ببغاء جديد وكم سؤال واتمنى من الخبراء الدخول

[FrEe LeGeNd]

السلام عليكم ورحمة الله وبركاته كيف حالكم؟

ان شاء الله تمااام؟

مر وقت طويل وما كتبت موضوع بهذا القسم
لانقطاعي عن تربيه الببغاوات

مع اني احبها بجنون
ولله الحمد فتره طويله وانا ابحث عن ببغاء مميز وبسعر مغري وحصلت واحد قبل يومين

وشريته جيت فيه البيت مبسوط فيه هههههه

ولما دخلت البيت حبيت اتذكر اشياء عن تربيه الببغاء نسيتها هههههههه

حطيته بالصاله الي تحت على طاوله ارتفاعه تقريبا 70 سم في مكان برودته حلوه بعيد عن الحر لان الحر عندنا بالرياض اعوذ بالله
الطير نشاطه حلو ويصفر ويبوس وسمعت منه الو

هو اليف على حسب كلام الرجال لاكن انا للحين ما قربت يدي منه كل الي اسويه اعطيه اكل واصفر له واطلع بالعصر بالشبك يتشمس وينبسط ويجلس يتشقلب
وياكل من يدي

لون العين ماني متاكد منها احسه فوق السنه وناس قالو لي سنتين وناس قالو 5 سنين
شككوني في نفسي حبيت اعرف عمره تقريبا لاني والله نسيت
اتذكر اذا عينه غامقه يعني فرخ واذا بيضاء سنه ومدري وش بعد

وهاذي صور للعين

ذكروا الله
ماشاء الله لا اله الا الله

http://www.2zoo.org/uploads/13401268001.jpg (http://www.2zoo.org/)

http://www.2zoo.org/uploads/13401268002.jpg (http://www.2zoo.org/)



وهاذي صور لجسمه

http://www.2zoo.org/uploads/13401268003.jpg (http://www.2zoo.org/)

http://www.2zoo.org/uploads/13401268901.jpg (http://www.2zoo.org/)

http://www.2zoo.org/uploads/13401268902.jpg (http://www.2zoo.org/)



وشفت برازه وانتو بكرامه ابي تشوفون هو طبيعي ولالا

http://www.2zoo.org/uploads/13401270082.jpg (http://www.2zoo.org/)

http://www.2zoo.org/uploads/13401270083.jpg (http://www.2zoo.org/)

http://www.almlf.com/get-6-2012-almlf_com_2zp79sxee6.jpg


وعطوني كم نصيحه عامه فيهم ذكروني في كم نقطه
لاني والله ناسي اشياء كثير عنهم

[FrEe LeGeNd]

ملاحظه الي تحت البراز هذا ورق لاني افرش الصحن الي تحته بورق
عشان التنظيف يكون سهل مو صعب

[H.B.H]

أول شيء مبروك عليك الطير
وسؤالك عن عمر الطير........هو فوق السنة صحيح بس كم بالضبط والله الخبراء يعلمونك يعني أتوقع أتوقع يوصل السنتين لأن من الصور أحس العين قالبة للصفار
والبراز "الله يكرمك" إذا كانت شهيته مفتوحه أتوقع أنها عادية (أنا طيري في الصباح إذا قعدته يصير كذا لأنه يصير طول الليل نايم ولا أخرج شيء)
وإن شاء الله الباقي يفيدونك ^_^

[aburagad123]

طيرك مو صغير معدي السنتين .. العين اكتمل الصفار فيها
عموماً سنتين عن 5 سنوات ما تفرق .. اهم شي يكون فك الخط
الاهم يكون عنده كلام .. عشان ما تتعب في تلقينه
إذا عنده كلام سهل تسخين الطير وتعليمة كلام إضافي

والعكس صحيح

استمر على نفس المنوال .. اكرمه في الاكل .. ودلعه .. لا تحاول تمسكه الحين
خله اسبوعين .. ولو تطلعه على استاند يكون احسن بعد
حاول ترفع القفص متر ونص تقريباً

في النهاية مبروك ماشريت .. والله يحفظه لك

بالتوفيق

[FrEe LeGeNd]

الله يبارك فيكم
مشكورين والله ما قصرتو يعطيكم الف عافيه طمنتوني

الحمد لله انا سمعت منه الو مرتين اليوم الصباح
وكلمه مو مفهومه قالها مره ولا كررها وصوت التبويس واضح جدا ويكرره كثير وطويله ويصفر ويشكل
وجرائته حلوه ماشاء الله تبارك الله

لاني اول مره اربي طير متكلم كل الي ربيتهم ما تكلمو عندي تكلمو عندي غيري وتكلمو نفس الكلام الي كنت اعلمهم ياه
طيب وش نصايحكم في التلقين؟

[aburagad123]

هذا رابط لموضوع اخوي عشقي البلوفرنتد إن شاء الله يفيدك في التلقين

http://2zoo.com/vb/showthread.php?t=274425

[عشقي البلوفرنتد]

شوف موضوعي
بيفيدك

[H.B.H]

في التلقين أنا أقول لا تتعب نفسك وتقابله ساعتين يومياً على كلمة وتقول بقى شهر ولا تكلم أساساً بس تعلق على كلمة أنت بتزهق وهو بيزهق
أنا أقول لمن تجي تنظف القفص أو بتطلعه كلمه كأنك تكلم طفل وهو مع الوقت بيحفظ(اللي عندي أسبوعين بالكلام العادي يحفظ) بهذي الطريقة يربط بين الكلام والعمل يعني مثلاً إذا جيت تطلعه قول له "تعال تعال" وحرك يدك بأنه يجيك بعدين خلاص بس تقول له تعال يجيك أو إذا سويت الحركة بيدك يقول"تعال"ويجي على يدك ...بس إذا أنت تبيه كلمة بس يرددها كذا كل ما مريت عليه قولها له وأكيد بيحفظها يعني ما بيجي نهاية الشهر إلا وهو قايلها إذا طيرك هذرة
وبس....

[FrEe LeGeNd]

بيض الله وجيهكم جميع ما قصرتو

وان شاء الله رح اشوف موضوع اخوي عشقي واطبقه حرفيا

[بلاك بيري]

ماشاء الله ما قصروا الأخوان بارك الله فيهم

[ابوفزاع]

ماشاء الله ومبروك الطير

والاخوان وفّوا وكفّوا واعجبتني طريقة الاخ H.B.H وحصلت معي شخصيا .. الكلمه التي لم القنها للطير بشكل مستمر ومجرد ارددها اذا جيت الاعبه او اغير له الاكل والمويه حفظها اسرع شي ونطقها ..

الله يبارك لك بالطير وبخصوص العمر .. تعدا 3 سنوات

[rcoood]

عليكم السلام ورحمة الله
اول حاجه اخوي بالنسبة للعمر في طيور افريقيه تجي اعينهم نفس طيرك بس اختلف مع اخواني بالعمر من العين عى طول شوف اخوي طالع بذيل طيرك اذا فيه سواد خفيف بنهاية الذيل فأن طيرك توه سنه وشهر واذا مافي فهو سنتين وعليها
انا كان عندي طير وربيتو وهوا عينو رمادي وصل سنه وعيونو نفس طيرك وسالت خبراء وقالولي نفس ماقلت لك
الفروخ يجيك سواد خفيف بنهاية الذيل
والله يبارك لك بالطير