك بيري]

حلقه معدنيه توضع بقدم الطائر تحتوي على اسم المزرعه والمحكر وتاريخ الأنتاج

[Hnoty]

يعطيك العافيه ما قصرت الله يجزاك ألف خير على المعلومات الي عطتيناها

[بلاك بيري]

لا شكر على واجب

[aburagad123]

ما شاء الله عليك ي بلاك ماقصرت .. كفيت ووفيت

موفق اخوي بالطير الجميل

[عبدالعزيز14]

انا حصلت بمحل بالرياض بسوق الحمام
عمره 8 اشهر تقريبا ب2200
اليف مره
لكن حجمه صغير

[عشقي البلوفرنتد]

افادوك